MALAKAƖ 3:3 - WƖA TENIŊ

³ Tɩndaarʋ-la jaŋ kʋ chɛsɛ Levi doho nɩaa dɩ ba lɩɩ a nagɛ sɛlɩmɛ koo hɔpʋla ba sɩ joŋo hɛ nyiniŋ lɛ a lɩɩsɛ hɔɔ-bɩnɩŋ. Ŋɩɩ lɛ nɛ La TƖƖNA jaŋ kɛŋ tʋɔpʋl tɩŋŋaa dɩ ba kɛŋ kɩaa kʋ ŋaa Wɩɩsʋlʋŋ a pʋ,

MALAKAƖ 3:3 ပူးပေါင်းရင်းမြစ်များ

WƖA YƖƖLAA 116:17

Mɩ jaŋ kpʋ pʋsʋŋ a ŋaa Wɩɩsʋlʋŋ a lɔllɛ La Tɩɩna, a yɩrɛ ʋ yɩrɩŋ.

WƖA YƖƖLAA 4:5

Má kpʋ pʋsʋŋ a sʋl Wɩɩsʋlʋŋ ʋ bʋa lɛ, aŋ joŋ ma yɩɛlaa hɛ La Tɩɩna lɛ.

WƖA YƖƖLAA 4:6

Nɩ-daŋ nɩɩ pɩɛsʋ, “Kʋbɛɛ nɛ jaŋ ŋaa wʋzɔŋŋɔɔ la lɛ?” La Tɩɩna, leŋ dɩ ŋ pʋlʋmʋŋ chaana hɛ la lɛ.

WƖA YƖƖLAA 50:14

Mɩ nɛ Wɩa, mɩ nɛ kɩɩ kʋŋkala. Wɩɩsʋlɩɩ-la doho mɩ sɩɩ chɛ nɛ, dɩ ma lʋlɔllɛmɛ, aŋ lɩɩsɛ niiri-la ma sɩ hɛ pɩmɛ.

WƖA YƖƖLAA 50:23

Dɩ ŋ nɩɩ lɔllɛ mɩ-na Wɩa, Wɩɩsʋlɩɩ-la sɩɩ tɔrɛ mɩ tʋɔŋ nɛ ŋɩɩ. Nɩɩ-la wʋŋaalaa sɩ tʋʋla, mɩ-na ma Wɩa jaŋ leŋ dɩ ʋ jɩŋ arɩ mɩ kɛŋ doluŋ dɩ mɩ laaʋ ta.”

WƖA YƖƖLAA 51:19

Ŋɩɩ lɛ nɛ la jaŋ kpʋ pʋsʋŋ a ŋaa tʋɔpʋl Wɩɩsʋlʋŋ arɩ la kʋnyɩgaa Wɩɩsʋlɩɩ-la sɩ jaŋ tɔrɛ ŋ tʋɔŋ. La jaŋ kpʋ nɛ-belliŋ a ŋaa Wɩɩsʋlʋŋ ŋ koruŋ nyuŋ.

WƖA YƖƖLAA 66:10

Wɩa, ŋ magɩsɛla a nagɛ ba sɩ joŋ hɔpʋla chɔ dɩ ba lɩɩsɛ hɔɔ-biiŋ nɛ.

NAMAGABA 17:3

Ba yie joŋ sɛlɩmɛ koo hɔpʋla a hɛ chefuguŋ-bʋa nyiniŋ lɛ nɛ a ŋmɩɛra lɩɩsɛ ʋ disiniŋ. Ama La Tɩɩna nɛ yie magɩsɛ nuhuobiine tʋɔŋ a na dɩ ʋ zɔmɔ koo ʋ bɩ zɔŋ.

NAMAGABA 25:4

Dɩ ba nɛ lɩɩsɛ hɔbɩnɩŋ ta hɔpʋla lɛ, ba jaŋ wuo kɛŋ hɔpʋla-la libi kʋŋ.

AZAAYA 1:25

Mɩ jaŋ ŋaa wɩaa a jʋʋ ma lɛ, a lɩɩsɛ disiŋ-la kala sɩ hɛ ma lɛ a nagɛ hɔɔ-bɩnɩŋ, a nagɛ ba sɩ yie lɩɩsɛ hɔɔŋ disiniŋ ŋɩɩ.

