Matiu 1:1 - WƖA TENIŊ

¹ Yesu doho nɩaa nɛ ŋ-la. Ʋ naabalɩmaba nɛ fa ŋaa Abɩraham arɩ Devit.

Matiu 1:1 ပူးပေါင်းရင်းမြစ်များ

WƖAA DƖ-SUOMUŊ 12:3

Mɩ jaŋ pɛ nɩalɩŋ kala sɩ pɛ ŋ lɛ, aŋ ŋmɩɛsa hɛ nɩalɩŋ ma sɩ ŋmɩɛsa hɛ ŋ lɛ, aŋ to ŋ lɛ a pɛ dʋnɩa nɩaa kala lɛ.”

WƖAA DƖ-SUOMUŊ 2:4

Wɩa-nyuŋ arɩ tinteeŋ ŋaanɩŋ naasɩŋ nɛ ŋɩɩ. La TƖƖNA Wɩa fa sɩ ŋaa wɩa-nyuŋ arɩ tinteeŋ,

WƖAA DƖ-SUOMUŊ 22:18

A tɩŋ ŋ sɩ sɛɩ mɩ niiŋ wɩaa, mɩ jaŋ to ŋ doho nɩaa lɛ a pɛ dʋnɩa nɩaa kala lɛ.”

WƖAA DƖ-SUOMUŊ 5:1

Adam doho nɩaa naasɩŋ nɛ ŋ-la. Wɩa sɩ ŋaa nuhuobiine, ʋ ŋaaʋ ʋ nagɛ ʋ-na Wɩa tɩtɩa nɛ.

WƖA YƖƖLAA 132:11

La Tɩɩna, ŋ fa ŋmɩɛsa a pɩ Devit nɛ, ŋ bɩ jaŋ vɩa nii-la ta, ŋ sɩ, “Mɩ-na ma Tɩɩna jaŋ leŋ dɩ ŋ doho nɩaa nɛ didii kuoruŋ.

WƖA YƖƖLAA 89:3

Ŋ bʋla, “Mɩ bil niiŋ nɛ mɩ dɩ nɩɩ-la mɩ sɩ lɩɩsa pɛgɛ, mɩ ŋmɩɛsa pɩ mɩ tɩntɩnna Devit nɛ a bʋl,

WƖA YƖƖLAA 89:36

Ʋ doho nɩaa nɛ jaŋ didii kuoruŋ bʋa na-kala. Mɩ sɩpaaŋ, ʋ kuoruŋ jaŋ chɩŋ a kaa mʋ wuu a nagɛ wɩɩpɔsʋŋ sɩ chɩŋ ŋɩɩ.

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 53:8

Ba kɛnʋ nɛ a dɔgɩsʋ, a dii ʋ sarɩya, aŋ kɛnʋ mʋ kpʋ. Ʋ nɩaa tɩtɩa bɩ jɩŋ bʋa-la lɛ arɩ ba wʋbɔŋŋɔɔ wɩaa nɛ ʋ sʋʋ.

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 33:26

ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

ZƐKARƖYA 12:8

Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

Matiu 1:18

Ŋ-la nɛ ba ŋaa a lʋl Yesu Kirisito. Josɛf nɛ fa sʋgɛ ʋ naaŋ Mɛɛrɩ dɩ ʋ jaa. Ka dɩ ba-na jaa dɔŋɔ, Mɛɛrɩ na dɩ ʋ kɛŋ luoruŋ. Wɩa Dɩŋ-zɔmʋŋ nɛ hɛ pʋ.

Matiu 1:2

Abɩraham nɛ fa lʋl Aɩzɩk. Aɩzɩk ma sii lʋl Jekɔb. Jekɔb ma sii lʋl Juda arɩ ʋ naambiiriŋ.

Matiu 15:22

Dɩ haal kʋbala sɩ hɛ lee-la kɔ ʋ teeŋ. Ʋ fa ŋaa Kɛnaŋ tɩɩna nɛ. Ʋ sɩ kɔ ʋ teeŋ, ŋɩɩ nɛ ʋ bʋl, “Mɩ Tɩɩna Devit Bii, fá mɩ nenige. Jɩŋ-bɔŋŋɔɔ nɛ kɛŋ mɩ tolo. Ʋ nɩna hɛɛŋ woruŋ.”

