Matiu 5:1 - WƖA TENIŊ

^1-2 Yesu sɩ na dɩ nɩaa yʋga ŋɩɩ, ʋ jɩl peeliŋ nyuŋ a hɔŋ nɩmɛ. Ʋ sɩ hɔnɔ, ʋ harɩ-tooroo kɔ ʋ teeŋ. Ʋ suomo bʋl wɩaa a dɩdagɛba aa bʋl,

Matiu 5:1 ပူးပေါင်းရင်းမြစ်များ

Maak 3:13

Yesu sii a mʋ lee-la sɩ kɛŋ peelee a yɩrɛ nɩalɩŋ ʋ sɩɩ chɛ, ba mʋ ʋ teeŋ.

Matiu 15:29

Ŋɩɩ nɛ Yesu bɩra sii lee-la a to Galilii mʋga-la dɩɩrɩŋ mʋ. Ʋ jɩl peeliŋ nyuŋ a hɔŋ nɩmɛ.

Maak 4:1

Ŋɩɩ nɛ Yesu mɩɩra mʋ hɔŋ Galilii mʋga-la niiŋ a dɩdagɛ nɩaa. Nɩaa yʋgɛ a kʋ gollu chu. Ba sɩ yʋga ŋɩɩ nɛ, ʋ sii mʋ jʋʋ lɩɩŋ daboro a hɔŋ lɩɩŋ tʋɔŋ. Ka nɩalɩŋ chɩŋ mʋga niiŋ.

Maak 3:20

Ŋɩɩ nɛ Yesu mʋ dɩa, nɩaa bɩra kʋ hilimi. Ʋ dɩ ʋ harɩ-tooroo paala bɩ chɩnɩŋ na dɩ ba dii kʋdiilee.

Matiu 4:25

Nɩ-daŋ nɛ fa to Yesu harɩŋ. Dɔnsʋŋ lɩɩ Galilii tinteeŋ arɩ tasɩŋ fii. Dɔnsʋŋ ma lɩɩ Jerusalɛm sɩ hɛ Judiya tinteeŋ lɛ, dɔnsʋŋ ma lɩɩ Jɔdaŋ fuoŋ cholo sɛmɛ dɔŋɔ.

Matiu 13:2

Nɩaa yʋgɛ a kʋ gollu chu. Ŋɩɩ nɛ ʋ sii mʋ jʋʋ lɩɩŋ daboro tʋɔŋ a hɔŋ lɩɩŋ tʋɔŋ, ka nɩ-daŋ-la chɩŋ mʋga niiŋ.

Luuk 6:12

Tapʋlɩɩ kʋbala Yesu jɩl peeliŋ nyuŋ dɩ ʋ chʋɔlɛ Wɩa. Ʋ chʋɔlɛ Wɩa ŋɩɩ deeŋ deeŋ taŋ pʋl.

Luuk 6:17

Ŋɩɩ nɛ Yesu arɩ ʋ nanzɔɔba-la lɩɩ peel-la nyuŋ kʋ tuu a chɩŋ tinteeŋ, dɩ ʋ harɩ-tooroo dɔnsʋŋ ma hɛ nɩmɛ a yʋgɛ. Nɩaa dɔnsʋŋ ma yʋga a hɛ nɩmɛ a lɩɩ Judiya tinteeŋ, dɔnsʋŋ lɩɩ Jerusalɛm, dɔnsʋŋ ma lɩɩ Taaya arɩ Sɩdɔŋ tinteeŋ a kpagɛ mʋgʋ-balɩŋ niiŋ.

Luuk 6:20

Yesu sɩ vaarɛ nɩalɩŋ dɛrɛ, ʋ mɩɩra beŋ ʋ harɩ-tooroo aŋ bʋl, “Ma nɩalɩŋ sɩ ŋaa summoo, Wɩa jaŋ pɛ ma lɛ. Ma nɛ jaŋ dii Wɩa kuorii-la.

Luuk 9:28

Yesu sɩ bʋl wɩaa deemba kala dɛrɛ, ʋ tapʋlaa chori chɛɛŋ ʋ sii kɛŋ Pɩɩta arɩ Jɔɔŋ arɩ Jeems ba jɩl peeliŋ nyuŋ dɩ ba chʋɔlɛ Wɩa.

Jɔɔŋ 6:15

Ŋɩɩ nɛ Yesu jɩŋ arɩ ba kɛŋ ba tɩtɩa hɛ dɔŋɔ nɛ dɩ ba kʋ fʋgʋ dɩ ʋ dii ba kuoruŋ. Ŋɩɩ nɛ ʋ mʋ faa peeliŋ nyuŋ.