Matiu 7:7 - WƖA TENIŊ

⁷ Má sʋl kɩaa, ma jaŋ laa, má chɛ kɩaa, ma jaŋ na. Má du boro, ba jaŋ kaa suro pɩma.

Matiu 7:7 ပူးပေါင်းရင်းမြစ်များ

WƖAA DƖ-SUOMUŊ 26:32

Tapʋlɩɩ-la nɛ Aɩzɩk tɩntɩnnaa kʋ bʋl vil-la ba sɩ luo wɩaa pʋ, “La yi lɩɩŋ lɛ nɛ.”

1 KUOROO 3:5

Tɩtaŋ kʋbala Solomoŋ sɩ hɛ Gibioŋ lɛ, La TƖƖNA kɛŋ ʋ tɩtɩa kʋ dagʋ duoso lɛ a bʋla pʋ, “Sʋl kʋŋ na-kala ŋ sɩɩ chɛ mɩ teeŋ, mɩ jaŋ pɩŋ.”

WƖA YƖƖLAA 10:17

Ŋ nɩɩ nɩalɩŋ sɩɩ na hɛɛŋ nii-ŋmobo nɛ, a ŋaa wɩɩ-la ba sɩɩ chɛ a leŋ ba nyuŋ nyaasɛ.

WƖA YƖƖLAA 10:4

Nɩbɔŋŋɔɔ ka dagɛ ba tɩtɩa kɩŋkɛŋ nɛ a vɩa Wɩa, ba bɩ ʋ wɩaa ka liisi.

WƖA YƖƖLAA 119:12

La Tɩɩna, mɩɩ dɛnnɩŋ nɛ. Dagɛmɛ ŋ wombie-la ŋ sɩ bile dɩ la tuto.

WƖA YƖƖLAA 27:8

Mɩ tʋɔbɩɩnaa bʋla pɩmɛ arɩ mɩ chʋɔlʋŋ. Mɩ Tɩɩna, mɩ jaŋ chʋɔlʋŋ.

WƖA YƖƖLAA 34:4

Mɩ sʋl La Tɩɩna nɛ dɩ ʋ pɛ mɩ lɛ, ʋ nɩɩ a lɩɩsɛmɛ wɩalɩŋ kala sɩ leŋe fawʋllʋŋ kɛmmɛ lɛ.

WƖA YƖƖLAA 37:4

Leŋ dɩ ŋ tʋɔŋ tɔrɛ La Tɩɩna nyuŋ. Ʋ jaŋ ŋaa ŋ wʋchɛɛlɛɛ kala pɩŋ.

WƖA YƖƖLAA 50:15

Má yɩrɛmɛ tapʋlɩɩ-la wɩaa sɩ jʋʋma, mɩ jaŋ laama ta dɩ ma zilmi.”

WƖA YƖƖLAA 69:32

Summoo jaŋ na dɩ ba tʋɔŋ tɔrɛ. Ma nɩalɩŋ sɩɩ to Wɩa, nyuŋ jaŋ nyaasɛ.

WƖA YƖƖLAA 70:4

Ama leŋ dɩ nɩalɩŋ sɩɩ toŋ tʋɔŋ tɔrɛ ŋ nyuŋ dɩ ba jʋjʋɔsɛ. Leŋ dɩ nɩalɩŋ ma sɩ cho ŋɩɩ ŋ sɩ laaba ta bʋl bʋa na-kala lɛ, “Wɩa nɛ kɩɩ kʋŋkala.”

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

NAMAGABA 8:17

Mɩ cho nɩalɩŋ sɩ chomi nɛ. Nɩalɩŋ kala sɩ bee chɩchɛmɛ yie namɛ nɛ.

SOLOMOŊ YƖƖL-SƖMƖŊ 3:2

Mɩ sɩ mɩ jaŋ sii lɛɛlɛ a jʋʋ tabal-la tʋɔŋ, a to ʋ womporunuŋ arɩ ʋ taŋ nɩaa dɩ-hɔnɔɔ. Mɩ sɩ mɩ jaŋ chɛ kɛŋ nɩɩ-la mɩ sɩ cho. Ŋɩɩ nɛ mɩ sii bee chɛʋ, ama mɩ bɩ ʋ na.

AZAAYA 30:19

Ma Zaayɔŋ nɩaa, nɩalɩŋ sɩ hɛ Jerusalɛm lɛ, ma yele jaŋ dɛrɛ. La TƖƖNA jaŋ fá ma nenige. Dɩ ma nɛ yele pʋ, ʋ jaŋ nɩɩ a guu pɛ ma lɛ.

JƐRƖMAAYA 33:3

“Yɩrɛmɛ, mɩ jaŋ sɛɩ, a dagɩŋ wʋduoruŋ arɩ wɩalɩŋ sɩ faa ŋ bɩ ba jɩŋ.

