MƖKA 1:6 - WƖA TENIŊ

⁶ Ŋɩɩ wɩaa La TƖƖNA sɩ, “Mɩ jaŋ leŋ dɩ Samarɩa pɩŋ jikpeeŋ a ŋaa pʋlʋŋ-jaala, lee ba sɩ jaŋ bil girep tɩɩsɩŋ baga. Mɩ jaŋ paa ʋ tabɩa-la sɩ tele daŋ dɔŋɔ tuu fuonaaŋ aŋ ka dɩ ʋ gentine nyɩɩsɛ.

MƖKA 1:6 ပူးပေါင်းရင်းမြစ်များ

2 SAMƲƐL 17:13

Dɩ ʋ nɛ leŋe aŋ fá jʋʋ taŋ-la ba sɩ saa kɛrɛ a golli, la nɩaa kala jaŋ kɛŋ ŋmɛsɩŋ a kʋ vɔɔ taŋ-la jebiee a lɛrɛ lo, a lɛrʋ tuu fuonaaŋ. La bɩ jaŋ leŋ dɩ tabɩɩ-bie ma ka nɩmɛ.”

2 KUOROO 18:10

Ʋ yuou ŋɩɩ nɛ jɩsɩŋ batori, aŋ yuo dii. Bʋa deeŋ lɛ dɩ Hezikaaya sɩ dii Juda tinteeŋ kuoruŋ ʋ jɩsɩŋ balɩdʋ lɛ nɛ ŋɩɩ. Hosia ma sɩ dii Iziral tinteeŋ kuoruŋ, ʋ ma jɩ-nibi lɛ nɛ ŋɩɩ.

2 KUOROO 18:9

Hezikaaya sɩ dii kuoruŋ Juda tinteeŋ lɛ, ʋ jɩ-nɛsɛ lɛ, dɩ Ɛla nanʋala Hosia ma sɩ dii kuoruŋ Iziral tinteeŋ lɛ, ʋ ma jɩ-pɛɩ lɛ nɛ ŋɩɩ. Ŋɩɩ nɛ Asiiria tinteeŋ kuoro Salɩmanɛsa kʋ tɔ Samarɩa hɛ a yuyuou.

2 KUOROO 19:25

Sanakɛrɩb, ŋ bɩ wɩalɩŋ mɩ-na La TƖƖNA sɩ bɩɩna bil faafaa kala dɩ mɩ ŋaa nɩa? Lɛɛlɛ mɩ ŋaaba nɛ. Mɩ nɛ pɩŋ doluŋ ŋ kaa kɛŋ tasɩ-la kala ba sɩ saa kɛrɩsɩŋ golli bɩrɩmɛ ba nagɛ tabɩaa sɩ daŋ dɔŋɔ lɛ ŋɩɩ.

AZAAYA 17:1

Wɩɩ-la La TƖƖNA sɩ bʋla pɩmɛ a tɩgɛ Damasɩkʋs lɛ nɛ ŋ-la: “Má bee na, Damasɩkʋs kala jaŋ chei, ʋ bɩra bɩ jaŋ ŋaa taŋ, ʋ jaŋ pɩŋ jikpeeŋ.

AZAAYA 25:12

La TƖƖNA jaŋ ŋmoo ba jebii-leŋie-la kala ba sɩ kaa pʋpɔ ba tɩtɩa lo. Ʋ jaŋ leŋ dɩ ba kala tuu tinteeŋ.

AZAAYA 25:2

Ŋ nɛ leŋe tabal-la pɩŋ jikpeeŋ, tasɩ-la ba sɩ saa kɛrɩsɩŋ a golli pɩŋ hoi nɛ. Taduoru-la nɩwogusuŋ sɩ saa bɩra tuo, nʋʋkala ma bɩ jaŋ wuo wasa paa saa.

JƐRƖMAAYA 31:5

Ma jaŋ bɩra pɛrɛ girep tɩɩsɩŋ bagɩsɩŋ Samarɩa dundolluŋ nyuŋ. Paaraa jaŋ chɔnsɛ tɩɩsɩ-la, a nɩɩ ba nɛnɛɛ sɩma.

