Matiu 2:5 - WƖA TENIŊ

⁵ Ŋɩɩ nɛ ba bʋla pʋ, “Ba jaŋ lʋlʋ Bɛtɩlɛhɛm lɛ, Judiya tinteeŋ. Ŋ-la nɛ Wɩa wʋlaabʋllaa fa ŋmʋnsɛ:

Matiu 2:5 ပူးပေါင်းရင်းမြစ်များ

WƖAA DƖ-SUOMUŊ 35:19

Rakɛl sɩ sʋba, ba joŋu hugi Ɛfɩraf wombiiŋ (Bɛtɩlɛhɛm nɛ ŋɩɩ).

Matiu 2:1

Ba lʋl Yesu Bɛtɩlɛhɛm lɛ nɛ. Tabie-la fa hɛ Judiya tinteeŋ lɛ nɛ. Bʋa deeŋ lɛ baal kʋbala baa yɩrɛ Hɛrɔd nɛ fa ŋaa tintee-la kuoro. Ba sɩ lʋl Yesu, wʋjɩnnaa lɩɩ taŋ-bʋbʋɔŋ a kɔ Jerusalɛm a pɩɛsɛ, “Juu tɩŋŋaa kuoru-la ba sɩ lʋla hɛ nɩɩ nɛ? La na ʋ chɛnwʋlʋŋ taŋ-bʋbʋɔŋ nɛ a kɔ dɩ la chʋɔlʋ.”

Matiu 2:4

Ŋɩɩ nɛ ʋ yɩrɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba ba kʋ hilimi. Ʋ pɩɛsɛba, “Nɩɩ nɛ ba jaŋ lʋl Kirisito, nɩɩ-la Wɩa sɩ lɩɩsa?”

Jɔɔŋ 7:42

Wɩa teniŋ tʋɔŋ ba bʋla arɩ Kirisito, Nɩɩ-la Wɩa sɩ lɩɩsa, jaŋ ŋaa Devit doho nʋʋ nɛ a lɩɩ Bɛtɩlɛhɛm. Devit jaŋ nɛ fa Bɛtɩlɛhɛm.”

JOSUA 19:15

Tasɩ-la sɩ pɛ nɛ ŋaa: Kataf, Nahalal, Sɩmɩrɔŋ, Idala arɩ Bɛtɩlɛhɛm. Ba ŋaa tabalaa fii arɩ balɩa nɛ arɩ ba tabiisiŋ.

SƖPAALAARAA 17:7

Bʋa-la tɩtɩa lɛ dɩ Levi doho nɩaa bapʋɔsɛ bie kʋbala fa hɛ nɩmɛ. Ʋ hɛ Bɛtɩlɛhɛm sɩ hɛ Juda tinteeŋ lɛ, a jʋjʋʋ Juda nyɩŋ-nɩaa tʋɔŋ.

RUF 1:1

Bʋa-la lɛ kuoroo fa sɩ tuo Iziral tinteeŋ lɛ ka bawajɩaba bibemba, losu-kʋbala nɛ fa jʋa. Ŋɩɩ nɛ baal kʋbala sɩ ŋaa Bɛtɩlɛhɛm tɩɩna a lɩɩ Juda tinteeŋ, ʋ dɩ ʋ haala arɩ ʋ hambolibiisiŋ balɩa sii mʋ dɩ ba hɔŋ Mʋab tinteeŋ lɛ mʋa.

RUF 1:19

Ŋɩɩ nɛ ba to dɔŋɔ a mʋ Bɛtɩlɛhɛm. Ba sɩ mʋ yi nɩmɛ, taŋ-la nɩaa hihirigi, haalaa ŋaa goŋ a pɩpɩɛsɛ, “Nawomi nɛ ŋ-la?”

RUF 2:4

Ʋ bɩ diene dɩ Bʋas lɩɩ Bɛtɩlɛhɛm kɔ, a chʋɔlɛ tɩntɩnna-la aŋ bʋl, “La TƖƖNA Wɩa jaŋ hɛ ma teeŋ.” Ba ma bʋl, “La TƖƖNA jaŋ pɛ ŋ lɛ.”

RUF 4:11

Ŋɩɩ nɛ nɩhɩasɩ-la arɩ nɩalɩŋ kala sɩ hilimi taŋ-la boi-baalɩŋ niiŋ bʋl, “Oo, la pɛ na nɛ, La TƖƖNA jaŋ pɛ ŋ haal-la lɛ dɩ ʋ nagɛ Rakɛl arɩ Liya sɩ lʋl biiriŋ yʋgɛ ŋɩɩ a pɩ Jekɔb doho nɩaa. Wɩa jaŋ leŋ dɩ ŋ kɛŋ yɩrɩŋ Ɛfɩraf doho nɩaa tʋɔŋ a ŋaa nɩbal Bɛtɩlɛhɛm lɛ.

1 SAMƲƐL 16:1

Tapʋlɩɩ kʋbala La TƖƖNA pɩɛsɛ Samʋɛl, “Ɛɛ nɛ ŋ jaŋ leŋ dɩ ŋ tʋɔŋ chei Sɔɔl wɩaa a diene magɛ? Mɩ folo kiru nɛ, ʋ bɩra bɩ Iziral tɩŋŋaa kuoru ŋaa. Ŋaa nʋʋŋ a su loŋ, a mʋ Bɛtɩlɛhɛm. Baal kʋbala nɛ hɛ nɩmɛ baa yɩrɛ Jesi. Mʋ ʋ dɩa. Mɩ lɩɩsɛ ʋ hambolibiisiŋ dɔŋɔ nɛ dɩ ʋ dii kuoruŋ.”