Matiu 17:3 - WƖA TENIŊ

³ Ŋɩɩ nɛ Mosis arɩ Ɩlaaja kʋ lɩɩ ba sɩpaaŋ, a bʋbʋl wɩaa Yesu teeŋ.

Matiu 17:3 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

MALAKAƖ 4:5

Ama ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na yi, mɩ jaŋ tɩŋ mɩ wʋlaabʋlla Ɩlaaja dɩ ʋ kɔ ma teeŋ.

Matiu 17:2

Nɩmɛ nɛ Yesu bɩrɩmɛ ba sɩpaaŋ. Ʋ sɩaa kala tʋtʋl a nagɛ wɩɩpɔsʋŋ sɩɩ tʋl ŋɩɩ. Ʋ gɛnnɩŋ ma pʋllɛ a tʋtʋl.

Matiu 17:4

Ŋɩɩ nɛ Pɩɩta bʋla pɩ Yesu, “La Tɩɩna, ʋ ŋaa wʋzɔŋ nɛ arɩ la sɩ hɛ daha. Dɩ ŋ nɩɩ chɛ la jaŋ hɛ lɛŋŋɛɛ batori daha, dɩ ŋ kɛŋ dɔŋɔ, dɩ Mosis ma kɛŋ dɔŋɔ, dɩ Ɩlaaja ma kɛŋ dɔŋɔ.”

Maak 9:4

Ɩlaaja arɩ Mosis kʋ lɩɩ ba sɩpaaŋ a chɩna bʋbʋl wɩaa Yesu teeŋ.

Luuk 1:17

Ʋ jaŋ ŋaa Wɩa tɩntɩnnʋ a kɛŋ doluŋ arɩ Ɩlaaja fa sɩ kɛŋ doluŋ ŋɩɩ. (Ɩlaaja fa ŋaa Wɩa wʋlaabʋllʋ nɛ.) Ʋ jaŋ ŋaa dɩ biiriŋ arɩ ba nyɩmmaba kala mɩɩra sɩŋ. Ʋ jaŋ ŋaa dɩ nɩalɩŋ sɩ bɩ Wɩa niiŋ wɩaa ka to, dɩ ba bɩrɩmɛ a to tʋɔpʋl tɩŋŋaa wombiiŋ a leŋ dɩ nɩaa ŋaa siri a gbɛrɛ ba Tɩɩna.”

Luuk 16:16

Ŋɩɩ nɛ Yesu bɩra bʋl, “Nɩalɩŋ faa to wɩalɩŋ Mosis fa sɩ bile nɛ. Ba to tenni-la lɛ Wɩa wʋlaabʋllaa fa sɩ ŋmʋnsa a kaa mʋ bʋa-la lɛ Jɔɔŋ sɩ kɔ nɛ, nɩɩ-la fa sɩɩ fo nɩaa Wɩɩchʋɔlɛ lɩɩŋ. Jɔɔŋ sɩ kɔ ŋɩɩ, ba suomo bʋbʋl Wɩa wʋzɔmɔ-la a tɩgɛ Wɩa kuorii-la lɛ aa pɩ nɩaa. Ŋɩɩ nɛ nʋʋkala fɩɛsɛ sɩɩŋ a wʋwalɩmɛ dɩ ʋ jʋʋ Wɩa kuorii-la tʋɔŋ.

Luuk 24:27

Ŋɩɩ nɛ Yesu dagɛ wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ ʋ lɛ bʋbʋɔŋ a pɩba. Ʋ suomi teniŋ-la Mosis sɩ ŋmʋnsa a kaa mʋ tenni-la kala Wɩa wʋlaabʋllaa sɩ ŋmʋnsa lɛ.

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Luuk 9:33

Nɩalɩŋ sɩ ta Yesu ka dɩ ba viiri, ŋɩɩ nɛ Pɩɩta bʋla pʋ, “Kʋhɩaŋ, ʋ ŋaa wʋzɔŋ nɛ la sɩ hɛ daha. La jaŋ hɛ lɛŋŋɛɛ batori, dɩ ŋ kɛŋ dɔŋɔ, dɩ Mosis ma kɛŋ dɔŋɔ, dɩ Ɩlaaja ma kɛŋ dɔŋɔ.” Ʋ fa paala bɩ jɩŋ wɩɩ-la kala ʋ sɩɩ bʋl.

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

MOSIS BƖRA WULLI WƖA WOMBIIŊ 18:18

Mɩ jaŋ lɩɩsɛ nʋʋ ba naambiiriŋ tʋɔŋ dɩ ʋ ŋaa mɩ wʋlaabʋllʋ dɩ ʋ nagɛ ŋ-na Mosis, a joŋ mɩ wɩaa hɛ ʋ niiŋ lɛ, dɩ ʋ bʋl wɩalɩŋ kala mɩ sɩ dagʋ a pɩba.

MOSIS BƖRA WULLI WƖA WOMBIIŊ 34:10

Mosis sʋʋŋ harɩŋ lɛ, Wɩa wʋlaabʋllʋ kala bɩra bɩ kɔ a nagɛ Mosis, arɩ ʋ dɩ La TƖƖNA fa sɩ yie chaasa dɔŋɔ a bʋbʋl wɩaa ŋɩɩ.