MƖKA 1:1 - WƖA TENIŊ

¹ La TƖƖNA bʋl wɩaa pɩ Mɩka sɩ lɩɩ taŋ-la ba sɩɩ yɩrɛ Mɔrɛsɛf, bʋa-la lɛ nɩaa deemba sɩ dii Juda tinteeŋ kuoruŋ: Jotam, Ahas arɩ Hezikaaya. Mɩka fa na wɩaa arɩ duosoo tʋɔŋ nɛ a mʋ tɩgɛ Samarɩa arɩ Jerusalɛm lɛ. Ʋ sɩ,

MƖKA 1:1 ပူးပေါင်းရင်းမြစ်များ

2 KUOROO 15:32

Remalia nanʋala Pɛka sɩ dii kuoruŋ Iziral tinteeŋ lɛ, ʋ jɩ-lɩa lɛ nɛ Uzia nanʋala Jotam ma dii kuoruŋ Juda tinteeŋ lɛ.

2 KUOROO 15:5

La TƖƖNA fa joŋ dayalɩmɩŋ nɛ a hɛ kuoro Uzia lɛ ʋ mɩɩ-kaanɩŋ lɛ. Ŋɩɩ nɛ ba lɩɩsʋ kuoru dɩa lɛ, ʋ jʋjʋʋ ʋ dʋndʋŋ dɩa. Ka ʋ nanʋala ba sɩɩ yɩrɛ Jotam mɩɩra laa ʋ nyuŋ a bibeŋ tintee-la.

2 KUOROO 16:1

Remalia nanʋala Pɛka sɩ dii kuoruŋ Iziral tinteeŋ lɛ, ʋ jɩsɩŋ fii arɩ balɩpɛ lɛ nɛ, Jotam nanʋala Ahas ma dii kuoruŋ Juda tinteeŋ lɛ.

2 KUOROO 18:1

Ɛla nanʋala Hosia sɩ dii kuoruŋ Iziral tinteeŋ lɛ, ʋ jɩ-tori lɛ nɛ Ahas nanʋala Hezikaaya ma dii kuoruŋ Juda tinteeŋ lɛ.

2 IZIRAL TƖŊŊAA NAABARƖŊ 28:1

Ahas fa ŋaa jɩsɩŋ mara nɛ aŋ dii kuoruŋ Juda tinteeŋ lɛ. Ʋ hɔŋ Jerusalɛm lɛ a bemba jɩsɩŋ fii arɩ balɩdʋ nɛ. Ʋ fa bɩ ʋ naabalɩma Devit naabʋɔsʋŋ to. Ʋ-na fa ŋaa wɩalɩŋ sɩ bɩ La TƖƖNA tʋɔŋ ka tɔrɛ nɛ.

2 IZIRAL TƖŊŊAA NAABARƖŊ 29:1

Hezikaaya fa ŋaa jɩsɩŋ mara arɩ banɔŋ nɛ aŋ dii kuoruŋ Juda tinteeŋ lɛ. Ʋ hɔŋ Jerusalɛm lɛ a bemba jɩsɩŋ mara arɩ nibi. Ʋ naaŋ yɩrɩŋ nɛ fa Abija, a ŋaa Zɛkarɩya tolo.

AZAAYA 1:1

Wɩalɩŋ Amos nanʋala Azaaya sɩ na a nagɛ duosoo tʋɔŋ, a mʋ tɩgɛ Juda arɩ Jerusalɛm lɛ nɛ ŋ-la, bʋa-la lɛ kuoroo deemba sɩɩ beŋ Juda tinteeŋ: Uzia, Jotaŋ, Ahas arɩ Hezikaaya.

AZAAYA 1:2

La TƖƖNA sɩ, “Wɩa-nyuŋ arɩ tinteeŋ kala, má jegile nɩɩ, mɩ dɩɛsɛ mɩ biiriŋ nɛ ba waa, ama ba vɩa mɩ niiŋ nɛ.

AZAAYA 7:1

Baal kʋbala ba sɩɩ yɩrɛ Ahas nɛ fa dii Juda tinteeŋ kuoruŋ. Ʋ fa ŋaa Jotam nanʋala nɛ a ŋaa Uzia ma nihiŋ. Bʋa-la lɛ Siiria tinteeŋ kuoro ba sɩɩ yɩrɛ Reziŋ arɩ Iziral kuoro ba sɩɩ yɩrɛ Pɛka sɩ ŋaa Remalia nanʋala, sii mʋ dɩ ba yuo Jerusalɛm, a bɩ wuo yuo dii.