AMƆS 5:4

La Tɩɩna bɩra bʋla pɩ Iziral tɩŋŋaa, “Má chɛmɛ, ŋɩɩ nɛ ma jaŋ kɛŋ mɩɩsɩŋ,

Matiu 18:19

Mɩ jaŋ bɩra bʋla pɩma arɩ ma nɩaa balɩa nɛ kɛŋ nii-bala a chʋɔlɛ Wɩa a chɩchɛ kʋŋ mɩ Nyɩmma sɩ hɛ Wɩa-jaŋ teeŋ, ʋ jaŋ joŋo pɩma.

Matiu 21:22

Dɩ ma nɛ laa Wɩa dii, kʋŋ na-kala ma sɩ chʋɔlɛ Wɩa a sʋsʋl, ma jaŋ naʋ.”

Matiu 6:33

Ŋɩɩ wɩaa má laa sɩpaaŋ chɛ kɩalɩŋ sɩ hɛ Wɩa kuorii-la tʋɔŋ a chɛ ŋɩɩ ma sɩ jaŋ ŋaa a kɛŋ tʋɔpʋla ʋ sɩpaaŋ. Ʋ jaŋ joŋ kɩaa deemba kʋŋkala pɛ pɩma.

Matiu 7:11

Dɩ ma nɛ bɔmɔ aŋ jɩŋ kʋzɔŋŋɔɔ joŋo pɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ, a kɛŋ kʋzɔŋŋɔɔ bɩ jaŋ joŋo pɩ nɩalɩŋ sɩ sʋla chɩchɛ?

Matiu 7:8

Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la sɩɩ chɛ kɩaa, ʋ yie na nɛ. Nɩɩ-la ma sɩ du boro, ba yie kaa suro pʋ nɛ.

Maak 11:24

Ŋɩɩ wɩaa mɩ bʋlaa pɩma, kʋŋ na-kala ma sɩ sʋla chɩchɛ, má laa dii arɩ ma na kʋ-la nɛ, ʋ sɛnɛ jaŋ ŋaa ma kʋŋ.

Luuk 13:25

Tapʋlɩɩ kʋbala dɩa-la tɩɩna jaŋ sii a kɛŋ ʋ boiŋ tɔ. Ka ŋ-na jaŋ hɛ jeeŋ harɩŋ a du boro a sʋsʋl, ‘La Tɩɩna, kɛŋ boro suro pɩla.’ Ŋɩɩ nɛ ʋ jaŋ bʋla pɩma, ‘Mɩ bɩ lee-la ma sɩ lɩa jɩŋ.’

Luuk 18:1

Ŋɩɩ nɛ Yesu bɩra magɛ namaga pɩba a dagɛba dɩ ba chʋchʋɔlɛ Wɩa bʋa na-kala lɛ a sɩ́ leŋ.

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 15:7

Dɩ ma nɛ mɛrɛ mɩ lɛ, dɩ mɩ niiŋ wɩaa hɛ ma tʋɔŋ, kʋŋkala ma sɩ pɩɛsɛmɛ a chɩchɛ, mɩ jaŋ ŋaa pɩma.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

Rom Tɩŋŋaa 3:11

Nʋʋkala tuo a jɩŋ Wɩa wɩalɩŋ bʋbʋɔŋ, nʋʋkala ma bɩ Wɩa bee chɩchɛ.

Hiburu TƖŊŊAA 11:6

Dɩ nʋʋ nɛ bɩ Wɩa laa dii, ʋ bɩ jaŋ wuo ŋaa wɩɩkala dɩ Wɩa tʋɔŋ tɔrɛ. Nɩɩ-la kala sɩɩ chɛ dɩ ʋ kɔ Wɩa teeŋ, ʋ maga dɩ ʋ laa sɩpaaŋ laa dii arɩ Wɩa hɛ nɩmɛ nɛ, a bɩra laa dii arɩ nɩɩ-la kala sɩ bee chɩchɛ Wɩa, ʋ tɩɩna jaŋ laa ʋ time Wɩa teeŋ.

Jeems 5:15

Dɩ ba nɛ laa dii arɩ Wɩa jaŋ sɛnɛ ŋaa wɩɩ-la ba sɩ sʋlʋ chɩchɛ, ʋ jaŋ leŋ dɩ nɩɩ-la sɩɩ wɩɩlʋ duori a kɛŋ doluŋ. Dɩ ʋ nɛ kɛŋ wʋbɔŋŋɔɔ ma, Wɩa jaŋ joŋ ba kala chɛʋ.

1 Jɔɔŋ 3:22

Ŋɩɩ wɩaa, dɩ la nɛ sʋl kʋŋ na-kala ʋ teeŋ, ʋ jaŋ joŋo pɩla, bɛɛ wɩaa laa to wɩalɩŋ ʋ sɩ daga nɛ a ŋɩŋaa wɩalɩŋ sɩɩ tɔrɛ ʋ tʋɔŋ.