Matiu 5:4 - WƖA TENIŊ

⁴ Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Matiu 5:4 ပူးပေါင်းရင်းမြစ်များ

AZAAYA 12:1

Dɩ tapʋlɩɩ-la nɛ yie, ma jaŋ bʋl, “Mɩ jaŋ dɛnnɩŋ La TƖƖNA, ŋ fa paala na baanɩŋ nɛ mɩ nyuŋ, ama ŋ leŋe ŋ baaŋ-la fɩɛlɛ nɛ, aŋ ŋaa mɩ tʋɔŋ pɩŋ dɩ-bala.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 30:19

Ma Zaayɔŋ nɩaa, nɩalɩŋ sɩ hɛ Jerusalɛm lɛ, ma yele jaŋ dɛrɛ. La TƖƖNA jaŋ fá ma nenige. Dɩ ma nɛ yele pʋ, ʋ jaŋ nɩɩ a guu pɛ ma lɛ.

AZAAYA 35:10

Nɩalɩŋ La TƖƖNA sɩ laa ta jaŋ mɩɩra kɔ, ba jaŋ yɩyɩɩ yɩɩlaa arɩ tʋɔtɔrʋŋ a jʋʋ Jerusalɛm. Tʋɔtɔrʋŋ dʋndʋŋa nɛ jaŋ ŋaa ba kʋa, tʋɔ-cheeŋ jaŋ fá lɛl ba teeŋ.

AZAAYA 57:18

Mɩ na wɩalɩŋ kala ma sɩ ŋaa nɛ, ama mɩ ha jaŋ vaarɛma. Mɩ jaŋ laa ma sɩpaaŋ a beŋ ma nyuŋ woruŋ, a nyagɛ nɩalɩŋ kala sɩɩ yel bɔyɛ.

AZAAYA 66:10

Ma nɩalɩŋ kala sɩ cho Jerusalɛm, má pɛ ʋ lɛ dɩ ʋ jʋɔsɛ arɩ tʋɔtɔrʋŋ. Má pɛ ʋ lɛ dɩ ma jʋɔsɛ woruŋ, ma nɩalɩŋ sɩɩ yel ʋ wɩaa.

AZAAYA 66:2

Kɩaa deemba kala sɩ hɛ nɩmɛ, mɩ dee bɩ ŋaa?” La TƖƖNA sɩ, “Nɩɩ-la nyuŋ mɩ tʋɔŋ sɩ tɔrɔ nɛ ŋ-la: Nɩɩ-la sɩ kɛŋ ʋ tɩtɩa muuri, a leŋ ʋ tʋɔŋ faasa chei ʋ wʋbɔŋŋɔɔ lɛ, a kɛŋ mɩ niiŋ wɩaa tɩtɩŋ.

ƐZƖKƖƐL 7:16

Nɩalɩŋ kala sɩ ka a bɩ sʋba jaŋ fá jɩla hɛ peelee nyuŋ a yiyel a nagɛ kokosuŋ sɩ hɛ fuonaaŋ lɛ, a tɩŋ ba wʋbɔŋŋɔɔ wɩaa.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Luuk 16:25

Ŋɩɩ nɛ Abɩraham bʋla pʋ, ‘Mɩ bii, liise mʋ yi ŋ fa sɩ hɛ ŋ mɩɩsɩŋ lɛ, ŋ faa nɩɩ sɩma nɛ woruŋ, aŋ ka Lazarɔs fa nɩna hɛɛŋ. Ama lɛɛlɛ Lazarɔs maa nɩɩ sɩma daha, aŋ ka ŋ ma hɛ hɛɛŋ tʋɔŋ.

Luuk 6:21

Ma ma nɩalɩŋ losuŋ sɩ kɛnɛ lɛɛlɛ, Wɩa jaŋ pɛ ma lɛ. Ʋ jaŋ pɩma kʋdiilee dɩ ma dii a vɔgɛ. Ma nɩalɩŋ sɩɩ yel lɛɛlɛ, Wɩa ma jaŋ pɛ ma lɛ, bɛɛ wɩaa Wɩa jaŋ ŋaa ma mɔŋ.

Luuk 6:25

Ma nɩalɩŋ sɩ vɔgɔ lɛɛlɛ, ma ma jaŋ na hɛɛŋ. Losuŋ jaŋ kɛmma. Ma nɩalɩŋ sɩɩ mɔŋ lɛɛlɛ, ma jaŋ na hɛɛŋ. Ma tʋɔŋ jaŋ chei, dɩ ma yel.

Luuk 7:38

Ʋ sɩ jʋʋ dɩa-la, ʋ chɩŋ Yesu naasɩŋ sɛmɛ aŋ yel sɩlɩɩrɩŋ hɩhɛ Yesu naasɩŋ lɛ. Sɩlɩɩrɩŋ sɩ hɛ Yesu naasɩŋ lɛ ŋɩɩ, ʋ kɛŋ ʋ nyu-pʋnaa kaa tɩɩgɛ aŋ guori Yesu naasɩŋ, a bɩsɛ tʋlaalɩɩ-la hɛ ʋ naasɩŋ lɛ.

Luuk 7:50

Ama Yesu bʋla pɩ haal-la, “Ŋ sɩ laa Wɩa dii, ŋɩɩ nɛ tɩɩ ŋ na laatanɩŋ. Mʋ arɩ yarɩfɩɛlaa.”

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jɔɔŋ Wʋnaalaa 21:4

Ʋ jaŋ fɩɩsɛ ba sɩlɩɩrɩŋ kala ta. Ba bɩra bɩ jaŋ sʋʋ, ba tʋɔŋ bɩra bɩ jaŋ chei. Ba bɩra bɩ jaŋ yel a bɩra bɩ jaŋ na hɛɛŋ ma, bɛɛ wɩaa wʋbɩnɩa-la kala bala nɛ.”