Matiu 10:2 - WƖA TENIŊ

² Nɩalɩŋ ʋ sɩ lɩɩsa yɩraa nɛ ŋ-la: Saamɔŋ, ba fa kɛnʋ yɩyɩrɛ Pɩɩta ma nɛ, arɩ ʋ naambie Anduru, arɩ Jeems sɩ ŋaa Zebidi nanʋala, arɩ Jɔɔŋ. Jɔɔŋ fa ŋaa Jeems ŋaana nɛ.

Matiu 10:2 ပူးပေါင်းရင်းမြစ်များ

Matiu 17:1

Tapʋlaa balɩdʋ sɩ bala, Yesu kɛŋ Pɩɩta arɩ Jeems arɩ ʋ naambie Jɔɔŋ, ba mʋ peel-bal kʋbala nyuŋ a hɛ nɩmɛ ba dʋndʋŋa.

Matiu 20:20

Ŋɩɩ nɛ Zebidi haala kɛŋ ʋ biiriŋ balɩa kɔ Yesu teeŋ a kpirimi ʋ sɩpaaŋ aŋ sʋlʋ dɩ ʋ pɛ ʋ lɛ.

Matiu 26:37

Ʋ kɛŋ Pɩɩta arɩ Zebidi biiriŋ balɩa a kaa mʋ nɩmɛ. Ʋ tʋɔŋ faasa chei woruŋ.

Matiu 4:18

Yesu fa sɩ joŋ Galilii mʋgʋ-bal-la niiŋ a vɩvɛŋ, ʋ na naambiiriŋ balɩa. Dɔŋɔ yɩrɩŋ nɛ Saamɔŋ, ʋ yɩrɩŋ dɔŋɔ ma nɛ Pɩɩta. Ʋ naambie ma yɩrɩŋ nɛ Anduru. Ʋ naba dɩ baa kɛsɛ chenfilee nɛ fuo-la lɛ arɩ ba jomba, bɛɛ wɩaa ba fa ŋaa chenfil kpʋʋra nɛ.

Matiu 4:21

Ŋɩɩ nɛ ʋ bɩra vɛŋ a mʋ na naambiiriŋ balɩa, ba yɩraa nɛ Jeems arɩ Jɔɔŋ. Ba fa ŋaa Zebidi biiriŋ nɛ. Ʋ naba dɩ ba dɩ ba nyɩmma fa hɛ ba lɩɩŋ daboro tʋɔŋ nɛ. Ba kɛŋ ba jomba ŋaa siri dɩ ba yuo.

Maak 1:29

Ŋɩɩ nɛ Yesu sii a lɩɩ Wɩɩchʋɔlɛ dɩa-la lɛ, ʋ dɩ Jeems arɩ Jɔɔŋ, a mʋ Saamɔŋ arɩ Anduru dɩa.

Maak 13:3

Ba mʋ jɩl peel kʋbala baa yɩrɛ Olif, a hɔŋ ʋ nyuŋ, a chaasɛ Wɩa dɩɩ-bal-la. Pɩɩta, Jeems, Jɔɔŋ arɩ Anduru lʋara pɩɛsʋ,

Maak 6:30

Yesu harɩ-tooroo mɩɩra kɔ Yesu teeŋ a bʋl wɩalɩŋ kala ba sɩ ŋaa arɩ wɩalɩŋ kala ba sɩ daga a pʋ.

Luuk 11:49

A tɩŋ wɩɩŋ deeŋ wɩaa, ba ŋmʋnsɛ Wɩa teniŋ sɛmɛ dɔŋɔ ba sɩɩ yɩrɛ Wɩa wʋjɩmɩŋ a bʋl, ‘Mɩ jaŋ ta mɩ wʋlaabʋllaa arɩ mɩ nanzɔɔba dɩ ba mʋ ba teeŋ. Ba jaŋ kpʋ dɔnsʋŋ aŋ to dɔnsʋŋ naasɩŋ a dɔgɩsɛba.’

Luuk 22:14

Bʋa-la sɩ yie dɩ ba dii kʋdiile-la, Yesu arɩ ʋ nanzɔɔba kala hɔŋ dɩ ba dii kɩaa.

Luuk 22:8

Ŋɩɩ nɛ Yesu tɩŋ Pɩɩta arɩ Jɔɔŋ a bʋl dɩ ba mʋ ŋaa ba dɩɩsɩŋ kiele bal gbiele kʋdiilee dɩ ba dii.

Luuk 5:10

Saamɔŋ nandɔnsʋŋ Jeems arɩ Jɔɔŋ ma fa hɛ nɩmɛ. Ba fa ŋaa Zebidi biiriŋ nɛ. Wɩalɩŋ ba sɩ na ma ŋaaba wʋkpuŋkpere. Ŋɩɩ nɛ Yesu bʋla pɩ Saamɔŋ, “Sɩ́ fawʋllʋŋ fá. A suomi jɩnɩŋ, ŋ jaŋ chɛ kɩkɛsɛ nɩaa arɩ ŋ sɩɩ kɛsɛ chenfilee ŋɩɩ.”

Luuk 9:10

Ŋɩɩ nɛ Yesu nanzɔɔba-la mɩɩra kɔ ʋ teeŋ a bʋl wɩalɩŋ kala ba sɩ ŋaa pʋ. Ŋɩɩ nɛ ʋ kɛŋ ba dʋndʋŋa mʋ taŋ kʋbala baa yɩrɛ Bɛtɩsaada.

Jɔɔŋ 12:22

Fɩlɩp ma mʋ bʋla pɩ Anduru. Ŋɩɩ nɛ ba balɩa-la mʋ bʋla pɩ Yesu.

Jɔɔŋ 13:23

Yesu harɩ-tooro-la tʋɔŋ nɩɩ-la ʋ fa sɩ cho nɛ fa hɔnɔ kpagʋ.

Jɔɔŋ 20:2

Ŋɩɩ nɛ ʋ fá mʋ Saamɔŋ Pɩɩta arɩ Yesu harɩ-tooro-la dɔŋɔ teeŋ, nɩɩ-la Yesu fa sɩ cho woruŋ, a bʋla pɩba, “Ba lɩɩsɛ La Tɩɩna Yesu bʋa-la tʋɔŋ nɛ. La bɩ jɩŋ lee-la kala ba sɩ joŋu bil.”

Jɔɔŋ 21:2

Saamɔŋ Pɩɩta arɩ Tɔmas, nɩɩ-la ba fa sɩ kaa yɩrɛ daalɩarɩŋ ma, arɩ Natanɩal fa sɩ lɩɩ taŋ kʋbala baa yɩrɛ Kena a hɛ Galilii tinteeŋ. Zebidi biiriŋ balɩa ma fa hɛ nɩmɛ, arɩ Yesu harɩ-tooroo balɩa ma dɔnsʋŋ.

Jɔɔŋ 21:20

Ŋɩɩ nɛ Pɩɩta daasɛ harɩŋ a na Yesu harɩ-tooru-la Yesu fa sɩ cho woruŋ, nɩɩ-la fa sɩ sʋʋsa mʋ kpagɛ Yesu bʋa-la lɛ ba fa sɩɩ dii dɩɩsɩŋ kiele bal gbiele-la kʋdiilee, a fa pɩɛsʋ, “Mɩ Tɩɩna, kʋbɛɛ nɩɩ chɛ dɩ ʋ joŋuŋ yallɛ?”

Jɔɔŋ 21:24

Mɩ-na Jɔɔŋ nɛ na wɩaa deemba aa ŋmʋnsɛ teniŋ deeŋ. La saa jɩma arɩ wɩalɩŋ kala mɩ sɩ bʋla ŋaa wʋtɩtɩɩ nɛ.

Jɔɔŋ 6:67

Ŋɩɩ nɛ Yesu pɩɛsɛ ʋ harɩ-tooroo fii arɩ balɩa-la, “Ma ma cho dɩ ma mɩɩrɛ mɩ harɩŋ nɛɛ?”

Jɔɔŋ 6:70

Ŋɩɩ nɛ Yesu pɩɛsɛba, “Ma nɩaa fii arɩ balɩa dee mɩ lɩɩsɛɛ? Ama ma dɔŋɔ ŋaa dʋndɔŋ nɛ a ŋaa Sɩtaanɩ nʋʋ.”

Jɔɔŋ 6:71

Judas sɩ ŋaa Saamɔŋ Ɩsɩkarɔt nanʋala wɩaa nɛ ʋ faa bʋl ŋɩɩ. Ʋ fa hɛ ʋ harɩ-tooro-la fii arɩ balɩa tʋɔŋ nɛ, ama ʋ nɛ fa jaŋ joŋ Yesu yallɛ.

