MALAKAƖ 4:1 - WƖA TENIŊ

¹ La TƖƖNA doluŋ kala Tɩɩna sɩ, “Tapʋlɩɩ jaŋ yi dɩ nɩalɩŋ sɩɩ bigisi ba tɩtɩa lɛ arɩ wʋbɔŋ ŋaaraa kala dii nyiniŋ a nagɛ sekelee. Ba kʋŋkala bɩ jaŋ ka.

MALAKAƖ 4:1 ပူးပေါင်းရင်းမြစ်များ

JOB 18:16

Ʋ naapoloo pʋa nɛ, ʋ naakelee ma kala hɩl.

WƖA YƖƖLAA 119:119

Nɩbɔŋŋɔɔ kala sɩ hɛ dʋnɩa lɛ nagɛ nɩsʋrʋŋ nɛ ŋ teeŋ, ŋɩɩ wɩaa mɩ cho wɩalɩŋ ŋ sɩ daga.

WƖA YƖƖLAA 37:9

Nɩbɔŋŋɔɔ jaŋ lɛl, ama dɩ ŋ nɛ laa La Tɩɩna dii, tintee-la jaŋ ŋaa ŋ kʋŋ.

MOSIS KƐŊ IZIRAL TƖŊŊAA LƖƖ 15:7

Ŋ doluŋ yʋga, ŋɩɩ nɛ ŋ yuo dii nɩalɩŋ sɩ bɩ ŋ niiŋ sɛyɛ. Ŋ leŋe ŋ baanɩŋ guu sii nɛ, a diiba a nagɛ nyiniŋ sɩ dii ya-yʋalaa.

AZAAYA 40:24

Ba nagɛ kɩaa sɩ bumo nyʋ nɛ, ba naapoloo ha bɩ tinteeŋ jʋa woruŋ, ʋ leŋ peliŋ du hɛ ba lɛ ba sʋʋ, pel-vinvilimiŋ paaba viiri a nagɛ mɩɩ-jɔrʋŋ.

AZAAYA 41:2

Kʋbɛɛ nɛ lɩɩsɛ kuoru-la sɩ hɛ wɩɩpɔsʋŋ dɩɩrɩŋ a leŋ ʋ kɛŋ doluŋ a yuo didii tinteyee arɩ ba kuoroo ŋɩɩ? Ʋ tokobiiŋ yie leŋ ba bɩrɩmɛ kʋŋkɔlʋŋ, ka ʋ toŋ ma ŋmooba pɩsɛ a nagɛ peliŋ sɩ paa mɩɩ-jɔrʋŋ.

AZAAYA 47:14

Nɩalɩŋ tɩtɩa sɩ bʋl wɩalɩŋ pɩpɩŋ nagɛ ya-yʋalaa nɛ, nyiniŋ jaŋ diiba. Ba bɩ jaŋ wuo laa ba tɩtɩa ta nyiŋ-la lɛ. Nʋʋ paala bɩ nyiŋ-la wuo kpagɛ ma a saa wiwieni.

AZAAYA 5:24

Ŋɩɩ wɩaa, a nagɛ nyiniŋ sɩ yie wuo joŋ sekelee arɩ ya-hɩlɩŋ a dii ŋɩɩ buru, ŋɩɩ tɩtɩa nɛ Wɩa jaŋ chei nɩalɩŋ. Ba nagɛ tɩɩsɩŋ naapoloo sɩ pʋa ba fɩɩlaa yuori nɛ, dɩ peliŋ lu a paaba a nagɛ kʋŋkɔlʋŋ, bɛɛ wɩaa ba vɩa dɩ ba to La TƖƖNA doluŋ kala Tɩɩna wombii-la ʋ sɩ bile dɩ la tuto nɛ, aŋ joŋ harɩŋ yɩa wɩalɩŋ Iziral tɩŋŋaa Wɩa sɩ bɩ disiniŋ kɛnɛ sɩ dagɛba.

AZAAYA 9:18

Tɛŋɛ, nɩalɩŋ wʋbɔŋŋɔɔ ŋaanɩŋ nagɛ nyiniŋ sɩɩ dii nɛ, ʋ yie dii ya-kʋɔŋ arɩ sɔsʋŋ a chol duuŋ nyiŋgeliŋ sisii, nyʋɔsʋŋ sii tɔ dugugu.

AZAAYA 9:19

La TƖƖNA doluŋ kala Tɩɩna baanɩŋ jaŋ nagɛ nyiniŋ a dii tintee-la arɩ nɩaa kala. Nʋʋkala bɩ jaŋ fá ʋ naambie nenige.

