MALAKAƖ 2:2 - WƖA TENIŊ

² Dɩ ma nɛ bɩ jegile nɩɩ, a bɩ ma tʋɔŋ kɛnɛ dɩ ma zilmi, mɩ jaŋ joŋ ŋmɩaŋ hɛ ma lɛ a kɛŋ wʋzɔmɔ-la mɩ fa sɩ ŋaa pɩma kaa bɩrɩmɛ ŋmɩaŋ, dɩ ʋ dii ma kala. Wʋtɩtɩɩ, mɩ paala daŋa ŋmɩɛsa hɛ ma lɛ nɛ, bɛɛ wɩaa ma bɩ ma tʋɔŋ kɛnɛ dɩ ma zilmi.

MALAKAƖ 2:2 ပူးပေါင်းရင်းမြစ်များ

WƖA YƖƖLAA 69:22

Leŋ dɩ ba gbiele kʋdiile-la sɩ chɩŋ ba sɩpaaŋ bɩrɩmɛ bɛrɛ a cheiba. Leŋ dɩ kɩalɩŋ ŋaa ba tel.

NAMAGABA 3:33

La Tɩɩna ŋmɩaŋ ka dii nɩbɔŋŋɔɔ dɩɩsɩŋ nɩaa nɛ, ama ʋ yie pɛ tʋɔpʋl tɩŋŋaa dɩɩsɩŋ nɩaa-na lɛ nɛ.

AZAAYA 42:25

Ŋɩɩ nɛ ʋ na baanɩŋ woruŋ ba nyuŋ, laalɩŋ jʋʋba. Ʋ baaŋ-la nagɛ nyiniŋ nɛ a joŋ Iziral tɩŋŋaa kala dii, ka ba ha bɩ wɩɩ-la bʋbʋɔŋ jɩŋ. Nyiŋ-la diiba ŋɩɩ ma nɛ, ka ba ha vɩa dɩ ba joŋ wɩɩ-la a hɛ ba nyuŋ lɛ.

AZAAYA 47:7

Ŋ fa bɩɩna arɩ ŋ jaŋ ŋaa kuoru deeŋ deeŋ nɛ, aŋ vɩa dɩ ŋ kɛŋ wɩalɩŋ chɔgɩsɛ a na ŋɩɩ ba dɩ-dɛrɩŋ sɩ jaŋ nagɛ.

AZAAYA 57:11

Kʋbɛɛ nɛ ma fɩfá, a bɩ wʋtɩtɩɩ kɛnɛ mɩ teeŋ, a bɩ mɩ wɩaa ka liisi? Mɩ sɩ tɔrɛ mɩ niiŋ a dieni kