Matiu 4:7 - WƖA TENIŊ

⁷ Ŋɩɩ nɛ Yesu bʋla pʋ, “Ba bɩra ŋmʋnsɛ Wɩa teniŋ sɛmɛ dɔŋɔ a bʋl, ‘Má sɩ́ ma Tɩɩna Wɩa magɩsʋ.’ ”

Matiu 4:7 ပူးပေါင်းရင်းမြစ်များ

WƖA YƖƖLAA 106:14

Tintee-hɩlɩŋ lɛ, ba suomo hɩɛna chɩchɛ kɩaa. Tintee-hɩlɩɩ-la lɛ nɛ ba magɩsɛ Wɩa.

WƖA YƖƖLAA 78:18

Nɩalɩŋ fa sɛnɛ nɛ aŋ magɩsɛ Wɩa, a chɩchɛ dɩ ʋ pɩba kʋdiile-la ba sɩɩ hɩɛnʋ.

WƖA YƖƖLAA 78:41

Ba fa magɩsɛ Iziral Wɩa sɩ bɩ disiniŋ kɛnɛ ŋɩɩ nɛ halɩɩ, ʋ baanɩŋ sii. Ʋ tʋɔŋ chei.

WƖA YƖƖLAA 78:56

Ama nɩalɩŋ fa ha magɩsɛ Wɩa nɛ, a vɩa Wɩa sɩ kɩɩ kʋŋkala, a bɩ wɩalɩŋ ʋ sɩ daga ka to.

WƖA YƖƖLAA 95:9

Lee-la, ma naabalɩmaba magɩsɛmɛ nɛ, arɩ ba sɩ na wɩalɩŋ kala mɩ sɩ ŋaama.

MOSIS KƐŊ IZIRAL TƖŊŊAA LƖƖ 17:2

Ŋɩɩ nɛ ba ŋaa goŋ Mosis teeŋ a bʋl, “Pɩla lɩɩŋ dɩ la nyʋa.” Ŋɩɩ nɛ Mosis bʋl, “Bɛɛ nɛ tɩɩ ma ŋɩŋaa goŋ mɩ nyuŋ? Bɛɛ nɛ tɩɩ maa magɩsɛ La TƖƖNA?”

MOSIS KƐŊ IZIRAL TƖŊŊAA LƖƖ 17:7

Ʋ hɛ lee-la yɩrɩŋ Masa arɩ Mɛrɩba a tɩŋ Iziral tɩŋŋaa sɩ ŋaa goŋ-la a magɩsɛ La TƖƖNA a bʋl, “La TƖƖNA hɛ la teeŋ nɛ koo ʋ tuo nɛ?”

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

MALAKAƖ 3:15

La-na sɩ bene, nɩalɩŋ sɩɩ bigisi ba tɩtɩa lɛ tʋɔŋ nɛ tɔrɔ. Nɩalɩŋ sɩɩ ŋaa wʋbɔŋŋɔɔ nɛ kɛŋ kɩaa, nɩalɩŋ ma sɩ paala magɩsɛ Wɩa yie lɩɩ nɛ suo.’ ”

NAMBABA 14:22

nɩaa deemba sɩ na mɩ tʋla arɩ wʋmagɩla-la kala mɩ sɩ ŋaa Ijipiti tinteeŋ lɛ arɩ wʋmagɩl-la mɩ sɩ ŋaa tintee-hɩlɩŋ lɛ aŋ vɩa mɩ niiŋ wɩaa aŋ magɩsɛmɛ naansɩɩŋ fii ŋ-la,

Matiu 21:16

Ŋɩɩ nɛ Wɩɩsʋllɩ sɩpaalaaraa arɩ Wɩa teniŋ kerichiba pɩɛsɛ Yesu, “Ŋ nɩɩ wɩalɩŋ ba sɩɩ bʋl nɛɛ?” Yesu bʋl, “Mɩ nɩa nɛ.” Ŋɩɩ nɛ Yesu ma pɩɛsɛba, “Ma bɩ Wɩa teniŋ karɩmaa? Ba ŋmʋnsa Wɩa teniŋ tʋɔŋ a bʋl, ‘Wɩa jaŋ leŋ dɩ bii-mulluŋ dɩdɛnnɛ Wɩa.’ ”

Matiu 21:42

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ Wɩa teŋ-la karɩma a mʋ yi lee-la ba sɩ bʋl ŋ-la: ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine. La Tɩɩna Wɩa tɩntɩŋŋaa nɛ ŋɩɩ. Ʋ ŋaala wʋkpuŋkpere nɛ.’ ”

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Matiu 4:4

Ŋɩɩ nɛ Yesu bʋla pʋ, “Ba ŋmʋnsɛ Wɩa teniŋ tʋɔŋ a bʋl, ‘Kʋdiilee dʋndʋŋa dee bɩ nuhuobiine mɩɩsɩŋ ka pa, ama Wɩa niiŋ wɩalɩŋ ʋ sɩɩ bʋl nɩɩ pa mɩɩsɩŋ.’ ”

Luuk 4:12

Ŋɩɩ nɛ Yesu bʋla pʋ, “Ba ŋmʋnsɛ Wɩa teniŋ tʋɔŋ a bʋl, ‘Má sɩ́ ma Tɩɩna Wɩa magɩsʋ.’ ”

Tɩntɩŋŋaa 15:10

Bɛɛ nɛ tɩɩ ma joŋ chʋgʋ-balɩŋ aa chʋŋ nɩalɩŋ sɩ bɩ Juu tɩŋŋaa ŋaa aŋ laa Yesu wɩaa dii, aa magɩsɛ Wɩa ŋɩɩ? La dɩ la naabalɩmaba kala, la fa bɩ chʋga deeŋ wuo chʋŋ.

Tɩntɩŋŋaa 5:9

Ŋɩɩ nɛ Pɩɩta bɩra pɩɛsʋ, “Bɛɛ nɛ tɩɩ ŋ dɩ ŋ bala vʋʋrɛ dɩ ma magɩsɛ Wɩa Dɩŋ-zɔmʋŋ? Bee na, nɩalɩŋ sɩ joŋ ŋ bala mʋ hugi, ba nɛ chɩŋ boiŋ niiŋ ŋɩɩ. Ba saa jaŋ joŋuŋ ma lɩɩ.”

1 Kɔrɩntɩ Nɩaa 10:9

Ʋ bɩ maga dɩ la magɩsɛ La Tɩɩna. Ba dɔnsʋŋ fa magɩsʋ nɛ, ŋɩɩ nɛ ʋ leŋ dɩŋŋaa dɩmba a kpʋ.

MOSIS BƖRA WULLI WƖA WOMBIIŊ 6:16

Má sɩ́ ma TƖƖNA Wɩa magɩsʋ arɩ ma fa sɩ ŋaa ŋɩɩ lee-la ba sɩɩ yɩrɛ Masa lɛ.

Hiburu TƖŊŊAA 3:9

Lee-la ma naabalɩmaba magɩsɛmɛ nɛ woruŋ, arɩ ba sɩ na mɩ wʋŋaalaa jɩsɩŋ mahɩŋ balɩa ma kala.