Matiu 5:3 - WƖA TENIŊ

³ “Wɩa jaŋ pɛ nɩalɩŋ sɩ bene arɩ ba ha bɩ Wɩa jɩŋ woruŋ lɛ. Ba nɛ jaŋ hɛ Wɩa kuorii-la tʋɔŋ.

Matiu 5:3 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 33:12

Ʋ sɩ hɛ nɩmɛ a nɩna hɛɛŋ, ʋ leŋ ʋ sɩaa tuu tinteeŋ ʋ nyɩmmaba Wɩa teeŋ, aŋ sʋl ʋ TƖƖNA Wɩa dɩ ʋ pɛ ʋ lɛ.

2 IZIRAL TƖŊŊAA NAABARƖŊ 33:19

Ʋ sɩ sʋl Wɩa arɩ ŋɩɩ Wɩa sɩ laa ʋ sʋla, ʋ sɩ vɩa Wɩa aŋ ŋaa wʋbɔmɔ-la kala aŋ bɩrɩma lɩɩ ba lɛ, ʋ sɩ ŋaa veŋ-kpaarɛ lere-la, a joŋ Asɩra daasɩŋ pɛ, tɔmɔ-la ʋ sɩ kpaara lɛ, ba kala nɛ ba ŋmʋnsa hɛ Wɩa wʋlaabʋllaa tenniŋ tʋɔŋ.

2 IZIRAL TƖŊŊAA NAABARƖŊ 33:23

Manasɛ fa ŋaa wʋbɔmɔ-la ŋɩɩ, aŋ bɩrɩma lɩɩ nɛ a joŋ ʋ tɩtɩa pɩ La TƖƖNA, ama Amɔŋ-na fa bɩ ŋɩɩ ŋaa. Ʋ fa chaasa ŋaa wʋbɔŋŋɔɔ nɛ woruŋ a kɩɩ ʋ nyɩmma.

2 IZIRAL TƖŊŊAA NAABARƖŊ 34:27

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ sɩpaaŋ, ŋ sɩ nɩɩ wɩalɩŋ mɩ sɩ bʋla arɩ mɩ jaŋ chei Jerusalɛm arɩ ʋ nɩaa, ŋ tɩŋ ŋɩɩ wɩaa a kɛŋ ŋ gɛnnɩŋ kɩɛsɛ a yel mɩ sɩpaaŋ, mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 IZIRAL TƖŊŊAA NAABARƖŊ 7:14

dɩ mɩ nɩaa nɛ jaŋ kɛŋ ba tɩtɩa muuri a sʋla chɩchɛmɛ, aŋ bɩrɩma lɩɩ ba wʋbɔŋŋɔɔ lɛ, mɩ hɛ mɩ jaŋ lɛ nɛ, mɩ jaŋ nɩɩ ba sʋla a joŋ ba wʋbɔŋŋɔɔ chɛba aŋ leŋ dɩ ba tinteeŋ fɩɛlɛ.

JOB 42:6

Ŋɩɩ wɩaa, hɩɩsɩŋ kɛmmɛ nɛ a tɩŋ wɩalɩŋ kala mɩ sɩ bʋla wɩaa. Mɩ ŋaa tʋɔrʋŋ bʋgɛ a hɔŋ hagɩla lɛ aa dagɛ arɩ mɩ bɩrɩmɛ mɩ niiŋ nɛ.”

WƖA YƖƖLAA 1:1

Wɩa jaŋ pɛ nɩalɩŋ sɩ bɩ nɩbɔŋŋɔɔ niiŋ ka to lɛ, a bɩ wʋbɔŋ ŋaaraa harɩŋ ka to, a bɩ nɩalɩŋ ma sɩɩ sieri Wɩa lɛ tʋɔŋ ka guoli.

WƖA YƖƖLAA 112:1

Má dɛnnɛ La Tɩɩna. Nʋʋ na-kala sɩɩ zil La Tɩɩna tʋɔŋ jaŋ tɔrɛ, nʋʋ na-kala sɩɩ to ʋ niiŋ wɩaa arɩ tʋɔtɔrʋŋ.

WƖA YƖƖLAA 128:1

Nɩɩ-la kala sɩɩ fá La Tɩɩna jaŋ kɛŋ tʋɔtɔrʋŋ, nɩɩ-la sɩɩ to ʋ wombiee.

WƖA YƖƖLAA 146:5

Nɩalɩŋ lɛ Jekɔb Wɩa sɩ pɛ tʋɔŋ jaŋ tɔrɛ, nɩalɩŋ sɩ joŋ ba yɩɛlaa hɛ La Tɩɩna Wɩa lɛ.