ƐZƖKƖƐL 20:38

Mɩ jaŋ tʋɔsɛ ma tʋɔŋ nɩalɩŋ sɩ vɩamɛ aŋ ŋaa wʋbɔŋŋɔɔ. Mɩ jaŋ kɛmba kaa lɩɩ tinteye-la ba sɩ hɔnɔ lɛ, ama mɩ bɩ jaŋ leŋ dɩ ba jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 21:32

Nyiniŋ jaŋ diima, ma chalɩŋ jaŋ jaasɛ ma tɩtɩa tinteeŋ lɛ. Nʋʋkala bɩ jaŋ liisi ma wɩaa a kaa mʋ wuu, bɛɛ wɩaa mɩ-na ma TƖƖNA nɛ bʋla.’ ”

ƐZƖKƖƐL 24:11

Joŋ pupoi-la kʋwuoluŋ chɔ nyiŋ-halaa lɛ dɩ ʋ faasa lɩŋ dɩ hɔɔ-fɩaŋ-la ba sɩ kaa ŋaaʋ fɩɛsɛ, dɩ disiŋ-la ma ŋmɩɛrɛ, dɩ ʋ sɩ sʋa ŋɩɩ ma dii.

ƐZƖKƖƐL 34:17

Ma-na mɩ piesee, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ dii ma kala sarɩya, a kɛŋ pie-zɔŋŋɔɔ pɔrɛ pie-bɔŋŋɔɔ lɛ, kɩalɩŋ sɩ ŋaa piesee arɩ kɩalɩŋ sɩ ŋaa bʋʋnaa.

ƐZƖKƖƐL 7:10

Tapʋlɩɩ-la yie nɛ, ʋ kɔ nɛ, cheeriŋ tapʋlʋŋ puu Iziral tɩŋŋaa nɛ. Toŋguluŋ je ba nyuŋ nɛ. Ba babii-ballɩŋ paala yʋga kieli nɛ.

JOWƐL 2:1

Má ŋmʋʋ banyile Zaayɔŋ lɛ. Má ŋmoo doworo mɩ peel-la sɩ bɩ disiniŋ kɛnɛ nyuŋ. Nɩalɩŋ kala sɩ hɛ tintee-la lɛ, má chichel, bɛɛ wɩaa La TƖƖNA tapʋlɩɩ-la ka kɔ nɛ. Ʋ kpaga nɛ.

JOWƐL 2:31

Wɩɩpɔsʋŋ jaŋ biri, dɩ chɛnɛ fɩɛsɛ a nagɛ chalɩŋ, ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na kɔ.

AMƆS 2:9

Iziral tɩmma, Amɔrɩ tɩŋŋaa fa hɛ Kɛnaŋ tinteeŋ lɛ nɛ ka ma-na jʋʋ nɩmɛ. Ba fa duomo nɛ woruŋ a nagɛ kuolu tɩɩsɩŋ a kɛŋ doluŋ ma a nagɛ piine tɩɩsɩŋ, ka mɩ chei ba nɛnɛɛ arɩ ba naapoloo kala.

OBADAAYA 1:18

Jekɔb doho nɩaa jaŋ nagɛ nyiniŋ, dɩ Josɛf doho nɩaa ma nagɛ nyiŋgeliŋ, a joŋ Ɛsɔ doho nɩaa sɩ nagɛ ya-hɩlɩŋ dii. Nʋʋkala bɩ jaŋ ka Ɛsɔ doho nɩaa tʋɔŋ. Mɩ-na ma TƖƖNA nɛ bʋla.

NAHUM 1:10

A nagɛ nyiniŋ sɩ joŋ sɔsʋŋ sɩ vɔɔ kɛŋ dɔŋɔ arɩ ya-hɩlɩŋ dii ŋɩɩ, ŋɩɩ tɩtɩa nɛ nyiniŋ jaŋ dii Nɩnɩvɛ nɩaa sɩɩ begilu ba wʋŋaalaa lɛ a nagɛ sɩ-nyʋaraa.

ZEFANAAYA 1:14

La TƖƖNA tapʋl-bal-la kpaga nɛ, ʋ kpaga nɛ a kʋkɔ lɩma lɩma. Má jegile nɩɩ, La TƖƖNA tapʋlɩɩ-la nɩaa jaŋ ŋmoo niiŋ bagɛ-bagɛ, laalɩyuori wajɩa ma jaŋ paala ŋmoo niiŋ.

ZEFANAAYA 1:18

Tapʋlɩɩ-la mɩ-na ba TƖƖNA sɩ jaŋ na baanɩŋ, ba warɩpʋla koo ba sɛlɩmɛ bɩ jaŋ wuo laaba ta. Mɩ yarɩ-bieri baanɩŋ jaŋ nagɛ nyiniŋ a joŋ dʋnɩa kala dii, bɛɛ wɩaa mɩ jaŋ leŋ dɩ nʋʋkala sɩ hɛ dʋnɩa lɛ guu sʋʋ.”

ZƐKARƖYA 14:1

La TƖƖNA tapʋlʋŋ ka kɔ nɛ, ba jaŋ paa ma dʋa a kaa kpaa ma sɩɩŋ lɛ.