AZAAYA 48:10

Mɩ joŋ hɛɛŋ sɩ nagɛ nyiniŋ nɛ a hɛ ma lɛ a magɩsɛ ma, arɩ ba sɩ joŋ hɔpʋla a chɔ dɩ ba lɩɩsɛ hɔɔ-bɩnɩŋ ŋɩɩ.

AZAAYA 61:6

Ma-na jaŋ ŋaa La TƖƖNA Wɩɩsʋllɩ sɩpaalaaraa, a ŋaa la Wɩa tɩntɩnnaa. Ma nɛ jaŋ tɩɩ tinteyee kala dʋa, a kɛŋ ba kɩalɩŋ ŋmuŋmoo bɔyɛ.

JƐRƖMAAYA 9:7

Ŋɩɩ wɩaa, wɩɩ-la La TƖƖNA, doluŋ kala Tɩɩna sɩ bʋla nɛ ŋ-la: “Mɩ jaŋ joŋ nyiniŋ hɛ ba lɛ a magɩsɛba na a lɩɩsɛ ba disiniŋ ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ disiniŋ ŋɩɩ. Wʋbɛɛ nɛ mɩ jaŋ bɩra wuo ŋaa a tɩŋ mɩ nɩaa wʋbɔŋŋɔɔ wɩaa?

ƐZƖKƖƐL 20:38

Mɩ jaŋ tʋɔsɛ ma tʋɔŋ nɩalɩŋ sɩ vɩamɛ aŋ ŋaa wʋbɔŋŋɔɔ. Mɩ jaŋ kɛmba kaa lɩɩ tinteye-la ba sɩ hɔnɔ lɛ, ama mɩ bɩ jaŋ leŋ dɩ ba jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

DANƖƐL 11:35

Nɩalɩŋ dɔnsʋŋ sɩ kɛŋ wʋjɩmɩŋ jaŋ na hɛɛŋ, dɩ ŋɩɩ ŋaa wɩɩ sɩ jaŋ chɛsɛba a pɩɩsɛ ba disiniŋ ta ka dɩ ba zɔŋ a kaa mʋ yi dɩdɛrɩ-la Wɩa sɩ daga.

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

HOSIA 14:2

Má kɛŋ ma tɩtɩa hɛ dɔŋɔ aŋ mɩɩra mʋ La TƖƖNA teeŋ, a bʋla pʋ, “Fá la nenige aŋ joŋ la wʋbɔŋŋɔɔ kala chɛla, aŋ chaga laala dɩ la wuo suri la niiŋ a dɛnnɩŋ.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

MALAKAƖ 4:1

La TƖƖNA doluŋ kala Tɩɩna sɩ, “Tapʋlɩɩ jaŋ yi dɩ nɩalɩŋ sɩɩ bigisi ba tɩtɩa lɛ arɩ wʋbɔŋ ŋaaraa kala dii nyiniŋ a nagɛ sekelee. Ba kʋŋkala bɩ jaŋ ka.

NAMBABA 8:6

“Lɩɩsɛ Levi doho nɩaa Iziral tɩŋŋaa tʋɔŋ a pɩɩsɛ ba disiniŋ ta.

Luuk 3:16

Ŋɩɩ nɛ Jɔɔŋ bʋla pɩba, “Mɩ dee. Lɩɩŋ dʋndʋŋa nɛ mɩ-na kaa foma. Ama nɩɩ-la sɩ jaŋ kɔ, ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri. Ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ ma hɛ dɔnsʋŋ ma lɛ.

Rom Tɩŋŋaa 12:1

Ŋɩɩ wɩaa, mɩ naambiiriŋ, a tɩŋ Wɩa sɩ faasa fá la nenige wɩaa, mɩɩ sʋlma dɩ ma joŋ ma mɩɩsɩŋ kala a pɩ Wɩa, arɩ ba fa sɩ yie kpʋ pʋsʋŋ a ŋaa Wɩɩsʋlʋŋ pɩ Wɩa ŋɩɩ. Ma sɩ joŋ ma tɩtɩa a pɩ Wɩa ŋɩɩ, ma bɩra sɩ́ disiniŋ kɛŋ, dɩ Wɩa wuo laama. Wɩɩ-chʋɔlʋŋ wombiiŋ tɩtɩa nɛ ŋɩɩ.

