MALAKAƖ 2:8 - WƖA TENIŊ

⁸ Ama lɛɛlɛ, ma vɩa wɩalɩŋ ta nɛ, ma wʋdagaa mɩɩra leŋ nɩ-daŋ nɛ ŋaa wʋbɔŋ wɩaa. Ma chei nii-la sɩ hɛ mɩ dɩ ma naabalɩma Levi pɛgɛ nɛ. Mɩ-na ma TƖƖNA doluŋ kala Tɩɩna nɛ bʋla.

MALAKAƖ 2:8 ပူးပေါင်းရင်းမြစ်များ

2 KUOROO 16:11

Ŋɩɩ nɛ Yuria laa koru-la nagɩsɩŋ beŋ aŋ saa ʋ dɔŋɔ. Ʋ nagɛ kʋ-la tɩtɩa sɩ hɛ Damasɩkʋs lɛ. Ka kuoro Ahas-na lɩɩ Damasɩkʋs kɔ.

NƐHƖMAAYA 13:29

Mɩ Wɩa, liisi ŋɩɩ ba sɩ ŋaa wɩaa a chei wombii-la ba sɩ maga dɩ ba to a ŋaa Wɩɩsʋlʋŋ pɩpɩŋ arɩ nii-la sɩ mʋ tɩgɛ ŋ Wɩɩsʋllɩ sɩpaalaaraa arɩ Levi doho nɩaa lɛ.

WƖA YƖƖLAA 119:102

Mɩ bɩ wombie-la ŋ sɩ bile dɩ la tuto lɛ lɩa, bɛɛ wɩaa ŋ tɩtɩa nɛ dagɛmɛ.

WƖA YƖƖLAA 18:21

Mɩɩ to La TƖƖNA wombiee nɛ, mɩ ha bɩ Wɩa harɩŋ lɩa a ŋaa wʋbɔŋ.

NAMAGABA 12:8

Dɩ nʋʋ nɛ kɛŋ wʋjɩmɩŋ, nɩaa jaŋ bɛsɛ ʋ lɛ. Ama dɩ nʋʋ nɛ yaara, nɩaa sɩaa bɩ ʋ ka su.

AZAAYA 30:11

Lɩɩ la wombiiŋ lɛ, sɩ́ la wombiiŋ kɛrʋ. Sɩ́ Iziral tɩŋŋaa Wɩa sɩ bɩ disiniŋ kɛnɛ wɩaa kaa kɛnla pugi.”

AZAAYA 59:13

La TƖƖNA, la vɩa ŋ niiŋ wɩaa nɛ a joŋ harɩŋ yɩa la Wɩa. La dɔgɩsɛ nɩaa nɛ woruŋ aŋ joŋ harɩŋ yɩaŋ. La tʋɔbɩɩnaa kala ŋaa kʋbɔmɔ nɛ, la nyɩnyɩɛ wɩaa.

AZAAYA 9:16

Nɩaa deemba nɛ laa ba sɩpaaŋ a kɛmba yeŋŋi, ba nɛ dagɛ nɩalɩŋ ba lɛl.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 17:5

Wɩɩ-la La TƖƖNA sɩ bʋla nɛ ŋ-la: “Ŋmɩaŋ jaŋ dii nɩɩ-la sɩ joŋ ʋ yɩɛlaa hɛ nuhuobiine lɛ, nɩɩ-la sɩ yelli nuhuobiine a joŋu ʋ nɛ ŋaa ʋ doluŋ, arɩ nɩalɩŋ sɩ mɩɩrɛ mɩ-na ma TƖƖNA harɩŋ.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

ƐZƖKƖƐL 22:26

Wɩɩsʋllɩ sɩpaalaaraa sɩ hɛ Iziral lɛ chei mɩ wombii-la mɩ sɩ bile dɩ ba tuto nɛ. Ba bɩ mɩ kɩalɩŋ sɩ bɩ disiniŋ kɛnɛ ka zil. Ba bɩ nɩaa daga dɩ ba jɩŋ kɩalɩŋ sɩ bɩ disiniŋ kɛnɛ arɩ kɩalɩŋ sɩ kɛŋ disiniŋ mɩ teeŋ pɛgɛ. Ba dagɛ nɩaa arɩ dabaŋ kala tuo kɩalɩŋ sɩ kɛŋ disiniŋ arɩ kɩalɩŋ sɩ bɩ disiniŋ kɛnɛ pɛgɛ, aŋ bɩra bɩ mɩ chɛ-wiesii-la ma ka to. Ŋɩɩ leŋ ba chei mɩ yɩrɩŋ ba tʋɔŋ.

