Matiu 2:4 - WƖA TENIŊ

⁴ Ŋɩɩ nɛ ʋ yɩrɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba ba kʋ hilimi. Ʋ pɩɛsɛba, “Nɩɩ nɛ ba jaŋ lʋl Kirisito, nɩɩ-la Wɩa sɩ lɩɩsa?”

Matiu 2:4 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 34:13

Levi doho nɩalɩŋ nɛ faa beŋ nɩalɩŋ sɩɩ chʋŋ kɩaa arɩ tɩntɩnna-la. Ba dɔnsʋŋ ma ŋmʋŋmʋnsɛ ba tenniŋ, dɔnsʋŋ ma bibil ba tenniŋ, ka dɔnsʋŋ ma pʋpɔ Wɩa dɩɩ-bal-la boiŋ niiree.

2 IZIRAL TƖŊŊAA NAABARƖŊ 34:15

Hɩlɩkaaya bʋla pɩ Safaŋ, nɩɩ-la sɩɩ ŋmʋnsɛ ba tenniŋ, “Mɩ na teŋ-la lɛ ba sɩ ŋmʋnsɛ Wɩa wombiee hɛ nɛ Wɩa dɩɩ-bal-la lɛ.” Ʋ joŋ teŋ-la a pɩ Safaŋ.

2 IZIRAL TƖŊŊAA NAABARƖŊ 36:14

Wɩɩsʋllɩ sɩpaalaaraa arɩ nɩalɩŋ kala wasa bɩ wʋtɩtɩɩ kɛnɛ Wɩa teeŋ. Ba faa ŋaa wʋkɩsɩa-la tinteye-la sɩ kpagɛba nɩaa sɩɩ ŋaa nɛ, a ŋaa disiniŋ hɩhɛ La TƖƖNA dɩɩ-bal-la ʋ sɩ lɩɩsa Jerusalɛm lɛ dɩ ba zizilu.

ƐZƖRA 10:5

Ŋɩɩ nɛ Ɛzɩra sii chɩŋ, a leŋ Wɩɩsʋllɩ sɩpaalaaraa arɩ Levi doho nɩaa, a pɛ Iziral tɩŋŋaa kala lɛ ba ŋmɩɛsɛ arɩ ba jaŋ ŋaa wɩɩ-la Sɛkanɩa sɩ bʋla. Ŋɩɩ nɛ ba ŋmɩɛsɛ.

ƐZƖRA 7:6

Ɛzɩra deeŋ lɩɩ Babɩlɔŋ nɛ a kɔ Jerusalɛm. Ʋ faa dagɛ nɩaa nɛ, a jɩŋ wombie-la La TƖƖNA, Iziral tɩŋŋaa Wɩa sɩ joŋo dagɛ Mosis ʋ ŋmʋnsa bil dɩ la tuto woruŋ. Kuoro fa pʋ kʋŋkala ʋ sɩ pɩɛsaa chɛ nɛ, bɛɛ wɩaa, ʋ Tɩɩna Wɩa fa chɩŋ ʋ harɩŋ nɛ.

NƐHƖMAAYA 12:7

Salu, Amɔk, Hɩlɩkaaya, Jedaaya. Nɩaa deemba nɛ fa ŋaa Wɩɩsʋllɩ sɩpaalaaraa arɩ ba tɩntɩnnɩ dɔnsʋŋ Jesua mɩɩsɩŋ bʋa lɛ.

WƖA YƖƖLAA 2:2

Tinteeŋ kuoroo kʋ hɛ dɔŋɔ lɛ nɛ dɩ ba yuo La Tɩɩna arɩ Nɩɩ-la ʋ sɩ lɩɩsa.

JƐRƖMAAYA 8:8

Ɛɛ nɛ ma jaŋ wuo bʋl, ‘La ŋaa wʋjɩnna nɛ, bɛɛ wɩaa la kɛŋ La TƖƖNA wombii-la ʋ sɩ bile dɩ la tuto nɛ.’ Ka nɩalɩŋ sɩɩ ŋmʋnsɛ tenniŋ kɛŋ wɩalɩŋ kaa bɩrɩmɛ wʋnyɩɛrɩŋ?