Rom Tɩŋŋaa 15:16

dɩ mɩ tɩŋ Yesu Kirisito tɩntɩŋŋaa nɩalɩŋ sɩ bɩ Juu tɩŋŋaa ŋaa tʋɔŋ. Mɩ tɩŋ ba tʋɔŋ a nagɛ Wɩɩsʋllɩ sɩpaalaara nɛ, a bʋl Wɩa wʋzɔmɔ-la pɩba. Mɩ ŋaa ŋɩɩ dɩ Wɩa wuo laa nɩalɩŋ sɩ bɩ Juu tɩŋŋaa ŋaa, a nagɛ Wɩɩsʋlʋŋ kɩaa Wɩa Dɩŋ-zɔŋ-la sɩ ŋaa ba bɩ disiniŋ kɛnɛ dɩ mɩ joŋo pɩ Wɩa dɩ ʋ tʋɔtɔrɛ ba nyuŋ.

Fɩlɩpa Nɩaa 2:17

Ama dɩ ba paala kpʋmɛ dɩ mɩ chalɩŋ jaasɛ a nagɛ kʋnyʋalaa Wɩɩsʋlʋŋ a tɩŋ ma sɩ laa Wɩa dii a ŋaa wʋzɔŋŋɔɔ ʋ sɩpaaŋ, mɩ tʋɔŋ jaŋ tɔrɛ dɩ mɩ dɩ ma kala jʋjʋɔsɛ.

Fɩlɩpa Nɩaa 4:18

Ma sɩ tɩŋ Epafurodaatus ʋ kɛŋ kɩalɩŋ kʋ pɩmɛ, lɛɛlɛ mɩ kɛŋ kʋŋkala mɩ sɩɩ chɛ nɛ. Kɩalɩŋ paala yʋgɛ nɛ. Kɩalɩŋ ma sɩ joŋo pɩmɛ, ba nagɛ kɩaa ba sɩ yie kpʋ pɩ Wɩa, ʋ laaba, ʋ tʋɔŋ tɔrɛ ba nyuŋ nɛ.

2 Timoti 4:6

Bʋa-la lɛ Wɩa sɩ jaŋ laa mɩ mɩɩsɩŋ yie nɛ.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Hiburu TƖŊŊAA 12:10

La nyɩmmaba sɩ lʋlla, ba yie dagɛla jɩsɩŋ baŋmɛnɛ nɛ. Ba tʋɔtɔrɛ wɩaa nɛ ba yie dagɛla la tuto. Ama Wɩa-na yie dagɛla a tɩŋ la zɔmʋŋ wɩaa nɛ. Ʋʋ chɛ dɩ la ŋaa nɩaa sɩ bɩ disiniŋ kɛnɛ a nagʋ.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

1 Pɩɩta 2:5

Ma ma nagɛ tabɩɩ-la sɩ kɛŋ mɩɩsɩŋ nɛ. Ŋɩɩ wɩaa, má leŋ dɩ Wɩa kɛmma saa ʋ dɩa, a leŋ dɩ ma ŋaa nɩa sɩ́ bɩ disiniŋ kɛnɛ a laa nɩaa nyuŋ a tɩma pʋpʋ, a nagɛ Wɩɩsʋllɩ sɩpaalaaraa. Wɩa chɛ dɩ ma to Yesu Kirisito lɛ nɛ a ŋaa Wɩɩsʋlɩɩ-la sɩ maga a pʋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

Jɔɔŋ Wʋnaalaa 1:6

Ʋ nɛ leŋe la dɩ ʋ kala dii kuoruŋ a tɩmaa pɩ Wɩa, Nɩɩ-la sɩ ŋaa ʋ Nyɩmma. Ʋ nɛ kɛŋ yɩrɩŋ arɩ doluŋ a kaa mʋ wuu. Amɩɩ.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.

Jɔɔŋ Wʋnaalaa 5:10

Ŋ leŋe nɩalɩŋ ŋ sɩ yɔbɔ, dii kuoruŋ nɛ a laa nɩaa nyuŋ a tɩma pɩpɩ Wɩa. Ba jaŋ beŋ tinteeŋ kala.”