JƐRƖMAAYA 51:25

Mɩ chɩŋ ŋ-na Babɩlɔŋ lɛ nɛ, ŋ nagɛ peeliŋ nɛ a chei nɩaa. Ŋ chei dʋnɩa kala nɛ. Mɩ jaŋ lɩɩsɛ nɩsɩŋ a liesiŋ, a bilimiŋ ta peel-la nyuŋ, a leŋ dɩ ŋ dii nyiniŋ.

JƐRƖMAAYA 51:37

Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JEMBIEE 4:1

Sɛlɩmɛ tʋla lɩa, sɛlɩmɛ sɩ zɔmɔ ŋɩɩ bɩrɩmɛ kʋpɛɩ. Wɩa dɩɩ-bal-la tabɩɩ-zɔŋŋɔɔ jaasa pɩŋ womporuŋ lɛ nɛ.

ƐZƖKƖƐL 13:14

Mɩ jaŋ yigi jee-la ma sɩ joŋ tʋɔrʋŋ bʋgɛ a lo, a yɛrɛ ʋ kala muno muno ka dɩ ʋ gentine nyɩɩsɛ, dɩ jee-la nɛ tele, ʋ jaŋ kpʋ ma kala. Ŋɩɩ lɛ nɛ ma jaŋ jɩŋ arɩ mɩ nɛ ma TƖƖNA.

HOSIA 13:16

Nɩalɩŋ sɩ hɛ Samarɩa lɛ, ba cheeriŋ jaŋ nyʋa ba nyuŋ lɛ, bɛɛ wɩaa ba lɩɩ ba Wɩa harɩŋ nɛ. Ba jaŋ kpʋba laalɩŋ lɛ, aŋ paa ba biibiisiŋ vɩɩrɛ tinteeŋ kpʋ, a kɛsɛ ba hapuugoo ma kpɛrɛ.”

AMƆS 5:11

Ma kɛŋ summoo jɩlaa tuu nɛ a fʋgaa laa ba mɩaa. Ŋɩɩ wɩaa ma saa dɩɩ-balaa ma nɛ, ama ma bɩ jaŋ jʋʋba a nɩɩ sɩma. Ma pɛrɛ girep tɩɩsɩŋ bagɩsɩŋ nɛ, ama ma bɩ jaŋ nyʋa ba sɩnɩŋ.

AMƆS 6:8

La Tɩɩna Wɩɩjarɩbakɔ ŋmɩɛsɛ ʋ tɩtɩa nɛ. La TƖƖNA doluŋ kala Tɩɩna sɩ: “Ma Jekɔb doho nɩaa, mɩ bɛrɛ ma babii-ballɩɩ-la nɛ, a bɛrɛ ma moribiee dɩɩ-bala-la ma. Mɩ jaŋ joŋ ma tabal-la arɩ ʋ kɩaa kala pɩ ma dʋndɔŋŋɔɔ.”

MƖKA 3:12

A tɩŋ ma wɩaa, ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.

HABAKU 3:13

Ŋ lɩa dɩ ŋ laa ŋ nɩaa ta nɛ, dɩ ŋ laa nɩɩ-la ŋ sɩ lɩɩsa ta. Ŋ kpʋ nɩbɔŋŋɔɔ tinteeŋ sɩpaalaara nɛ. Ŋ gbegisu nɛ a lɩɩ ʋ nyuŋ a kaa tuu ʋ naasɩŋ.

Matiu 24:2

Ŋɩɩ nɛ Yesu sɩ, “Ma bee na ʋ sɩ zɔmɔ ŋɩɩ, ama, mɩ bʋlaa pɩma, ba jaŋ ŋmoo dɩa-la kala lo. Ba bɩ jaŋ leŋ dɩ tie-bii-bala ma ka daŋ ʋ dɔŋɔ lɛ.”