MALAKAƖ 3:15

La-na sɩ bene, nɩalɩŋ sɩɩ bigisi ba tɩtɩa lɛ tʋɔŋ nɛ tɔrɔ. Nɩalɩŋ sɩɩ ŋaa wʋbɔŋŋɔɔ nɛ kɛŋ kɩaa, nɩalɩŋ ma sɩ paala magɩsɛ Wɩa yie lɩɩ nɛ suo.’ ”

MALAKAƖ 3:18

Ŋɩɩ nɛ nʋʋkala jaŋ na dabaŋ-la sɩ hɛ tʋɔpʋl tɩŋŋaa arɩ nɩbɔŋŋɔɔ pɛgɛ, nɩalɩŋ sɩɩ to mɩ-na Wɩa arɩ nɩalɩŋ sɩ bɩ mɩ ka to.”

MALAKAƖ 3:2

Ama ma tʋɔŋ kʋbɛɛ nɛ jaŋ wuo nyalɩma gbɛrɛ tapʋlɩɩ-la ʋ sɩ jaŋ kɔ? Dɩ ʋ nɩɩ kɔ, kʋbɛɛ nɛ jaŋ wuo chɩŋ ʋ sɩpaaŋ? Ʋ jaŋ nagɛ libire sɩ lɩɩsɛ hɔɔŋ sɩ fɩɛsa nyiniŋ lɛ koo chɛnfɛnnɩŋ sɩ kɛŋ niiŋ ba kaa chɩchɛsɛ kɩaa.

MALAKAƖ 3:3

Tɩndaarʋ-la jaŋ kʋ chɛsɛ Levi doho nɩaa dɩ ba lɩɩ a nagɛ sɛlɩmɛ koo hɔpʋla ba sɩ joŋo hɛ nyiniŋ lɛ a lɩɩsɛ hɔɔ-bɩnɩŋ. Ŋɩɩ lɛ nɛ La TƖƖNA jaŋ kɛŋ tʋɔpʋl tɩŋŋaa dɩ ba kɛŋ kɩaa kʋ ŋaa Wɩɩsʋlʋŋ a pʋ,

MALAKAƖ 4:5

Ama ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na yi, mɩ jaŋ tɩŋ mɩ wʋlaabʋlla Ɩlaaja dɩ ʋ kɔ ma teeŋ.

Matiu 3:12

Ʋ jaŋ kori ʋ mɩɩ-chaarɩ gbaŋa, dɩ ʋ ŋmoo ʋ mɩaa kala dɛrɛ, ʋ jaŋ kɛŋ gbaŋa-la a kaa chaarɛ a lɩɩsɛ mɩɩ-biiŋ a hɛ ʋ vire lɛ aŋ joŋ jɔrʋŋ a hɛ nyiniŋ lɛ. Nyiŋ-la bɩ jaŋ dɩsɛ.”

Luuk 19:43

Tapʋlɩɩ jaŋ yi dɩ ma dʋndɔŋŋɔɔ saa kɛrɛ gollima, dɩ ma sɩ́ wuo lɩɩ.

Luuk 21:20

Ŋɩɩ nɛ Yesu bɩra bʋl, “Dɩ ma nɛ na dɩ laalɩyuoroo golli Jerusalɛm, ma jaŋ jɩŋ arɩ taŋ-la jaŋ tel lɛɛlɛ.

Luuk 6:23

Dɩ ŋɩɩ nɛ kʋ chɩŋ ma lɛ, ma gʋgʋa arɩ tʋɔtɔrʋŋ, bɛɛ wɩaa ma time jaŋ yʋgɛ Wɩa-jaŋ lɛ. La naabalɩmaba ma dɔgɩsɛ Wɩa wʋlaabʋllaa nɛ.

2 Tɛsalonaaka Nɩaa 1:8

Ʋ sɩ jaŋ kɔ, ʋ jaŋ nagɛ nyiŋgeliŋ a dɔgɩsɛ nɩalɩŋ sɩ bɩ Wɩa jɩŋ arɩ nɩalɩŋ sɩ bɩ La Tɩɩna Yesu wʋzɔmɔ-la ka to.

2 Pɩɩta 3:7

Wɩa bɩra bʋla arɩ ʋ jaŋ leŋ dɩ nyiniŋ dii tinteeŋ arɩ wɩa-nyuŋ kala sɩ hɛ nɩmɛ lɛɛlɛ ŋ-la. Ama ba jaŋ hɛ nɩmɛ halɩɩ, dɩ tapʋlɩɩ-la Wɩa sɩ jaŋ dii dʋnɩa nɩaa sarɩya kʋ yi. Nɩalɩŋ sɩ bɩ ʋ niiŋ wɩaa ka to, Wɩa jaŋ joŋ cheeriŋ pɩba a cheiba.