Matiu 4:9 - WƖA TENIŊ

⁹ aŋ bʋla pʋ, “Mɩ jaŋ joŋ kɩaa deemba kala pɩŋ dɩ ŋ nɛ jaŋ tuu kpirimi a chʋɔlɛmɛ.”

Matiu 4:9 ပူးပေါင်းရင်းမြစ်များ

WƖA YƖƖLAA 72:11

Leŋ dɩ kuoroo kala kpikpirimi ʋ sɩpaaŋ, dɩ tinteyee kala nɩaa tɩma pʋpʋ.

NAMAGABA 8:15

Mɩ lɛ nɛ kuoroo yie to aa beŋ ba nɩaa, nɩalɩŋ sɩɩ beŋ nɩaa yie to mɩ lɛ nɛ a bil wombiee sɩ zɔmɔ a pɩ ba nɩaa.

DANƖƐL 4:32

Mɩ jaŋ kiriŋ dɩ ŋ lɩɩ nɩaa tʋɔŋ a mʋ guoli baga kɩaa tʋɔŋ. Ŋ jaŋ dii yaŋ a nagɛ nɛŋ jɩsɩŋ balɩpɛ. Ŋɩɩ nɛ ŋ jaŋ jɩŋ arɩ Wɩa sɩ kɩɩ kʋŋkala nɛ kɛŋ doluŋ a bibeŋ nuhuobiinee kuoruŋ. Ʋ jaŋ wuo joŋo pɩ nɩɩ-la kala ʋ sɩ cho.”

Matiu 26:15

“Dɩ mɩ nɛ kɛŋ Yesu a pɩma, bɛɛ nɛ ma jaŋ pɩmɛ?” Ŋɩɩ nɛ ba dɩɩsɛ warɩpʋla mara arɩ fii a joŋo pʋ.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Jɔɔŋ 12:31

Bʋa-la lɛ Wɩa sɩ jaŋ dii dʋnɩa nɩaa sarɩya yie nɛ. Bʋa deeŋ lɛ nɛ ʋ ma jaŋ kiri Sɩtaanɩ ta, dʋnɩa nɩaa kuoro.

Jɔɔŋ 13:3

Yesu fa jɩma arɩ ʋ Nyɩmma joŋ kʋŋkala doluŋ hɛ ʋ nɩsɩŋ lɛ nɛ. Ʋ jɩma ʋ lɩɩ Wɩa teeŋ nɛ, a bɩra jɩŋ arɩ ʋ jaŋ mɩɩra mʋ Wɩa teeŋ.

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 16:11

Wɩa sɩ folo dii dʋnɩa kuoro Sɩtaanɩ sarɩya ŋɩɩ, ba jaŋ jɩŋ arɩ Wɩa jaŋ dii ba ma sarɩya.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

1 Timoti 3:6

Dɩ nʋʋ nɛ laa Yesu wɩaa dii ʋ bɩ dieni, ʋ bɩ maga dɩ tɩɩna ŋaa Wɩa nɩaa nɩhɩaŋ. Dɩ tɩɩna nɛ ŋaa Wɩa nɩaa nɩhɩaŋ, ʋ jaŋ dagɛ ʋ tɩtɩa. Dɩ ʋ nɛ ŋaa ŋɩɩ, ʋ jaŋ tel arɩ Sɩtaanɩ sɩ tele ŋɩɩ.

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”

Jɔɔŋ Wʋnaalaa 19:16

Ba ŋmʋnsɛ yɩrɩŋ deeŋ nɛ hɛ gɛrɩ-duduoŋ-la ʋ sɩ laala lɛ arɩ ʋ naapuiŋ lɛ: “KUOROO KALA KUOROO ARƖ LA TƖNNABA KALA TƖƖNA.”