WƖA YƖƖLAA 2:12

Má zil ʋ Nanʋala, dɩ ŋɩɩ dee ʋ baanɩŋ jaŋ wuo guu sii dɩ ʋ kpʋma. Wɩa jaŋ pɛ nɩalɩŋ sɩ yuoru lɛ.

WƖA YƖƖLAA 34:18

La Tɩɩna kpagɛ nɩalɩŋ nandaasɩŋ sɩ yʋɔra nɛ. Ʋ laa nɩalɩŋ bɩra sɩ bɩ yɩɛlaa kɛnɛ ta nɛ.

WƖA YƖƖLAA 41:1

La Tɩɩna jaŋ pɛ nɩalɩŋ sɩɩ beŋ summoo nyuŋ woruŋ. Dɩ wɩaa nɛ jʋʋba, ʋ jaŋ lɩɩsɛba.

WƖA YƖƖLAA 51:17

Wɩɩsʋlɩɩ-la ŋ sɩɩ chɛ nɛ, dɩ la leŋ la tʋɔŋ faasa chei la wʋbɔŋŋɔɔ lɛ, dɩ la kɛŋ la tɩtɩa muuri. Wɩɩsʋlʋŋ deeŋ doho nɛ ŋ-na Wɩa chɩchɛ.

WƖA YƖƖLAA 84:12

La Tɩɩna doluŋ kala Tɩɩna, nɩɩ-la sɩ laaŋ dii tʋɔŋ tɔrɔ nɛ woruŋ.

NAMAGABA 16:19

Ŋ sɩ kɛŋ ŋ tɩtɩa muuri a guoli summoo tʋɔŋ nɛ kpɩa, ŋ sɩ pɛ sɩɩ-duo tɩŋŋaa sɩ yuo laa kɩaa a kaa kpɩkpaa lɛ.

NAMAGABA 29:23

Nɩɩ-la sɩɩ bigisi ʋ tɩtɩa lɛ yie dii hɩɩsɩŋ nɛ, ama nɩɩ-la sɩ kɛŋ ʋ tɩtɩa muuri, nɩaa yie zizilu nɛ.

NAMAGABA 8:32

Lɛɛlɛ, mɩ biiri, má jegile nɩɩ mɩ teeŋ, nɩalɩŋ sɩɩ to mɩ niiŋ jaŋ kɛŋ tʋɔtɔrʋŋ.

AZAAYA 30:18

La TƖƖNA ka gbɛrɛ nɛ dɩ ʋ dagɛma ʋ zile, ʋ jaŋ fá ma nenige. La TƖƖNA Wɩa kɛŋ wʋtɩtɩɩ nɛ woruŋ, ʋ jaŋ pɛ nɩalɩŋ kala sɩɩ gbɛrʋ lɛ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

AZAAYA 66:2

Kɩaa deemba kala sɩ hɛ nɩmɛ, mɩ dee bɩ ŋaa?” La TƖƖNA sɩ, “Nɩɩ-la nyuŋ mɩ tʋɔŋ sɩ tɔrɔ nɛ ŋ-la: Nɩɩ-la sɩ kɛŋ ʋ tɩtɩa muuri, a leŋ ʋ tʋɔŋ faasa chei ʋ wʋbɔŋŋɔɔ lɛ, a kɛŋ mɩ niiŋ wɩaa tɩtɩŋ.

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

Matiu 11:25

Bʋa-la tɩtɩa lɛ Yesu guu yɩrɛ, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ.

Matiu 11:6

Nɩalɩŋ sɩ bɩ kaa lɛrɛ arɩ mɩ nɛ ŋaa nɩɩ-la Wɩa sɩ tɩma, ba tʋɔŋ jaŋ tɔrɛ.”

Matiu 13:16

Ma-na nyuŋ sɩma nɛ ma sɩaa sɩɩ na, ma dɩgɩlaa ma nɩnɩɩ.

Matiu 19:14

Yesu sɩ na ŋɩɩ, ʋ bʋla pɩba, “Má leŋ dɩ hambiisi-la kɔ mɩ teeŋ, má sɩ́ ba kiru! Nɩaa deemba doho nɛ jaŋ jʋʋ Wɩa kuorii-la tʋɔŋ.”

Matiu 24:46

Dɩ tɩntɩnnʋ-la nɛ ŋaa wɩalɩŋ ʋ kʋhɩaŋ sɩ dagʋ dɩ ʋ ŋaa, ʋ tʋɔŋ jaŋ tɔrɛ bʋa-la lɛ ʋ kʋhɩaŋ-la sɩ jaŋ mɩɩra kɔ.

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Matiu 3:2

Ʋ bʋla pɩba, “Má bɩrɩma lɩɩ ma wʋbɔŋŋɔɔ lɛ, bɛɛ wɩaa Wɩa kuorii-la kpaga nɛ.”

