MALAKAƖ 3:2 - WƖA TENIŊ

² Ama ma tʋɔŋ kʋbɛɛ nɛ jaŋ wuo nyalɩma gbɛrɛ tapʋlɩɩ-la ʋ sɩ jaŋ kɔ? Dɩ ʋ nɩɩ kɔ, kʋbɛɛ nɛ jaŋ wuo chɩŋ ʋ sɩpaaŋ? Ʋ jaŋ nagɛ libire sɩ lɩɩsɛ hɔɔŋ sɩ fɩɛsa nyiniŋ lɛ koo chɛnfɛnnɩŋ sɩ kɛŋ niiŋ ba kaa chɩchɛsɛ kɩaa.

MALAKAƖ 3:2 ပူးပေါင်းရင်းမြစ်များ

WƖAA DƖ-SUOMUŊ 19:28

Ʋ sɩ beŋ Sodom arɩ Gomora tinteeŋ dɩɩrɩŋ, dɩ nyiŋgeliŋ arɩ nyʋɔsʋŋ sii jɩjɩl wɩa-nyuŋ a nagɛ ŋɩɩ hololo a dii fuonaa-la kala.

JOB 28:1

Leriŋ hɛ nɩmɛ ba sɩɩ huri hɔpʋla, leriŋ ma hɛ nɩmɛ ba sɩ yie joŋ sɛlɩmɛ chɔ a lɩɩsɛ sɛlɩŋ-bɩnɩŋ.

WƖA YƖƖLAA 130:3

La TƖƖNA, dɩ ŋ nɛ sɩ ŋ dɩɩsɛ la wʋbɔŋŋɔɔ, nʋʋkala bɩ jaŋ ka.

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

WƖA YƖƖLAA 76:7

Ŋ dʋndʋŋa nɛ maga dɩ nʋʋkala fá. Nʋʋkala bɩ ŋ sɩpaaŋ wuo chɩŋ, dɩ ŋ nɛ na baanɩŋ.

NAMAGABA 25:4

Dɩ ba nɛ lɩɩsɛ hɔbɩnɩŋ ta hɔpʋla lɛ, ba jaŋ wuo kɛŋ hɔpʋla-la libi kʋŋ.

AZAAYA 1:18

La TƖƖNA saa yɩrɛma nɛ a bʋl, “Lɛɛlɛ má kɔ dɩ la bʋla nɩɩ dɔŋɔ lɛ. Ma wʋbɔŋŋɔɔ nɛ paala fɩɛsɛ a nagɛ chalɩŋ ma, mɩ jaŋ chɛsɛba ta ka ma pʋllɛ a nagɛ kuŋkunuŋ. Dɩ ba nɛ paala fɩɛsɛ a nagɛ vachalɩŋ ma, ma jaŋ pʋllɛ a nagɛ pie-pʋnaa.

AZAAYA 33:14

Wʋbɔŋ ŋaara-la sɩ hɛ Zaayɔŋ lɛ, fawʋllʋŋ jʋʋba nɛ. Nɩalɩŋ sɩ bɩ Wɩa ka to ka chel nɛ aŋ pɩpɩɛsɛ, “La kʋbɛɛ nɛ jaŋ wuo hɛ nyiniŋ sɩɩ dii tʋɔŋ? La kʋbɛɛ nɛ jaŋ wuo hɛ nyiŋ-la sɩɩ dii a bɩ dɩsɛ tʋɔŋ aŋ kɛŋ mɩɩsɩŋ?”

AZAAYA 4:4

La TƖƖNA jaŋ pɩɩsɛ Jerusalɛm haalaa disiniŋ ta arɩ chal-la kala sɩ jaasɛ Jerusalɛm lɛ aŋ dii nɩalɩŋ kala sɩ ŋaa wʋbɔmɔ-la sarɩya arɩ nyiniŋ.

JƐRƖMAAYA 2:22

Dɩ ma nɛ paala kɛŋ sɛhɩyɛ arɩ chɛnfɛnnɛɛ yʋgɛ a fo ma tɩtɩa ma, mɩ haa na ma cheeriŋ sɩ hɛ ma lɛ nɛ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 22:14

Ma jaŋ wuo kɛŋ bɔɩ-duoŋ a nyalɩmɛ koo a kɛŋ doluŋ tapʋlɩɩ-la mɩ sɩ jaŋ ŋaa wɩaa ma lɛɛ? Mɩ-na ma TƖƖNA nɛ pɩɛsa, mɩ saa jaŋ ŋaa ma.

DANƖƐL 11:35

Nɩalɩŋ dɔnsʋŋ sɩ kɛŋ wʋjɩmɩŋ jaŋ na hɛɛŋ, dɩ ŋɩɩ ŋaa wɩɩ sɩ jaŋ chɛsɛba a pɩɩsɛ ba disiniŋ ta ka dɩ ba zɔŋ a kaa mʋ yi dɩdɛrɩ-la Wɩa sɩ daga.

JOWƐL 2:11

La TƖƖNA kpɩa ʋ laalɩyuoroo lɛ nɛ. Ʋ laalɩyuoroo bɩ nii kɛnɛ. Nɩalɩŋ sɩɩ to ʋ niiŋ ŋaa nɩduoru nɛ. La TƖƖNA tapʋlɩɩ-la ŋaa tapʋl-bal nɛ a kɛŋ fawʋllʋŋ woruŋ. Kʋbɛɛ nɛ jaŋ wuo nyalɩmɛ tapʋlɩɩ-la?

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

MALAKAƖ 4:1

La TƖƖNA doluŋ kala Tɩɩna sɩ, “Tapʋlɩɩ jaŋ yi dɩ nɩalɩŋ sɩɩ bigisi ba tɩtɩa lɛ arɩ wʋbɔŋ ŋaaraa kala dii nyiniŋ a nagɛ sekelee. Ba kʋŋkala bɩ jaŋ ka.

