Matiu 22:3 - WƖA TENIŊ

³ Ba sɩ ŋaa kʋdiile-la dɛrɛ, ʋ tɩŋ ʋ tɩntɩnnaa dɩ ba mʋ yɩrɛ nɩalɩŋ ʋ sɩ yɩra arɩ ba ŋaa siri nɛ dɩ ba gbieli gbiele-la. Ba sɩ mʋ yɩrɛba, ba vɩa.

Matiu 22:3 ပူးပေါင်းရင်းမြစ်များ

WƖA YƖƖLAA 68:11

La Tɩɩna, ŋ sɩ bʋl wɩaa ŋɩɩ, ha-daŋ nɛ laaba heele bʋl:

AZAAYA 30:15

Wɩɩ-la Wɩɩjarɩbakɔ, Iziral tɩŋŋaa Wɩa sɩ bɩ disiniŋ kɛnɛ sɩ bʋla nɛ ŋ-la: “Má bɩrɩma lɩɩ ma wʋbɔŋŋɔɔ lɛ aŋ laamɛ dii, ŋɩɩ nɛ mɩ jaŋ laama ta dɩ ma na wiese a kɛŋ doluŋ. Ama, ma vɩa nɛ.

JƐRƖMAAYA 25:4

La TƖƖNA tɩŋ ʋ wʋlaabʋllaa sɩ ŋaa ʋ tɩntɩnnaa ba kɔ ma teeŋ bʋlɩa bʋlɩa nɛ, ama ma bɩ jegile nɩɩ ba teeŋ koo a kɛŋ wɩalɩŋ ba sɩ bʋla tɩŋ.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

HOSIA 11:2

Ama dɩ mɩ yɩrʋ magɛ ŋɩɩ kala ma, ʋ yie fa kagɛ mɩ lɛ a mʋ dɩ-bolii. Ʋ yie kpaarɛ vene-la ba sɩɩ yɩrɛ Baal a nyɩgɛ kʋsʋɔrʋsʋŋ pɩpɩ tɔŋŋɔɔ.

HOSIA 11:7

Mɩ nɩaa kɛŋ ba tʋɔŋ dɩ ba mɩɩrɛ mɩ harɩŋ nɛ. Dɩ ba nɛ paala sʋla yɩrɛ mɩ-na Wɩa sɩ kɩɩ kʋŋkala ma, mɩ bɩ jaŋ pɛ ba lɛ.

ZEFANAAYA 1:7

Má ŋaa fʋɩɩ La TƖƖNA Wɩɩjarɩbakɔ sɩpaaŋ, bɛɛ wɩaa La TƖƖNA tapʋlʋŋ kpaga nɛ. La TƖƖNA fa leŋe ʋ nɩaa nagɛ pʋsʋŋ nɛ dɩ ba kpʋ a lɩɩsɛ nɩalɩŋ ma sɩ jaŋ kpʋba.

Matiu 21:34

Girep nɛnɛ-la bɩɩnɩŋ sɩ yie, ʋ tɩŋ ʋ dɩa tɩntɩnnaa dɩ ba mʋ tɩntɩnna-la teeŋ a laa tɩɩnɛnɛ-la kaa kɔ. Ba mʋ.

Matiu 23:37

Ma Jerusalɛm nɩaa, ma kpʋ Wɩa wʋlaabʋllaa nɛ, a joŋ tabɩaa yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Matiu 3:2

Ʋ bʋla pɩba, “Má bɩrɩma lɩɩ ma wʋbɔŋŋɔɔ lɛ, bɛɛ wɩaa Wɩa kuorii-la kpaga nɛ.”

Matiu 9:15

Ŋɩɩ nɛ Yesu pɩɛsɛba, “Dɩ nʋʋ nɛ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la tʋɔŋ jaŋ chei? Aɩ. Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”

Luuk 13:34

Ma Jerusalɛm nɩaa, ma yie kpʋ Wɩa wʋlaabʋllaa, a joŋ tabɩaa a yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala, arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Luuk 15:28

Ŋɩɩ nɛ bile malɩma-la na baanɩŋ kɩŋkɛŋ. Ʋ bɩ dɩa jʋa. Ʋ nyɩmma kʋ lɩɩ a sʋlʋ dɩ ʋ kʋ jʋʋ dɩa.

Luuk 19:27

Mɩ dʋndɔŋŋɔɔ deemba saa sɩ bɩ cho dɩ mɩ ŋaa ba kuoro, má kɛmba kaa kɔ daha dɩ mɩ ŋaa ba kpʋba mɩ sɩpaaŋ.’ ”

Jɔɔŋ 5:40

Ka ma vɩa dɩ ma kɔ mɩ teeŋ a wuo kɛŋ mɩɩsɩŋ.

Tɩntɩŋŋaa 13:45

Juu tɩŋŋaa fa sɩ na nɩ-daŋ-la hilime ŋɩɩ, ba yaraa bibieri. Ba kɛŋ wɩalɩŋ Pɔɔl fa sɩɩ bʋl chichei aŋ tʋtʋʋsʋ.

Rom Tɩŋŋaa 10:21

Ama ʋ bʋl ŋ-la nɛ a tɩgɛ Iziral tɩŋŋaa lɛ: “Mɩ chal mɩ nɩsaa faafaa kala nɛ a gbɛrɛ nɩalɩŋ sɩ vɩamɛ a bɩ mɩ niiŋ ka to.”

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

Hiburu TƖŊŊAA 9:15

Ŋɩɩ nɛ tɩɩ Kirisito ŋaa nɩɩ-la lɛ Wɩa sɩ to bil nii-falɩɩ-la ʋ dɩ nuhuobiinee pɛgɛ. Wɩa ŋaa ŋɩɩ dɩ nɩalɩŋ kala ʋ sɩ yɩra wuo na kɩalɩŋ ʋ sɩ sɩ ʋ jaŋ joŋo pɩba ʋ jaŋ lɛ nɛ. Lɛɛlɛ Kirisito sʋba nɛ dɩ ʋ laa nɩaa wʋbɔŋŋɔɔ ta, nɩalɩŋ sɩ ŋaa wʋbɔŋŋɔɔ bʋa-la lɛ ba fa sɩɩ to bumbuŋ nii-la Wɩa sɩ bile ʋ dɩ ʋ nɩaa pɛgɛ.

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

1 SAMƲƐL 9:13

Dɩ ma nɛ jʋʋ taŋ-la, ma jaŋ naʋ, ka dɩ ʋ na jɩl dundolo-la nyuŋ ba sɩɩ ŋaa Wɩɩsʋlʋŋ dɩ ba dii kɩaa. Dɩ ʋ nɛ bɩ mʋa, nɩaa bɩ jaŋ suomo dii kɩaa, bɛɛ wɩaa ʋ maga dɩ ʋ sʋl Wɩa hɛ Wɩɩsʋlʋŋ kɩalɩŋ lɛ nɛ, ka dɩ nɩalɩŋ kala ba sɩ yɩra-na dii. Dɩ ma nɛ jɩla lɛɛlɛ, ma jaŋ naʋ bʋa deeŋ lɛ.”