MALAKAƖ 2:7

Ma Wɩɩsʋllɩ sɩpaalaaraa nɛ maga dɩ ma dagɛ nɩaa dɩ ba jɩŋ mɩ wɩaa. Nɩaa maga dɩ ba kɔ ma teeŋ nɛ a gʋnnɛ wɩalɩŋ mɩ sɩɩ chɛ dɩ ba jɩŋ, bɛɛ wɩaa ma nɛ ŋaa mɩ-na ma TƖƖNA doluŋ kala Tɩɩna tɩndaaraa.

Matiu 13:52

Ŋɩɩ nɛ Yesu bʋla pɩba, “Wɩɩŋ deeŋ daga arɩ nɩɩ-la kala sɩ gʋnnɛ Wɩa teniŋ woruŋ a kʋ ŋaa mɩ harɩ-tooru a ŋaa siri dɩ ʋ jʋʋ Wɩa kuorii-la tʋɔŋ, ʋ tɩɩna nagɛ dɩa tɩɩna sɩ yie chaarɛ mɩɩ-bɩnaa arɩ mɩɩ-falaa nɛ ʋ vire lɛ.”

Matiu 2:3

Kuoro Hɛrɔd fa sɩ nɩɩ wɩɩŋ deeŋ, wɩɩ-la walɩmɛ ʋ dɩ Jerusalɛm nɩaa kala kɩŋkɛŋ kɩŋkɛŋ.

Matiu 2:5

Ŋɩɩ nɛ ba bʋla pʋ, “Ba jaŋ lʋlʋ Bɛtɩlɛhɛm lɛ, Judiya tinteeŋ. Ŋ-la nɛ Wɩa wʋlaabʋllaa fa ŋmʋnsɛ:

Matiu 21:15

Ama Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba sɩ na wʋmagɩla-la ʋ sɩɩ ŋaa a bɩra na hambiisiŋ sɩɩ ŋaa goŋ ŋɩɩ Wɩa dɩɩ-balɩŋ lɛ, ba na baanɩŋ. Hambiisi-la faa bʋl, “Tabarɩkala Devit nihii.”

Matiu 21:23

Ba sɩ mʋ Jerusalɛm, Yesu mʋ jʋʋ Wɩa dɩɩ-balɩŋ. Ʋ sɩ jʋʋ Wɩa dɩa-la ŋɩɩ a dɩdagɛ nɩaa, Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ, ba kala sii kɔ ʋ teeŋ a pɩɛsʋ, “Dol bɛɛ nɛ ŋ kɛŋ a ŋɩŋaa wɩaa deemba? Kʋbɛɛ nɛ pɩŋ doluŋ ŋ kaa ŋɩŋaa ŋɩɩ?”

Matiu 26:3

Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ kʋ hilimi Kayafas dɩa lɛ. Bʋa-la lɛ ʋ nɛ fa ŋaa Wɩɩsʋllɩ sɩpaalaaraa kʋhɩaŋ.

Matiu 26:47

Yesu ha bɩ wɩaa bʋla dɛrɛ, dɩ Judas nɩɩ kɔ ŋɩɩ. Ʋ fa ŋaa Yesu harɩ-tooro-la fii arɩ balɩa dɔŋɔ nɛ. Nɩaa yʋgɛ a tuto ʋ harɩŋ. Dɔnsʋŋ kori tokobiee arɩ toŋguloo. Wɩɩsʋllɩ sɩpaalaaraa kʋhɩasɩŋ arɩ ba taŋ kʋhɩasɩŋ nɛ tɩmba, ba kɔ.

Matiu 27:1

Taŋ sɩ pʋla chʋchʋɔŋ, Wɩɩsʋllɩ sɩpaalaaraa kʋhɩasɩŋ kala arɩ taŋ-la kʋhɩasɩŋ vʋʋrɛ dɩ ba kpʋ Yesu.

Matiu 7:29

Ʋ bɩ ba daga a nagɛ ba Wɩa teniŋ kerichiba sɩɩ dagɛba ŋɩɩ. Ʋ-na kɛŋ wɩɩ-la doluŋ nɛ a dagɛba.

Maak 8:31

Ŋɩɩ nɛ Yesu suomo dɩdagɛ ʋ harɩ-tooro-la, “Mɩ-na, Nuhuobiine Bie jaŋ na hɛɛŋ woruŋ. Nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba, ba kala jaŋ vɩamɛ aŋ ŋaa dɩ ba kpʋmɛ. Dɩ ba nɛ kpʋmɛ, mɩ jaŋ ŋaa tapʋlaa batori aŋ bɩra sii sʋʋŋ lɛ.”

Luuk 20:19

Ŋɩɩ nɛ Wɩa teniŋ kerichiba arɩ Wɩɩsʋllɩ sɩpaalaaraa kʋhɩasɩŋ wʋwalɩmɛ dɩ ba kɛŋ Yesu naabʋɔsʋ-la lɛ, bɛɛ wɩaa ba jɩma arɩ ʋ magɛ namaga-la a tɩgɛ ba lɛ nɛ. Ama baa fá nɩalɩŋ sɩ hɛ nɩmɛ nɛ.

Luuk 23:10

Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba-la sii tʋɔra mʋ Yesu lɛ a faasa bʋl ʋ teeŋ woruŋ.

Jɔɔŋ 18:3

Ŋɩɩ nɛ Judas kɛŋ laalɩyuoroo dɔnsʋŋ arɩ nɩalɩŋ sɩɩ pɔ Wɩa dɩɩ-balɩŋ, Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa dɩ ba mʋ kɛŋ Yesu. Ba mʋ lee-la Yesu sɩ hɛ. Ba fa kori chaanaa, kapɩlaa arɩ nyiniŋ arɩ ba ba-kɩaa nɛ.

Jɔɔŋ 3:10

Ŋɩɩ nɛ Yesu bʋla pʋ, “Ŋ ŋaa kerichi-bal nɛ Iziral tinteeŋ lɛ, aŋ bɩ wɩɩŋ deeŋ bʋbʋɔŋ jɩŋ?

Jɔɔŋ 7:32

Farisii tɩŋŋaa sɩ nɩa dɩ nɩ-daŋ-la munso bʋbʋl Yesu wɩaa ŋɩɩ, ŋɩɩ nɛ ba dɩ Wɩɩsʋllɩ sɩpaalaaraa kʋhɩasɩŋ tɩŋ nɩalɩŋ sɩɩ pɔ Wɩa dɩɩ-balɩŋ dɩ ba mʋ kɛŋ Yesu.

Jɔɔŋ 8:3

Ŋɩɩ nɛ Wɩa teniŋ kerichiba arɩ Farisii tɩŋŋaa kɛŋ haal kʋbala kʋ jʋʋ. Ba kɛŋ haal-la dɩ ʋ pɩŋ nʋʋ bala nɛ. Ba leŋ ʋ chɩŋ ba sɩpaaŋ.

Tɩntɩŋŋaa 23:9

Ŋɩɩ nɛ nɩalɩŋ sii a faasa ŋɩŋaa goŋ. Wɩa teniŋ kerichiba-la dɔnsʋŋ sɩ ŋaa Farisii tɩŋŋaa sii a faasa kɛŋ wɩalɩŋ lɩlɛrɛ a bʋl, “La bɩ na baala deeŋ sɩ ŋaa wɩɩ-la chei. Ʋ naga arɩ nɩdɩma nɛ koo Wɩa tɩndaara nɛ sɛnɛ bʋl wɩaa pʋpʋ.”

Tɩntɩŋŋaa 4:5

Taŋ sɩ pʋla, nɩalɩŋ sɩpaalaaraa arɩ Juu tɩŋŋaa kʋhɩasɩŋ arɩ Wɩa teniŋ kerichiba kala kʋ hilimi Jerusalɛm lɛ.

Tɩntɩŋŋaa 6:12

Ba bʋl ŋɩɩ a nyɩsɛ nɩalɩŋ arɩ nɩhɩasɩ-la arɩ Wɩa teniŋ kerichiba hɛ. Ba baanɩŋ sii Sɩtɩɩvɩŋ nyuŋ. Ba kɛnʋ kaa mʋ nɩhɩasɩ-la sɩ yie hilime vʋvʋʋrɛ wɩaa teeŋ.