MALAKAƖ 3:1 - WƖA TENIŊ

¹ La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

MALAKAƖ 3:1 ပူးပေါင်းရင်းမြစ်များ

WƖA YƖƖLAA 110:1

La Tɩɩna bʋla pɩ mɩ Tɩɩna, “Hɔŋ mɩ nadiiŋ, nɩduoŋ dɩhɔnʋŋ, see dɩ mɩ yuo dii ŋ dʋndɔŋŋɔɔ kala dɛrɛ.”

MOSIS KƐŊ IZIRAL TƖŊŊAA LƖƖ 23:20

Má bee na, mɩ jaŋ tɩŋ mɩ tɩndaara dɩ ʋ laa ma sɩpaaŋ a pɔma a kɛmma kaa mʋ lee-la mɩ sɩ wasa bil ma lɛ.

MOSIS KƐŊ IZIRAL TƖŊŊAA LƖƖ 23:21

Má sɛɩ a tuto wɩɩ-la kala ʋ sɩ jaŋ bʋla pɩma. Má pɔ dɩ ma sɩ́ ʋ niiŋ wɩaa vɩa. Dɩ nʋʋkala nɛ vɩa ʋ niiŋ, ʋ bɩ jaŋ joŋo chɛ tɩɩna, bɛɛ wɩaa mɩ yɩrɩŋ nɛ ʋ kaa tɩŋ.

AZAAYA 40:10

La TƖƖNA Wɩɩjarɩbakɔ nɩɩ kɔ arɩ ʋ doluŋ, dɩ ʋ beŋ ʋ nɩaa. Ʋ pɛ kori ʋ time kaa kɔ nɛ: Nɩalɩŋ ʋ sɩ laa ta. Ʋ dɩ nɩalɩŋ ʋ sɩ laa ta nɩɩ kɔ.

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

AZAAYA 7:14

Ŋɩɩ wɩaa, La TƖƖNA tɩtɩa jaŋ leŋ dɩ ma na magɩlɩŋ. Hatolo ha sɩ bɩ baal jɩŋ jaŋ kɛŋ luoruŋ a lʋl hambolibie, a hɛ ʋ yɩrɩŋ Ɩmanʋɛl.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

HAGAƖ 1:13

Ŋɩɩ nɛ Hagaɩ, nɩɩ-la La TƖƖNA sɩ tɩma, joŋ tɩndaarɩ-la La TƖƖNA sɩ bʋla pʋ a to pɩ nɩalɩŋ. La TƖƖNA sɩ, “Mɩ hɛ ma teeŋ nɛ.”

MALAKAƖ 2:4

Mɩ-na ma TƖƖNA doluŋ kala Tɩɩna nɛ bʋl wɩaa deemba pɩpɩma, dɩ nii-la sɩ hɛ mɩ dɩ ma naabalɩma Levi pɛgɛ ha wuo chɩŋ.

MALAKAƖ 2:7

Ma Wɩɩsʋllɩ sɩpaalaaraa nɛ maga dɩ ma dagɛ nɩaa dɩ ba jɩŋ mɩ wɩaa. Nɩaa maga dɩ ba kɔ ma teeŋ nɛ a gʋnnɛ wɩalɩŋ mɩ sɩɩ chɛ dɩ ba jɩŋ, bɛɛ wɩaa ma nɛ ŋaa mɩ-na ma TƖƖNA doluŋ kala Tɩɩna tɩndaaraa.

MALAKAƖ 4:5

Ama ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na yi, mɩ jaŋ tɩŋ mɩ wʋlaabʋlla Ɩlaaja dɩ ʋ kɔ ma teeŋ.

Matiu 11:14

Dɩ ma nɛ jaŋ sɛɩ wɩalɩŋ ba sɩ bʋla, Jɔɔŋ nɛ ŋaa Ɩlaaja, nɩɩ-la wɩaa ba fa sɩ bʋla arɩ ʋ jaŋ kɔ.

Luuk 1:76

Zɛkarɩya sɩ bʋl wɩaa deemba dɛrɛ, ʋ bʋl wɩaa a tɩgɛ ʋ bie ma lɛ, “Ŋ-na mɩ bii, ŋ jaŋ ŋaa Wɩɩ-balɩŋ wʋlaabʋllʋ. Ŋ jaŋ laa La Tɩɩna-la sɩ jaŋ kɔ sɩpaaŋ a wasɛ wombiiŋ bil ʋ lɛ.

Luuk 19:47

Tapʋlɩɩ-na kala Yesu yie dɩdagɛ nɩaa Wɩa dɩɩ-bal-la tʋɔŋ. Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba arɩ Juu tɩŋŋaa sɩpaalaaraa chɩchɛ dɩ ba kpʋʋ.

Luuk 2:11

Tɩtaŋɩŋ deeŋ ba lʋl ma Laataara nɛ Devit jaŋ lɛ. Baa yɩrʋ La Tɩɩna Kirisito, Nɩɩ-la Wɩa sɩ lɩɩsa.

Luuk 2:38

Simioŋ fa sɩ bʋl wɩaa pɩpɩ Mɛɛrɩ ŋɩɩ, dɩ Ana ma kʋ jʋʋ. Ʋ na bile a dɛnnɛ Wɩa aŋ bʋl wɩaa a tɩgɛ bile lɛ a pɩ nɩalɩŋ kala fa sɩ gbɛrɛ dɩ Wɩa laa Jerusalɛm nɩaa ta.

Luuk 2:46

Ʋ tapʋlaa batori chɛɛŋ nɛ ba naʋ Wɩa-dɩɩ-balɩŋ lɛ, dɩ ʋ dɩ Wɩa teniŋ kerichiba hɔnɔ. Ʋʋ jegili wɩalɩŋ ba sɩɩ bʋl aŋ pɛ pɩpɩɛsɛba wɩaa ma.

Tɩntɩŋŋaa 19:4

Ŋɩɩ nɛ Pɔɔl bɩra bʋl, “Nɩalɩŋ sɩ bɩrɩma lɩɩ ba wʋbɔŋŋɔɔ lɛ nɛ, Jɔɔŋ fufo Wɩɩchʋɔlɛ lɩɩŋ. Ʋ fa bʋla pɩba arɩ nʋʋ jaŋ kɔ ʋ harɩŋ, ʋ yɩrɩŋ nɛ Yesu, dɩ ʋ nɛ kɔ ba laa ʋ wɩaa dii.”

Tɩntɩŋŋaa 7:38

Ŋɩɩ nɛ Sɩtɩɩvɩŋ bɩra suomo bʋbʋl, “Mosis arɩ la naabalɩmaba nɛ fa hilimi tintee-hɩlɩŋ tʋɔŋ. Nɩmɛ nɛ Wɩa tɩndaara fa bʋl wɩaa pʋ peel kʋbala nyuŋ baa yɩrɛ Sɩnaɩ lɛ. Ʋ joŋ Wɩa niiŋ wɩalɩŋ sɩ kɛŋ mɩɩsɩŋ pʋ dɩ ʋ laa bʋla pɩla.