MƖKA 1:8 - WƖA TENIŊ

⁸ Mɩ-na Mɩka jaŋ tɩŋ wɩɩŋ deeŋ wɩaa a yel a ŋmoo niiŋ, mɩ jaŋ kɛŋ naabirimee arɩ yarɩ-biree a gɔllɛ. Mɩ jaŋ gɔllɔ yel a nagɛ jolo, a huuni a nagɛ hajaaŋkuŋkuŋ,

MƖKA 1:8 ပူးပေါင်းရင်းမြစ်များ

2 KUOROO 18:13

Hezikaaya sɩ kʋ dii kuoruŋ Juda tinteeŋ lɛ, ʋ jɩsɩŋ fii arɩ banɛsɛ tʋɔŋ nɛ, Asiiria kuoro Sanakɛrɩb arɩ ʋ nɩaa sii kʋ yuo dii Juda tabala-la kala ba sɩ saa kɛrɩsɩŋ golli, a kɛsɛba.

ƐSƖTA 4:1

Modikaaya sɩ nɩɩ teŋ-la ba sɩ ŋmʋnsa wɩaa, ʋ kɛŋ ʋ gɛnnɩŋ kɩɛsɛ aŋ ŋaa tʋɔrʋŋ bʋgɛ, a laalɛ tʋɔ-chei gɛrɩŋ a faasaa ŋmoo niiŋ.

JOB 30:29

Jolluŋ nɛ mɩɩra bɩrɩmɛ mɩ naambiiriŋ, hajaaŋkuŋkumba ma bɩrɩmɛ mɩ pɛ-jʋʋraa.

WƖA YƖƖLAA 102:6

Mɩ nagɛ diibie sɩ hɛ tintee-hɩlɩŋ lɛ nɛ, a nagɛ hajaaŋkuŋkuŋ dʋndʋŋa sɩɩ jʋʋ jikpeeŋ.

AZAAYA 13:21

Gɩrɩŋ kɩaa dʋndʋŋa nɛ jaŋ hɛ nɩmɛ. Ʋ jaŋ ŋaa jolluŋ dɩa, nɩmɛ nɛ hajaaŋkuŋkumba jaŋ jʋjʋʋ, dɩ tɛhɩɩba ma gbigbieli nɩmɛ.

AZAAYA 13:22

Babɩlɔŋ kuori-dɩɩ-zɔmɔ-la jaŋ ŋaa kpeyee dɩjʋʋlaa, dɩ jolluŋ nɩnɩɩ sɩma nɩmɛ. Ba jaŋ huoso su lee-la kala. Babɩlɔŋ cheyiŋ tapʋlaa chese nɛ, ba bɩ jaŋ kɛŋ ʋ tapʋlaa lɛrɛ mʋ sɩpaaŋ.

AZAAYA 16:9

Lɛɛlɛ, mɩ jaŋ yel a nagɛ Jaza sɩ yel ŋɩɩ, a tɩŋ Sɩbɩma girep tɩɩsɩŋ bagɩsɩ-la wɩaa. Mɩ kala nɛ fo arɩ sɩlɩɩrɩŋ a tɩŋ Hɛsɩbɔŋ arɩ Eliali wɩaa. Ba fa sɩ yie tʋtɔrɛ tɩɩnɛnɛ-la a ŋɩŋaa goŋ-la arɩ tʋɔtɔrʋŋ, ŋɩɩ bɩra tuo.

AZAAYA 21:3

Wɩɩ-la mɩ sɩ na arɩ wɩɩ-la mɩ sɩ nɩa leŋe fawʋllʋŋ kɛmmɛ nɛ, hɛɛŋ jʋʋmɛ nɛ, a nagɛ haala sɩɩ chɛ ʋ lʋl ʋ luoruŋ wʋwɩɩ ŋɩɩ.

AZAAYA 22:4

Ŋɩɩ nɛ mɩ bʋl, “Má mʋ aŋ lemmi, dɩ mɩ chaasa yel. Má sɩ́ mɩ bɔyɛ nyagʋ a mʋ tɩgɛ mɩ nɩalɩŋ ba sɩ kpʋa wɩaa.”

AZAAYA 32:11

Ma haala-la sɩ bɩɩna ma vɔgɔ nɛ, wɩɩkala ma sɩɩ chɛ lɛ, má leŋ dɩ fawʋllʋŋ kɛmma dɩ ma chichel. Má wuri ma gɛnnɩŋ aŋ paa tʋɔ-chei gɛnnɩŋ a vɔɔ ma tɩnsɩŋ.

JƐRƖMAAYA 4:19

Mɩɩ na hɛɛŋ nɛ, hɛɛŋ kɛmmɛ nɛ mɩ mɩmɩlɩmɛ. Mɩ tʋɔŋ kala nɛ cheye. Mɩ bɔyɛ ka joŋ nɛ, mɩ bɩ mɩ niiŋ wuo tɔrɛ. Mɩ nɩɩ banyile ba sɩ ŋmʋa nɛ. Mɩ nɩɩ laalɩyuori goŋ-la ma ba sɩ ŋaa nɛ.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:19

La nɩa dɩ baa ŋmoo niiŋ nɛ Zaayɔŋ lɛ a bʋbʋl, ‘La cheye dɛrɛ nɛ. La hɩɩsɩŋ chaasa yʋgɛ nɛ. Ʋ maga dɩ la lɩɩ la tinteeŋ lɛ nɛ, bɛɛ wɩaa la dɩɩsɩŋ kala nɛ ba ŋmoo lo.’ ”

ƐZƖKƖƐL 32:18

“Nuhuobiiŋ, yel a pɩ Ijipiti tɩŋŋaa nɩ-daŋ-la kala sɩ jaŋ tuu bʋa a pɛ tintee-duoruŋ nɩalɩŋ sɩ tuu bʋa lɛ.

MƖKA 2:4

Tapʋlɩɩ-la nɩaa jaŋ sieri ma lɛ, ba jaŋ yɩɩ nisusu yɩɩlɩŋ deeŋ a sieri ma lɛ, ‘La wɩaa chaasa chei nɛ, ba kɛŋ mɩ nɩaa kɩaa kpaa nɛ. La TƖƖNA kaa laa mɩ teeŋ nɛ, a joŋ la bagɩsɩŋ a pɩ nɩalɩŋ sɩ yuo diila.’ ”

1 SAMƲƐL 19:24

Ʋ sɩ mʋa, ʋ wuri ʋ gɛnnɩŋ kala ta nɛ, aŋ ma bʋbʋl Wɩa wɩaa Samʋɛl sɩpaaŋ, aŋ kɛŋ yarɩ-biree pɩŋ tinteeŋ tapʋlɩɩ-la wɩɩhɛyɛ arɩ tɩtaŋɩŋ kala. Ŋɩɩ nɛ tɩɩ nɩaa pɩpɩɛsɛ, “Sɔɔl ma ŋaa Wɩa wʋlaabʋllʋ nɛɛ?”