Matiu 25:10

Ŋɩɩ nɛ ba mʋ dɩ ba yɔɔ. Ba sɩ mʋa dɩ ba yɔɔ nʋʋ-la, ha-falɩŋ bala-la kɔ. Haala-la banɔŋ fa sɩ ŋaa siri, ba to ʋ harɩŋ a jʋʋ hajaarɩ gbiele-la leriŋ, ka ba kɛŋ boiŋ tɔ.

Maak 9:3

Ʋ gɛnnɩŋ kala pʋllɛ kɩŋkɛŋ a tʋtʋl. Gɛrɩ-chɛsɩrʋ kala bɩ jaŋ wuo chɛsɛ gɛnnɩŋ dɩ ba pʋlla nagɛ ŋɩɩ.

Luuk 2:34

Ŋɩɩ nɛ Simioŋ chʋɔlɛ Wɩa pɩba dɩ ʋ pɛ ba lɛ aŋ bʋla pɩ ʋ naaŋ Mɛɛrɩ, “Wɩa lɩɩsɛ ŋ bie deeŋ dɩ ʋ kʋ dɔgɩsɛ nɩalɩŋ sɩ bɩ ʋ wɩaa laa dii nɛ, aŋ laa nɩalɩŋ sɩ laa ʋ wɩaa dii ta Iziral tɩŋŋaa tʋɔŋ. Wɩa ta bie deeŋ dɩ ʋ ŋaa magɩl nɛ. Nɩaa yʋga sɩ jaŋ joŋ ba harɩŋ yɩaʋ,

Luuk 21:36

Má pɔ a chʋchʋɔlɛ Wɩa bʋa na-kala lɛ. Dɩ ma nɛ ŋaa ŋɩɩ, ma jaŋ kɛŋ doluŋ a lɩɩ wɩalɩŋ kala sɩ jaŋ ŋaa lɛ arɩ yarɩfɩɛlaa a wuo chɩŋ mɩ-na Nuhuobiine Bie sɩpaaŋ.”

Luuk 3:17

Ʋ jaŋ kori ʋ mɩɩ-chaarɩ gbaŋa. Dɩ ʋ nɛ ŋmoo ʋ mɩaa kala dɛrɛ, ʋ jaŋ kɛŋ gbaŋa-la a kaa chaarɛ a lɩɩsɛ mɩɩ-biiŋ a hɛ ʋ vire lɛ aŋ joŋ jɔrʋŋ a hɛ nyiniŋ lɛ. Nyiŋ-la bɩ jaŋ dɩsɛ.”

Luuk 3:9

Na, ba kɛŋ saaŋ jee nɛ a ŋaa siri dɩ ba keri tɩɩsɩŋ lo. Tɩa-la kala sɩ bɩ nɛŋ-zɔŋŋɔɔ ka nɛŋ, ba jaŋ keru lo a joŋo hɛ nyiniŋ lɛ.”

Luuk 7:23

Nɩalɩŋ sɩ bɩ kaa lɛrɛ arɩ mɩ nɛ ŋaa Nɩɩ-la Wɩa sɩ tɩma, ba tʋɔŋ jaŋ tɔrɛ.”

Jɔɔŋ 8:55

Ma bɩ ʋ jɩŋ, ama mɩ-na jɩmʋ nɛ. Dɩ mɩ nɛ jaŋ bʋl arɩ mɩ bɩ ʋ jɩŋ, mɩ jaŋ ŋaa wʋnyɩɛrʋ, arɩ ma sɩ ŋaa wʋnyɩɛra ŋɩɩ. Mɩ saa jɩmʋ nɛ a tuto ʋ niiŋ.

Hiburu TƖŊŊAA 12:25

Má jegile nɩɩ wɩalɩŋ Yesu sɩɩ bʋl. Má sɩ́ ba vɩa arɩ Iziral tɩŋŋaa sɩ vɩa wɩalɩŋ Mosis fa sɩ bʋla pɩba, Wɩa dɔgɩsɛba ŋɩɩ. Ŋɩɩ wɩaa, dɩ la nɛ vɩa wɩalɩŋ Yesu Kirisito sɩ bʋla, Wɩa jaŋ dɔgɩsɛla a kɩɩ ŋɩɩ ʋ sɩ dɔgɩsɛ Iziral tɩŋŋaa.

Jɔɔŋ Wʋnaalaa 19:8

Ba joŋ gɛrɩpɛ tʋlʋŋ sɩ chaasa zɔŋ nɛ a pɩ haal-la dɩ ʋ laalɛ. Gɛrɩpɛ tʋlɩɩ-la nɛ ŋaa Wɩa nɩaa tʋɔpʋl wʋŋaalaa.”

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 6:17

Tapʋlɩɩ-la Wɩa arɩ Pie-bie-la sɩ jaŋ na baanɩŋ dʋnɩa nɩaa nyuŋ yie nɛ. Kʋbɛɛ nɛ saa jaŋ wuo chɩŋ ba sɩpaaŋ?”

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.

1 SAMƲƐL 6:20

Ŋɩɩ nɛ Bɛf Sɛmɛs tɩŋŋaa pɩɛsɛ dɔŋɔ, “Kʋbɛɛ nɛ jaŋ wuo chɩŋ La TƖƖNA Wɩa deeŋ sɩ bɩ disiniŋ kɛnɛ sɩpaaŋ? Kʋbɛɛba teeŋ nɛ Wɩa niiriŋ daga deeŋ jaŋ mʋ lɛɛlɛ?”