Matiu 7:3 - WƖA TENIŊ

³ Ɛɛ nɛ ŋ jaŋ wuo na daa-bie sɩ tel ŋ naambie sɩɩŋ lɛ aŋ bɩ daa-bal-la sɩ tel ŋ tɩtɩa sɩɩŋ lɛ ka na?

Matiu 7:3 ပူးပေါင်းရင်းမြစ်များ

Matiu 7:4

Ɛɛ nɛ ŋ jaŋ wuo bʋla pɩ ŋ naambie arɩ ʋ leŋ dɩ ŋ lɩɩsɛ daa-bie-la sɩ hɛ ʋ sɩɩŋ lɛ, aŋ bɩ daa-bal-la sɩ hɛ ŋ tɩtɩa sɩɩŋ lɛ ka na?

Matiu 7:5

Ŋ-na kanfugi tɩɩna, laa sɩpaaŋ lɩɩsɛ daa-bal-la sɩ hɛ ŋ tɩtɩa sɩɩŋ lɛ, ka ŋ sɩaa wuo na, ŋɩɩ nɛ ŋ jaŋ wuo pɛ ŋ naambie lɛ a lɩɩsɛ daa-bie-la sɩ hɛ ʋ sɩɩŋ lɛ.

Luuk 18:11

Farisii tɩɩna-la sii chɩŋ a bigisi ʋ tɩtɩa lɛ a chʋɔlɛ Wɩa a bʋl, ‘La Tɩɩna Wɩa, mɩɩ lɔllʋŋ arɩ mɩ sɩ bɩ nɩaa dɔnsʋŋ naga, nɩalɩŋ sɩ gɔllɔ kɛŋ nɩaa kɩaa lɩlaa, koo nɩalɩŋ sɩ bɩ wʋtɩtɩɩ kɛnɛ, koo nɩalɩŋ sɩ gɔllɔ chɩchɛ nɩaa haalaa. Mɩ bɩ lampoo laara deeŋ ma sɩ hɛ daha naga.

Rom Tɩŋŋaa 2:1

Ma bɩ woruŋ ka ŋaa ma sɩ joŋ cheeriŋ pɩpɩ ma dɔnsʋŋ tɩŋŋaa, ma nɩalɩŋ sɩɩ bʋl nɩaa teeŋ a bʋl dɩ ba cheye nɛ, aŋ ŋɩŋaa wʋbɔmɔ-la tɩtɩa. Nɩɩ-la-na kala ma sɩ ŋaa, dɩ ma nɩɩ ŋaa wʋbɔmɔ-la, ma bɩra bɩ wɩɩkala kɛnɛ dɩ ma bʋl. Ma sɩɩ ŋaa ŋɩɩ, ma tɩtɩa laa cheeriŋ nɛ ŋɩɩ lɛ.

Galiisia Nɩaa 6:1

Mɩ naambiiri, dɩ ma dɔŋɔ nɛ ŋaa wʋbɔŋ, ma nɩalɩŋ sɩɩ to Wɩa Dɩŋ-zɔmʋŋ niiŋ lɛ, má dagʋ ŋɩɩ ʋ sɩ jaŋ to a lɩɩ ʋ wʋbɔmʋŋ lɛ. Má chagɩlʋ, a sɩ́ ʋ lɛ kpɩa. Dɩ ma nɩɩ ŋaa ŋɩɩ, má kɛŋ ma tɩtɩa woruŋ, dɩ Sɩtaanɩ sɩ́ wuo nyɩsɛ ma ma, dɩ ma ŋaa wʋbɔŋ.