Jɔɔŋ 6:8

Ŋɩɩ nɛ ʋ harɩ-tooroo dɔŋɔ ba sɩɩ yɩrɛ Anduru, ʋ fa ŋaa Saamɔŋ Pɩɩta naambie nɛ, ʋ bʋla pɩ Yesu,

Tɩntɩŋŋaa 1:13

Ba sɩ yi Jerusalɛm, ba mʋ jʋʋ lusuŋ nyuŋ dɩa-la ba sɩɩ jʋʋ Jerusalɛm lɛ. Pɩɩta, Jɔɔŋ, Jeems, Anduru, Fɩlɩp, Tɔmas, Batolomi, Matiu, arɩ Alɩfɩyas nanʋala Jeems, Saamɔŋ Zɛlɔt, arɩ Jeems nanʋala Judas, ba kala nɩɩ jʋʋ dɩ-bala.

Tɩntɩŋŋaa 1:26

Ŋɩɩ nɛ ba tɔnsɛ, Matɩyas dii. Ba kɛnʋ pɛ Yesu nanzɔɔba fii arɩ kʋbala-la lɛ.

Tɩntɩŋŋaa 12:2

Ʋ ŋaa ba joŋ tokobiiŋ a kpʋ Jɔɔŋ naambie Jeems.

Tɩntɩŋŋaa 3:1

Tapʋlɩɩ kʋbala Pɩɩta arɩ Jɔɔŋ sii a mʋmʋ Wɩa dɩɩ-bal-la. Ba mʋ nɩmɛ kerifi batori wɩɩhɛyɛ, bʋa-la lɛ ba sɩ yie chʋɔlɛ Wɩa.

1 Kɔrɩntɩ Nɩaa 15:7

Ŋɩɩ harɩŋ lɛ ʋ kɛŋ ʋ tɩtɩa kʋ dagɛ Jeems, a kɛŋ ʋ tɩtɩa kʋ dagɛ ʋ nanzɔɔba-la kala ma.

Ɛfɛsɩs Nɩaa 4:11

Kirisito lɩɩsɛ nɩaa dɔnsʋŋ ba ŋaa ʋ nanzɔɔba, dɔnsʋŋ ma ŋaa Wɩa wʋlaabʋllaa, a leŋ dɔnsʋŋ ma gɔllɔ bʋl Wɩa wɩaa a pɩpɩ nɩaa, dɔnsʋŋ ma bibeŋ nɩalɩŋ sɩ laa ʋ wɩaa dii, ka dɔnsʋŋ ma dɩdagɛ nɩalɩŋ sɩ laa ʋ-na Yesu wɩaa dii.

Hiburu TƖŊŊAA 3:1

Ŋɩɩ wɩaa mɩ naambiiriŋ sɩ bɩ disiniŋ kɛnɛ Wɩa sɩpaaŋ, Wɩa nɛ yɩrɛla dɩ la kɔ ʋ teeŋ. Ʋ saa maga dɩ ma joŋ Yesu wɩaa hɛ ma nyuŋ lɛ. Ʋ nɛ ŋaa Wɩa nanzɔɔ a ŋaa Wɩɩsʋllɩ sɩpaalaaraa kʋhɩaŋ ma, wombii-la la sɩɩ to lɛ.

1 Pɩɩta 1:1

Mɩ-na Pɩɩta sɩ ŋaa Yesu Kirisito nanzɔɔ, mɩ nɛ ŋmʋnsɛ teniŋ deeŋ a pɩpɩ ma nɩalɩŋ kala sɩ laa Yesu wɩaa dii aŋ tɩŋ hɛɛŋ wɩaa a pɩsɛ a hɛ Pɔntɔs lɛ, Galiisia, Kapadoosia, Esia, arɩ Bitiinia tinteeŋ kala lɛ.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

2 Jɔɔŋ 1:1

Mɩ-na Wɩa dɩa nɩhɩaŋ nɛ ŋmʋnsɛ teniŋ deeŋ aa pɩ ŋ-na haal-la Wɩa sɩ lɩɩsa, arɩ ŋ biiriŋ, nɩalɩŋ mɩ sɩ cho woruŋ. Mɩ dʋndʋŋa dee bɩ ma cho, mɩ dɩ nɩalɩŋ kala sɩ jɩŋ wʋtɩtɩɩ-la nɛ choma.

3 Jɔɔŋ 1:1

Mɩ-na Wɩa dɩa nɩhɩaŋ nɛ ŋmʋnsɛ teniŋ deeŋ pɩpɩ ŋ-na Gayas, mɩ nandɔŋ-la mɩ sɩ cho woruŋ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 22:8

Mɩ-na Jɔɔŋ, mɩ nɛ nɩɩ wɩaa deemba aŋ pɛ na ma. Mɩ sɩ nɩɩba aŋ pɛ na ŋɩɩ, mɩ tuu kpirimi Wɩa tɩndaarʋ-la sɩɩ dagɛmɛ wɩaa deemba sɩpaaŋ dɩ mɩ chʋɔlʋ.