Matiu 8:11

Mɩ bʋlaa pɩma, nɩaa jaŋ yʋgɛ a lɩɩ wɩɩpɔsʋŋ arɩ wɩɩjʋʋlʋŋ a kʋ hɔŋ Wɩa kuorii-la tʋɔŋ dɩ ba dɩ Abɩraham arɩ Aɩzɩk arɩ Jekɔb dii kʋdiilee.

Maak 10:14

Yesu sɩ na ŋɩɩ, ʋ na baanɩŋ ʋ harɩ-tooro-la nyuŋ a bʋla pɩba, “Má leŋ dɩ hambiisi-la kɔ mɩ teeŋ, má sɩ́ ba kiru. Nɩaa deemba doho nɛ hɛ Wɩa kuorii-la tʋɔŋ.

Luuk 11:28

Ŋɩɩ nɛ Yesu mɩɩra bʋla pʋ, “Nɩɩ-la sɩ nɩɩ Wɩa niiŋ wɩaa a tutoba, ʋ-na tɩɩna tʋɔŋ nɛ jaŋ tɔrɛ.”

Luuk 18:14

Ŋɩɩ nɛ Yesu bɩra bʋl, “Mɩ jaŋ bʋla pɩma arɩ Wɩa joŋ lampoo laarʋ-la wʋbɔŋŋɔɔ chɛʋ nɛ, ʋ mʋ dɩa. Ama ʋ bɩ ŋɩɩ ŋaa Farisii tɩɩna-la lɛ. Nɩɩ-la kala sɩɩ bigisi ʋ tɩtɩa lɛ, Wɩa jaŋ kɛnʋ muuri. Ama nɩɩ-la sɩ kɛŋ ʋ tɩtɩa muuri, Wɩa jaŋ ŋaa dɩ ʋ yʋgɛ.”

Luuk 22:29

Mɩ Nyɩmma pɩmɛ doluŋ nɛ dɩ mɩ dii kuoruŋ. Ŋɩɩ tɩtɩa nɛ mɩ ma jaŋ pɩma doluŋ dɩ ma dii kuoruŋ.

Luuk 22:30

Mɩ dɩ ma kala jaŋ dii kʋdiilee Wɩa kuorii-la tʋɔŋ. Ma jaŋ hɔŋ kuoru kpasɩnɩŋ nyuŋ a dii Iziral doho doho fii arɩ balɩa-la sarɩya.”

Luuk 4:18

“Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

Jɔɔŋ 20:29

Ŋɩɩ nɛ Yesu pɩɛsʋ, “Ŋ sɩ namɛ nɛ tɩɩ ŋ laa mɩ wɩaa dii koo? Nɩalɩŋ sɩ bɩ mɩ na aŋ laa mɩ wɩaa dii, ba tʋɔŋ jaŋ tɔrɛ.”

MOSIS BƖRA WULLI WƖA WOMBIIŊ 8:2

Má liisi jɩsɩŋ mahɩŋ balɩa-la kala ma TƖƖNA Wɩa sɩ kɛmma kaa vɩvɛŋ tintee-hɩlɩɩ-la lɛ. Ʋ ŋaa wɩaa ma lɛ dɩ ma sɩaa tuu tinteeŋ nɛ, aŋ magɩsɛma dɩ ʋ na ma jaŋ to wɩalɩŋ ʋ sɩ daga koo ma bɩ to.

Jeems 1:10

Nɩɩ-la ma sɩ ŋaa kɩaa tɩɩna nɩalɩŋ sɩ laa Yesu wɩaa dii tʋɔŋ, ʋ leŋ dɩ ʋ ma tʋɔŋ tɔrɛ arɩ Wɩa sɩ kɛnʋ kaa muuri. Ʋ bɩ jaŋ dieni aŋ sʋʋ, a nagɛ tɩa sɩ yie fɩɩlɛ ʋ bɩ dieni aŋ yuori ŋɩɩ,

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”

Jɔɔŋ Wʋnaalaa 22:14

Nɩalɩŋ sɩɩ to Wɩa wɩaa, Wɩa jaŋ pɛ ba lɛ dɩ ba wuo na wombiiŋ a to tabal-la boi-baalaa jʋʋ, a wuo dii tɩa-la sɩɩ pɩ nɩaa mɩɩsɩŋ nɛnɛɛ.

Jɔɔŋ Wʋnaalaa 3:17

Ma yie bigisi ma tɩtɩa lɛ arɩ ma kɛŋ kɩaa nɛ, ma bɩra bɩ kʋŋkala ka chɛ. Ama ma bɩ jɩŋ arɩ ma wɩɩŋ kɛŋ hɛɛŋ nɛ, ma ŋaa nisusu tɩmma, a ŋaa summo, a ŋaa nyʋlɩma aŋ kɛŋ yarɩ-biree.