Matiu 9:4 - WƖA TENIŊ

⁴ Ama Yesu jɩŋ wɩɩ-la ba fa sɩɩ bɩɩnʋ a pɩɛsɛba, “Bɛɛ nɛ tɩɩ maa bɩɩnɛ wʋbɔmʋŋ deeŋ?

Matiu 9:4 ပူးပေါင်းရင်းမြစ်များ

Luuk 6:8

Ama Yesu fa jɩŋ ba tʋɔbɩɩnaa kala nɛ. Ŋɩɩ nɛ ʋ bʋla pɩ nasʋʋ-la tɩɩna dɩ ʋ sii a kʋ chɩŋ ba tʋtʋɔbaanɩŋ. Baal-la sii mʋ chɩŋ nɩmɛ.

Matiu 12:25

Yesu wuo jɩŋ ba tʋɔbɩɩnaa a bʋla pɩba, “Dɩ tinteeŋ nɩaa nɛ hɛ nɩmɛ a bɩ nii-bala kɛnɛ, ba tintee-la jaŋ tel. Dɩ taŋ nɩaa koo naambiiriŋ ma nɛ bɩ nii-bala kɛnɛ, ba dɩa jaŋ tel.

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ 16:30

Lɛɛlɛ la jɩma dɩ ŋ jɩŋ wɩɩ-wɩɩkala nɛ, ŋ bɩ chɛ dɩ nʋʋkala pɩɛsɩŋ wɩɩkala. Wɩɩŋ deeŋ nɛ leŋe la jɩŋ arɩ ŋ lɩɩ Wɩa teeŋ nɛ.”

Luuk 11:17

Yesu wuo jɩŋ ba tʋɔbɩɩnaa a bʋla pɩba, “Dɩ taŋ nɩaa nɛ hɛ nɩmɛ a bɩ nii-bala kɛnɛ, ba taŋ jaŋ tel. Dɩ naambiiriŋ ma nɛ bɩ nii-bala kɛnɛ, ba dɩa jaŋ tel.

WƖA YƖƖLAA 139:2

Dɩ mɩ hɔnɔ nɛɛ, dɩ mɩ chɩna nɛɛ, ŋ jɩŋ mɩ wɩɩ wɩɩkala nɛ. Ŋ hɛ dɩ-bolii nɛ, aŋ jɩŋ mɩ tʋɔbɩɩnaa kala.

WƖA YƖƖLAA 44:21

ŋ-na Wɩa fa jaŋ jɩŋ, bɛɛ wɩaa ŋ jɩŋ nuhuobiine tʋɔbɩɩnaa kala nɛ.

Tɩntɩŋŋaa 5:9

Ŋɩɩ nɛ Pɩɩta bɩra pɩɛsʋ, “Bɛɛ nɛ tɩɩ ŋ dɩ ŋ bala vʋʋrɛ dɩ ma magɩsɛ Wɩa Dɩŋ-zɔmʋŋ? Bee na, nɩalɩŋ sɩ joŋ ŋ bala mʋ hugi, ba nɛ chɩŋ boiŋ niiŋ ŋɩɩ. Ba saa jaŋ joŋuŋ ma lɩɩ.”

Jɔɔŋ 16:19

Yesu jɩma arɩ baa chɛ dɩ ba pɩɛsʋ nɛ. Ŋɩɩ nɛ ʋ bʋla pɩba, “Mɩ sɩ sɩ tapʋlaa baŋmɛnɛ ma bɩ jaŋ namɛ, tapʋlaa baŋmɛnɛ harɩŋ ma jaŋ bɩra namɛ, ŋɩɩ wɩaa nɛ ma pɩpɩɛsɛ dɔŋɔɔ?

Jɔɔŋ 6:64

Ama ma dɔnsʋŋ bɩ mɩ wɩaa laa dii.” Bumbuŋ kala Yesu fa jɩŋ nɩalɩŋ sɩ bɩ ʋ wɩaa laa dii nɛ arɩ nɩɩ-la sɩ jaŋ joŋu yallɛ.

Jɔɔŋ 6:61

Ba bɩ wɩɩkala bʋla, ka Yesu jɩŋ arɩ ʋ harɩ-tooro-la ka gʋrɩmɛ wɩaa nɛ a tɩŋ wɩalɩŋ ʋ sɩ bʋla. Ŋɩɩ nɛ ʋ pɩɛsɛba, “Wɩɩŋ deeŋ leŋe ma na baanɩŋ nɛɛ?

Jɔɔŋ 21:17

Ŋɩɩ nɛ Yesu bɩra pɩɛsʋ torimuŋ, “Jɔɔŋ nanʋala Saamɔŋ, ŋ chomi nɛɛ?” Yesu sɩ pɩɛsʋ torimuŋ lɛ ŋɩɩ, ʋ tʋɔŋ chei. Ŋɩɩ nɛ Pɩɩta bʋla pʋ, “Mɩ Tɩɩna, ŋ jɩŋ wɩɩkala nɛ, ŋ jɩma arɩ mɩ choŋ nɛ.” Ŋɩɩ nɛ Yesu bɩra bʋla pʋ, “Beŋ mɩ nɩaa nyuŋ, arɩ pie-daara sɩ yie beŋ ʋ piesee nyuŋ ŋɩɩ.

Luuk 5:22

Ŋɩɩ nɛ Yesu wuo jɩŋ ba tʋɔbɩɩnaa a pɩɛsɛba, “Bɛɛ nɛ tɩɩ ma bɩbɩɩnɛ wɩaa deemba?

Maak 12:15

La time pʋ koo la sɩ́ tiŋ?” Ama Yesu jɩma dɩ ba fugoo bʋl nɛ, ŋɩɩ nɛ ʋ pɩɛsɛba, “Bɛɛ nɛ tɩɩ maa magɩsɛmɛ? Má kɛŋ moribii-biiŋ kaa kɔ dɩ mɩ bee na.”

Maak 2:8

Yesu guu jɩŋ ba tʋɔbɩɩnaa a pɩɛsɛba, “Bɛɛ nɛ tɩɩ ma bɩbɩɩnɛ wɩaa deemba?

Luuk 7:40

Ŋɩɩ nɛ Yesu bʋla pɩ Saamɔŋ, “Saamɔŋ, mɩ kɛŋ wɩɩ nɛ dɩ mɩ bʋla pɩŋ.” Ŋɩɩ nɛ Saamɔŋ bʋla pʋ, “Mɩ kʋhɩaŋ, bʋla pɩmɛ.”

ƐZƖKƖƐL 38:10

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Dɩ bʋa-la nɛ yie, ŋ jaŋ suomo bɩbɩɩnɛ dɩ ŋ ŋaa wʋbɔŋ.