AZAAYA 7:9

Iziral tabalɩŋ nɛ ŋaa Samarɩa, Samarɩa tɩŋŋaa kuoro nɛ Pɛka sɩ ŋaa Remalia nanʋala. Dɩ ma nɛ saa bɩ ma Wɩa laa diiniŋ lɛ chɩna kpaŋkpaŋ, ma bɩ jaŋ kɛŋ dɩ-chɩnɩɩ kala.”

JƐRƖMAAYA 26:18

“Mɩka sɩ lɩɩ taŋ-la ba sɩɩ yɩrɛ Mɔrɛsɛf fa bʋl wɩaa Wɩa doluŋ lɛ nɛ bʋa-la lɛ Hezikaaya sɩ ŋaa Juda tinteeŋ kuoro. Ʋ fa bʋla pɩ Juda nɩaa kala: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, ‘Ba jaŋ pɛrɛ Zaayɔŋ a nagɛ baga. Jerusalɛm jaŋ pɩŋ jikpeeŋ a nagɛ pupuluŋ. Wɩa dɩɩ-bal-la sɩ chɩŋ dundolo-la nyuŋ jaŋ lugi a nagɛ duuŋ.’

HOSIA 1:1

La TƖƖNA fa bʋl wɩaa pɩ Beri nanʋala Hosia nɛ, bʋa-la lɛ dɩ Uzia, Jotam, Ahas arɩ Hezikaaya nɛ fa ŋaa Juda tinteeŋ kuoroo, ka Jehuas nanʋala Jerobuam ma ŋaa Iziral kuoro.

HOSIA 4:15

Iziral tɩmma, ma sɩ ŋaa hachɔrʋŋ wɩalɩŋ, Juda nɩaa bɩ maga dɩ ba ŋaa ŋɩɩ, a laa cheeriŋ. Má sɩ́ Gɩlɩgal mʋ, má sɩ́ Bɛf Avɛŋ ma jɩl, a sɩ́ bʋl, ‘La ŋmɩɛsɛ La TƖƖNA.’

HOSIA 8:14

Iziral tɩŋŋaa saa kuoru dɩɩsɩŋ nɛ, Juda nɩaa ma saa kɛrɩsɩŋ golli tabalaa yʋgɛ. Ama ba yʋ mɩ-na Nɩɩ-la sɩ ŋaaba wɩaa nɛ, ŋɩɩ wɩaa mɩ jaŋ joŋ nyiniŋ hɛ tabala-la lɛ, dɩ ʋ joŋ ba dɩ-duoruŋ dii.”

AMƆS 1:1

Wɩalɩŋ Amɔs sɩ na arɩ duosoo tʋɔŋ a bʋla tɩgɛ Iziral lɛ nɛ ŋ-la. Amɔs fa ŋaa taŋ-la ba sɩɩ yɩrɛ Tɛkʋa pie-daaraa dɔŋɔ nɛ. Bʋa-la lɛ dɩ baal kʋbala baa yɩrɛ Uzia nɛ ŋaa Juda tinteeŋ kuoro, ka Jerobuam nanʋala Jehuas ma ŋaa Iziral tinteeŋ kuoro. Ʋ sɩ bʋl wɩalɩŋ, jɩsɩŋ balɩa nɛ bala ka tinteeŋ-na zigili.

AMƆS 6:1

Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.

MƖKA 1:5

Wɩaa deemba kala jaŋ ŋaa a tɩŋ Jekɔb doho nɩaa, Iziral tɩŋŋaa sɩ vɩa Wɩa aŋ ŋaa wʋbɔŋŋɔɔ. Kʋbɛɛ nɛ ba jaŋ dɔŋ a tɩŋ ba wʋbɔmɔ-la wɩaa? Samarɩa sɩ ŋaa ba tabalɩŋ dee? Nɩɩ nɛ Juda nɩaa vʋɩ-kpaarɛ leree hɛ? Jerusalɛm sɩ ŋaa ba tabalɩŋ lɛ dee?

MƖKA 3:9

Iziral tɩŋŋaa sɩpaalaaraa, má nɩɩ wɩɩŋ deeŋ, ma nɩalɩŋ sɩɩ beŋ Iziral tɩŋŋaa, ma bɛrɛ wʋtɩtɩɩ nɛ a kɛŋ wɩalɩŋ kala sɩ tʋʋla a golibi.

HABAKU 1:1

Wɩalɩŋ Wɩa fa sɩ joŋo dagɛ ʋ wʋlaabʋlla Habaku a nagɛ duosoo tʋɔŋ nɛ ŋ-la.

2 Pɩɩta 1:21

Wɩalɩŋ ba sɩ bʋla bɩ ba tɩtɩa tʋɔbɩɩnaa lɛ lɩa. Ama Wɩa Dɩŋ-zɔmʋŋ nɛ kʋ hɛ ba tʋɔŋ a leŋ ba bʋl wɩalɩŋ Wɩa sɩ joŋo pɩba.