MƖKA 1:4 - WƖA TENIŊ

⁴ Peelee jaŋ yʋɔlɛ ʋ naasɩŋ bʋbʋɔŋ, a nagɛ keliŋ sɩ kpagɛ nyiniŋ a ŋmɩɛrɛ. Fuo-naasɩŋ ma jaŋ pɩsɛ dɔŋɔ lɛ a nagɛ lɩɩŋ sɩ pɛllɛ lɩɩ dundolo nyuŋ tutuu.

MƖKA 1:4 ပူးပေါင်းရင်းမြစ်များ

WƖA YƖƖLAA 46:6

Fawʋllʋŋ chaasa jʋʋ tinteyee nɩaa nɛ, kuoroo sɩɩ beŋ tinteye-la titel. Ama Wɩa sɩ kpɩa goŋ, tinteeŋ kala yʋɔla nɛ.

WƖA YƖƖLAA 68:2

Ŋmooba pɩsɛ a nagɛ peliŋ sɩ ŋmoo nyʋɔsʋŋ pɩsɛ. Wɩa, leŋ dɩ nɩbɔŋŋɔɔ lɛl ŋ sɩpaaŋ a nagɛ nyiniŋ sɩ dii keliŋ ʋ ŋmɩɛrɛ.

WƖA YƖƖLAA 97:5

La Tɩɩna sɩpaaŋ, peelee yʋɔla nɛ a nagɛ keliŋ sɩ ŋmɩɛra. Ba ŋmɩɛra nɛ La Tɩɩna sɩ tɩɩ dʋnɩa kala sɩpaaŋ.

AMƆS 9:5

La Tɩɩna doluŋ kala Tɩɩna nɛ digi tinteeŋ, ʋ yie zigili nɛ, nɩalɩŋ sɩ hɛ ʋ lɛ yel. Wɩa ŋaa tinteeŋ kala sii nɛ aŋ bɩra tuu pɩŋ a nagɛ Naayɩl fuo-la fa sɩ sii ŋɩɩ aŋ tuu pɩŋ.

NAHUM 1:5

Ʋ sɩpaaŋ, peelee yie jigisi nɛ, dundolluŋ ma yʋɔlɛ. Tinteeŋ yie zigili, dʋnɩa nɩaa chichel ʋ sɩpaaŋ.

HABAKU 3:10

Peelee naŋ nɛ, a chichel. Duonuŋ faasa nɩɩ, mʋgʋ-balaa huhuuri, lɩɩ-peliŋ sisii.

HABAKU 3:6

Dɩ ʋ nɛ chɩna, tinteeŋ yie zigili nɛ, dɩ ʋ nɛ beŋ tinteyee nɩaa, ba yie chichel nɛ. Peel-bɩnaa arɩ dundol-bɩnaa yie tel a yɛrɛ nɛ. Ʋ wombiee chɩna nɛ a kaa mʋ wuu.

ZƐKARƖYA 14:4

Bʋa-la lɛ, ʋ naasɩŋ jaŋ chɩŋ Olif tɩɩsɩŋ Peel-la nyuŋ, Jerusalɛm wɩɩpɔsʋŋ dɩɩrɩŋ, ka dɩ Olif tɩɩsɩŋ Peel-la kpaa balɩa, a chɩŋ wɩɩpɔsʋŋ a kaa mʋ wɩɩjʋʋlʋŋ, a leŋ dɩ lɩɩ-libi-bal pɩŋ ba pɛgɛ, dɩ peel-la kpaa magɛ dɔŋɔ hɛ wɩɩpɔsʋŋ nagʋa, dɩ kpaa magɛ dɔŋɔ ma hɛ wɩɩpɔsʋŋ nadiiŋ.

Jɔɔŋ Wʋnaalaa 20:11

Ŋɩɩ nɛ mɩ na kuori-kpasɩ-bal kʋbala sɩ ŋaa kʋpʋla dɩ ʋ chɩna, nʋʋ hɔŋ ʋ nyuŋ. Ŋɩɩ nɛ mɩ na dɩ tinteeŋ arɩ wɩa-nyuŋ kala lɛlɛ nɩɩ-la sɩɩŋ lɛ. Ba bɩra bɩ lee kɛnɛ.

SƖPAALAARAA 5:4

La TƖƖNA, bʋa-la lɛ ŋ sɩ lɩɩ Sɛɛ peel-la leriŋ, lee-la Ɛdɔm tɩŋŋaa sɩ hɔnɔ, tinteeŋ fa zigile nɛ, duonuŋ lɔgɔ jaasɛ.