ƐZƖKƖƐL 44:10

Mɩ jaŋ dɔgɩsɛ Levi doho nɩalɩŋ arɩ Iziral tɩmma-la sɩ vɩamɛ aŋ mʋ kpʋkpaarɛ vʋɩyaa.

ƐZƖKƖƐL 44:12

Ama a tɩŋ ba sɩ laa Iziral tɩŋŋaa sɩpaaŋ a kpaarɛ ba vʋɩyaa pɩpɩba, a leŋ Iziral tɩŋŋaa ŋaa wʋbɔŋŋɔɔ, mɩ-na ma TƖƖNA Wɩɩjarɩbakɔ ŋmɩɛsa nɛ arɩ mɩ jaŋ dɔgɩsɛba.

ƐZƖKƖƐL 44:7

Ma kɛŋ nɩwogusuŋ sɩ bɩ mɩ ka to nɛ, a bɩ ba penee ma kere kʋ jʋʋ mɩ dɩɩ-bal-la a joŋ disiniŋ hɛ ʋ lɛ, bʋa-la lɛ ma sɩ yie joŋ pʋsʋŋ nʋʋŋ arɩ chalɩŋ sɩ ŋaa mɩ kʋdiilee a ŋaa Wɩɩsʋlʋŋ pɩmɛ. Ma chei nii-la sɩ hɛ mɩ dɩ ma pɛgɛ nɛ, a tɩŋ wʋkɩsɩa-la kala ma sɩ ŋaa wɩaa.

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

LEVI DOHO NƖAA 21:15

dɩ ŋɩɩ leŋ dɩ ʋ biiriŋ sɩ́ disiniŋ kɛŋ ʋ doho nɩaa tʋɔŋ. Mɩ-na ma TƖƖNA nɛ lɩɩsʋ dɩ ʋ ŋaa Wɩɩsʋllɩ sɩpaalaarɩ-hɩaŋ.”

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

MALAKAƖ 2:5

Nii-la mɩ sɩ hɛ mɩ dɩ Levi doho nɩaa pɛgɛ, mɩ bʋla pɩba arɩ ba jaŋ kɛŋ mɩɩsɩŋ arɩ fɩɛlɩŋ nɛ, a sɛnɛ ŋaa ŋɩɩ pɩba. Ba ma sɛɩ a to wɩalɩŋ a zizilmi.

NAMBABA 25:12

Ŋɩɩ wɩaa, bʋla pʋ arɩ mɩ hɛ niiŋ nɛ a pʋ, nii-la jaŋ chɩŋ a kaa mʋ wuu.

NAMBABA 25:13

Ʋ dɩ ʋ doho nɩaa nɛ jaŋ ŋaa nɩalɩŋ sɩ jaŋ kpʋ pʋsʋŋ pɩpɩmɛ a kaa mʋ wuu, a tɩŋ ʋ sɩ bɩ sɛyɛ dɩ Iziral tɩŋŋaa dɛnnɛ vene kala a pɛ mɩ lɛ, a laaba ta ba wʋbɔŋŋɔɔ lɛ.”

Rom Tɩŋŋaa 14:21

Wɩɩ-la sɩ zɔmɔ nɛ ŋ-la: Ʋ bɩ maga dɩ maa chaŋ nammɩa, koo dɩ ma nyʋa sɩnɩŋ, koo dɩ maa ŋaa wɩɩ-na kala sɩ jaŋ leŋ dɩ ma naambie yeŋŋi ʋ wombiiŋ.

Hiburu TƖŊŊAA 3:12

Mɩ naambiiri, má pɔ ma tɩtɩa lɛ dɩ ma tʋɔŋ nʋʋ sɩ́ wʋbɔŋ bɩɩnʋ koo a kɛŋ tʋɔbɩɩna-la sɩ jaŋ leŋ dɩ ʋ sɩ́ Wɩa laa dii, dɩ ŋɩɩ leŋ dɩ ʋ joŋ harɩŋ yɩa Wɩa sɩ weye.

1 SAMƲƐL 2:17

Wɩɩŋ deeŋ Eli hambolibiisi-la sɩɩ ŋaa chaasa ŋaa wʋbɔŋ-bal nɛ La TƖƖNA teeŋ, bɛɛ wɩaa ba kɛŋ Wɩɩsʋlʋŋ kɩalɩŋ ba sɩ kaa kʋ pɩ La TƖƖNA aa ŋmoo gbɛɛŋ nɛ.

1 SAMƲƐL 2:24

Mɩ biiri, má sɩ́ ŋɩɩ ŋaa, wɩɩŋ deeŋ La TƖƖNA nɩaa sɩ gɔllɔ bʋlaa bal ŋaa wʋbɔŋ nɛ.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.