Matiu 3:16

Jɔɔŋ sɩ fo Yesu Wɩɩchʋɔlɛ lɩɩŋ dɛrɛ, ʋ guu lɩɩ lɩɩ-la tʋɔŋ kʋ lɩɩ, wɩa-nyuŋ kpaa balɩa. Ʋ na Wɩa Dɩŋ-zɔmʋŋ dɩ ʋ kʋ tuu a nagɛ kokomo a togili ʋ lɛ.

Matiu 9:27

Yesu sɩ lɩɩ Juu tɩŋŋaa kʋhɩaŋ-la dɩa-la lɛ a mʋmʋ, ŋɩɩ nɛ nyʋlɩmaa balɩa sii a tuto ʋ harɩŋ aŋ faasa yɩrɛ a bʋla pʋ, “Yesu, Devit nihiŋ, fá la nenige.”

Luuk 1:33

Ʋ jaŋ dii kuoruŋ Jekɔb doho nɩaa tʋɔŋ a kaa mʋ wuu. Ʋ kuoruŋ bɩ jaŋ dɛrɛ da.”

Jɔɔŋ 7:42

Wɩa teniŋ tʋɔŋ ba bʋla arɩ Kirisito, Nɩɩ-la Wɩa sɩ lɩɩsa, jaŋ ŋaa Devit doho nʋʋ nɛ a lɩɩ Bɛtɩlɛhɛm. Devit jaŋ nɛ fa Bɛtɩlɛhɛm.”

Tɩntɩŋŋaa 2:30

Ʋ fa ŋaa Wɩa wʋlaabʋllʋ nɛ a wuo jɩŋ wɩalɩŋ Wɩa sɩ sɩ ʋ jaŋ ŋaa pʋ. Wɩa ŋmɩɛsa pʋʋ nɛ arɩ ʋ jaŋ leŋ dɩ ʋ-na Devit doho nɩaa dɔŋɔ dii kuoruŋ ʋ nyuŋ lɛ.

Rom Tɩŋŋaa 1:3

Wʋzɔŋŋɔɔ deemba tɩgɛ La Tɩɩna Yesu Kirisito lɛ nɛ. Ʋ ŋaa Wɩa Bii nɛ a ŋaa nuhuobiiŋ ma. Ʋ ŋaa la naabalɩma kuoro Devit nihii nɛ.

Rom Tɩŋŋaa 4:13

Abɩraham arɩ ʋ doho nɩaa nɛ Wɩa fa bʋla pa dɩ ba jaŋ dii dʋnɩa. Ʋ bɩ naga Abɩraham fa sɩ to wɩalɩŋ Mosis fa sɩ bile dɩ nɩaa tuto nɛ tɩɩ Wɩa bʋl ŋɩɩ. Ama Abɩraham fa sɩ laa Wɩa dii nɛ tɩɩ Wɩa leŋ ʋ kɛŋ tʋɔpʋla ʋ sɩpaaŋ.

Rom Tɩŋŋaa 9:5

Ba nɛ ŋaa la naabalɩmaba doho nɩaa Wɩa sɩ lɩɩsa. Kirisito sɩ bɩrɩmɛ nuhuobiiŋ, ʋ ma fa ŋaa la naabalɩmaba doho nʋʋ nɛ. Má leŋ dɩ la dɛnnɛ Wɩa, a kaa mʋ wuu, bɛɛ wɩaa ʋ nɩɩ beŋ kʋŋkala. Amɩɩ.

Galiisia Nɩaa 3:16

Wɩa ma hɛ niiŋ nɛ a pɩ Abɩraham arɩ ʋ doho nʋʋ. Ʋ bɩ ʋ doho nɩaa kala daga. Nɩbala nɛ ʋ dagɛ. Nɩɩ-la ʋ sɩ daga nɛ ŋaa Kirisito.

1 Timoti 2:5

Wɩa ŋaa kʋbala nɛ. Nɩbala ma nɛ hɛ Wɩa arɩ nuhuobiine pɛgɛ dɩ ʋ kɛmba kaa hɛ dɔŋɔ lɛ. Nɩɩ-la nɛ ŋaa Kirisito Yesu.

2 Timoti 2:8

Liisi Yesu Kirisito wɩaa, ʋ fa ŋaa Devit doho nʋʋ nɛ. Ʋ sɩ sʋba, ʋ bɩra sii sʋʋŋ lɛ nɛ. Wɩa wʋzɔmɔ-la mɩ sɩɩ bʋl nɛ ŋɩɩ.

Jɔɔŋ Wʋnaalaa 22:16

Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”