Matiu 7:2 - WƖA TENIŊ

² Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Matiu 7:2 ပူးပေါင်းရင်းမြစ်များ

2 SAMƲƐL 21:5

Ba bɩra bʋla pɩ Devit, “Sɔɔl nɛ faa chɛ dɩ ʋ kpʋ la nɩaa kala, dɩ la sɩ́ lee-kala kɛŋ Iziral tinteeŋ lɛ.

WƖA YƖƖLAA 109:17

Ʋ cho nɩaa lɛ kalɩba hɛnɩŋ. Leŋ dɩ kalɩbɩna-la gʋra dii ʋ tɩtɩa. Ʋ bɩ Wɩɩ-zɔŋ sʋla pɩpɩ nʋʋ. Sɩ́ leŋe dɩ ʋ ma na wʋzɔŋ.

MOSIS KƐŊ IZIRAL TƖŊŊAA LƖƖ 21:24

Dɩ nʋʋ nɛ tɔɔ ʋ dɔŋɔ sɩɩŋ pʋrɛ, ʋ maga ma tɔɔ ʋ ma sɩɩŋ pʋrɛ. Dɩ nʋʋ nɛ ŋmoo ʋ dɔŋɔ nyɩlɩŋ churi, ʋ maga dɩ ma ŋmoo ʋ ma nyɩlɩŋ churi. Dɩ nʋʋ nɛ ŋmoo ʋ dɔŋɔ nɩsɩŋ bori, ʋ maga dɩ ma bori ʋ ma nɩsɩŋ. Dɩ nʋʋ nɛ ŋmoo ʋ dɔŋɔ naachɛɛŋ lɩɩsɛ, ʋ maga dɩ ma ŋmoo ʋ ma naachɛɛŋ lɩɩsɛ.

AZAAYA 33:1

Wɩaa jaŋ jʋʋ ma nɩalɩŋ sɩ ŋaa wʋcheere arɩ zɛmbɛ tɩŋŋaa ka nʋʋkala bɩ wɩɩ ŋaa cheima koo a ŋaama zɛmbɛ. Dɩ ma nɛ leŋ nɩaa cheyiŋ ma, cheeriŋ ha jaŋ puuma. Dɩ ma nɛ leŋ zɛmbɛ ma, nɩaa ha jaŋ ŋaama ma zɛmbɛ.

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

JƐRƖMAAYA 51:24

La TƖƖNA sɩ, “Ma sɩɩŋ lɛ mɩ jaŋ mɩɩra tiŋ Babɩlɔŋ arɩ nɩalɩŋ kala sɩ hɛ ʋ lɛ, a tɩŋ ba sɩ ŋaa wɩalɩŋ kala sɩ bɩ zɔŋ Zaayɔŋ lɛ.

OBADAAYA 1:15

Mɩ-na ma Tɩɩna tapʋlɩɩ-la kpaga nɛ dɩ mɩ dɔgɩsɛ tinteyee nɩaa kala. Ɛdɔm, wɩalɩŋ ŋ sɩ ŋaa ba tɩtɩa nɛ mɩ jaŋ joŋo ŋaa ŋ lɛ, ŋ wʋŋaalaa kala jaŋ gʋra nyʋa ŋ nyuŋ lɛ.

Matiu 6:14

Dɩ ma dɔnsʋŋ tɩŋŋaa nɛ ŋaa wɩaa cheima aŋ ka ma joŋo chɛba, ma Nyɩmma Wɩa sɩ hɛ Wɩa-jaŋ lɛ ma jaŋ joŋ wɩalɩŋ ma sɩ ŋaa chei a chɛma.

Maak 4:24

Ʋ bɩra bʋla pɩba, “Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ, a paala kɩɩ ŋɩɩ.

Luuk 6:38

Má ŋaa kɩaa pɩpɩ ma dɔnsʋŋ tɩŋŋaa. Dɩ ma nɩɩ ŋaa ŋɩɩ, Wɩa ma jaŋ ŋaa kɩaa a pɩma a kɛŋ zile ma teeŋ. Ʋ jaŋ magɩsɛ kɩaa chʋɔrɛ a pɩma. Kʋ-la ŋ sɩ kaa magɩsa pɩ ŋ dɔŋɔ tɩɩna, ʋ tɩtɩa nɛ Wɩa ma jaŋ kaa magɩsa pɩŋ.”

2 Kɔrɩntɩ Nɩaa 9:6

Má sɩ́ wɩɩŋ deeŋ yʋ. Dɩ ŋ nɛ joŋ kʋdoho mʋa duu, kɩaa mʋa nɛ ŋ jaŋ kʋŋ, ama dɩ ŋ kʋdoho nɛ yʋga dɩ ŋ joŋo duu, ŋ jaŋ kʋŋ kɩaa yʋgɛ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.

Jɔɔŋ Wʋnaalaa 18:6

Wɩalɩŋ ba sɩ ŋaa ma lɛ, má ma joŋo ŋaa ba lɛ, a tiŋ ma chɩmɩŋ naansɩɩŋ bʋlɩa. Gbaŋa-la ba sɩ kaa ŋaa sɩnɩŋ pɩma ma nyʋa, má ma kɛŋ ʋ tɩtɩa a ŋaa sɩnɩŋ naansɩɩŋ bʋlɩa pɩba dɩ ba nyʋa.

SƖPAALAARAA 1:7

Bɛzɛk kuoro bʋl, “Mɩ keri kuoroo mahɩŋ batori arɩ fii nenii-baalaa arɩ naanii-baalaa nɛ, ka ba gbiene paa kʋdii-munoo mɩ teebʋl bʋbʋɔŋ. Lɛɛlɛ Wɩa joŋ wɩɩ-la mɩ sɩ ŋaa ba lɛ chɩmɩŋ nɛ a tiŋ mɩ lɛ.” Ŋɩɩ nɛ ba kɛnʋ kaa mʋ Jerusalɛm, ʋ sʋʋ nɩmɛ.

SƖPAALAARAA 5:27

Sɩsɛra nyaga sii kpirimi, aŋ tele pɩŋ nɩmɛ, a sʋʋ Jaɛl naasɩŋ bʋbʋɔŋ.

1 SAMƲƐL 15:33

Ama Samʋɛl bʋl, “Ŋ sɩ kpʋ nɩaa biiriŋ, ka ba naamba hɔŋ arɩ na-hɩllɩŋ ŋɩɩ, ŋ naaŋ ma jaŋ hɔŋ arɩ na-hɩllɩŋ.” Ŋɩɩ nɛ aŋ kpʋ Agag La TƖƖNA sɩpaaŋ Gɩlɩgal lɛ.