Matiu 4:3 - WƖA TENIŊ

³ Ŋɩɩ nɛ Sɩtaanɩ kɔ ʋ teeŋ a bʋla pʋ, “Dɩ ŋ nɛ ŋaa Wɩa Bie, leŋ dɩ tabɩaa deemba bɩrɩmɛ kʋdiilee.”

Matiu 4:3 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 16:3

Ŋɩɩ nɛ Iziral tɩŋŋaa bʋla pɩ Mosis arɩ Arɔŋ, “Dɩ la nɛ fa sʋba La TƖƖNA nɩsɩŋ lɛ Ijipiti tinteeŋ lɛ, ʋ nɛ kpɩa. Lee-la, la fa yie hɔŋ nɛ a chaŋ nammɩa aŋ dii kʋdiile-la kala la sɩɩ chɛ a vɔgɛ, aŋ ka lɛɛlɛ ma kɛnla kʋ lɩɩ tintee-hɩlɩŋ deeŋ lɛ dɩ la nɩ-daŋ deeŋ kala sʋʋ arɩ losuŋ.”

Matiu 14:33

Nɩalɩŋ kala sɩ hɛ lɩɩŋ daboro-la tʋɔŋ chʋɔlɛ Yesu aŋ bʋl, “Wʋtɩtɩɩ, ŋ nɛ ŋaa Wɩa Bie.”

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Matiu 26:63

Yesu tɔrɛ ʋ niiŋ. Ŋɩɩ nɛ Wɩɩsʋllɩ sɩpaalaaraa kʋhɩaŋ bʋla pʋ, “Wɩa-la sɩ weye yɩrɩŋ lɛ, bʋla pɩla, ŋ nɛ ŋaa Kirisito, nɩɩ-la Wɩa sɩ lɩɩsaa? Ŋ nɛ Wɩa Biee?”

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Maak 1:1

Wɩa wʋzɔŋŋɔɔ dɩ-suomuŋ nɛ ŋ-la. Wɩaa deemba ŋaa Wɩa Bie Yesu Kirisito wʋzɔŋŋɔɔ wɩaa nɛ.

Maak 3:11

Jɩŋ-bɔŋŋɔɔ fa kɛŋ nɩalɩŋ dɔnsʋŋ nɛ. Dɩ ba nɛ na Yesu kala, ba yie kʋ tel ʋ sɩpaaŋ a chɩchɩɩrɛ a bʋl, “Ŋ nɛ ŋaa Wɩa Bie.”

Maak 5:7

aŋ faasa ŋaa goŋ a bʋl, “Yesu, Wɩa sɩ kɩɩ kʋŋkala Bie, bɛɛ nɛ ŋ chɛ dɩ ŋ ŋaa mɩ lɛ? Mɩ joŋ Wɩa chʋŋʋŋ, sɩ́ mɩ dɔgɩsʋ.”

Luuk 1:35

Ŋɩɩ nɛ Wɩa tɩndaarʋ-la bʋla pʋ, “Wɩa Dɩŋ-zɔmʋŋ jaŋ kʋ hɛ ŋ lɛ. Ŋ jaŋ kɛŋ luoruŋ Wɩa doluŋ lɛ. Ŋɩɩ wɩaa bile jaŋ ŋaa tʋɔpʋl Tɩɩna. Ba kɛnʋ yɩyɩrɛ Wɩa Bie.

Luuk 22:70

Ŋɩɩ nɛ ba kala pɩɛsʋ, “Ŋ nɛ saa ŋaa Wɩa Bie koo?” Ŋɩɩ nɛ Yesu bʋla pɩba, “Ma bʋl woruŋ nɛ, mɩ nɛ sɛnɛ ŋaa Wɩa Bie.”

Luuk 4:3

Sɩtaanɩ kʋ bʋla pʋ, “Dɩ ŋ nɛ ŋaa Wɩa Bie, leŋ dɩ tabɩɩŋ deeŋ ŋ sɩ na bɩrɩmɛ kʋdiilee.”

Luuk 4:41

Jɩŋ-bɔŋŋɔɔ ma lɩɩ nɩaa lɛ a yʋgɛ aa chɩɩrɛ, a bʋla pɩ Yesu, “Ŋ nɛ ŋaa Wɩa Bie.” Ŋɩɩ nɛ Yesu kpɩa ba lɛ dɩ ba sɩ́ ʋ wɩaa bʋl, bɛɛ wɩaa ba jɩma arɩ ʋ nɛ ŋaa Kirisito.

Luuk 4:9

Sɩtaanɩ kɛnʋ kaa mʋ Jerusalɛm a kɛnʋ jɩl Wɩa dɩɩ-balɩŋ nyu-gbaŋa aŋ bʋla pʋ, “Dɩ ŋ nɛ ŋaa Wɩa Bie, joŋ ŋ tɩtɩa yuo daha a tuu chigisi tinteeŋ.

Jɔɔŋ 1:34

Ŋɩɩ nɛ Jɔɔŋ bɩra bʋl, “Mɩ sɛnɛ naʋ nɛ, a bʋlaa pɩma arɩ ʋ nɛ ŋaa Wɩa Bie.”

Jɔɔŋ 1:49

Ŋɩɩ nɛ Natanɩal bʋla pʋ, “Kʋhɩaŋ, ŋ nɛ ŋaa Wɩa Bie. Ŋ nɛ ŋaa Iziral tɩŋŋaa kuoro ma.”

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 9:35

Yesu sɩ nɩa dɩ ba kiri baal-la ta ʋ lɩɩ Wɩɩchʋɔlɛ dɩa-la tʋɔŋ, ʋ mʋ chɛ naʋ a pɩɛsʋ, “Ŋ laa Nuhuobiine Bie wɩaa dii nɛɛ?”

Tɩntɩŋŋaa 9:20

Ʋ sɩ hɛ nɩmɛ, ʋ guu sii mʋ Wɩɩchʋɔlɛ dɩɩsɩŋ a suomo bʋbʋl Yesu wɩaa a pɩpɩ nɩaa, a bʋl dɩ ʋ nɛ ŋaa Wɩa Bie.

2 Kɔrɩntɩ Nɩaa 1:19

Ma bɩra jɩma arɩ mɩ-na Pɔɔl, mɩ dɩ la naambiiriŋ Sɩlɩvaanʋs arɩ Timoti nɛ bʋl Wɩa Bie Yesu Kirisito wɩaa pɩma. Yesu wɩɩ-wɩɩkala ŋaa wʋtɩtɩɩ nɛ. Ʋ bɩ niiriŋ balɩa ka bʋl.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

1 Tɛsalonaaka Nɩaa 3:5

Mɩ sɩ nyalɩma lɔl dɩ mɩ kʋ nama, ŋɩɩ nɛ mɩ tɩŋ Timoti dɩ mɩ jɩŋ ŋɩɩ ma sɩ chɩna a mʋ tɩgɛ wɩalɩŋ ma sɩ laa dii lɛ. Mɩ bɔyɛ faa joŋ nɛ arɩ Sɩtaanɩ jaŋ magɩsɛma a ŋaa dɩ ma joŋ wɩalɩŋ ma sɩ laa dii ta. Dɩ ma nɛ ŋaa ŋɩɩ, tɩntɩmɩɩ-la la sɩ tɩma ma teeŋ jaŋ ŋaa pɛɩ.

Hiburu TƖŊŊAA 12:16

Má pɔ ma tɩtɩa lɛ dɩ ma tʋɔŋ nʋʋkala sɩ́ lɩɩlʋ koo, dɩ ma tʋɔŋ nʋʋkala sɩ́ nʋʋ sɩ bɩ Wɩa ka fá ŋaa, a nagɛ Ɛsɔ. Ʋ fa ŋaa ʋ nyɩmma bii-hɩaŋ nɛ, aŋ joŋ ʋ hɩasɩŋ lenni kʋdiilee ʋ ŋaana teeŋ.

Hiburu TƖŊŊAA 4:14

Yesu nɛ ŋaa Wɩa Bie a bɩra ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ. Ʋ sɩ tɩŋ ʋ tɩntɩŋŋaa dɛrɛ, ʋ jɩl wɩa-nyuŋ a mʋ Wɩa teeŋ, ŋɩɩ wɩaa, má leŋ dɩ la kɛŋ wɩalɩŋ la sɩ laa dii woruŋ.

Hiburu TƖŊŊAA 7:3

Mɛlɩkɩzɛdɛk fa bɩ nyɩmma kɛnɛ, ʋ bɩ naaŋ ma kɛnɛ. Nʋʋkala fa bɩ ʋ doho jɩŋ, a bɩ bʋa-la ba sɩ lʋlʋ arɩ bʋa-la lɛ ʋ sɩ sʋba ma jɩŋ. Ama ʋ fa nagɛ Wɩa Bie nɛ. Ʋ ŋaa Wɩɩsʋllɩ sɩpaalaarʋ nɛ a kaa mʋ wuu.

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.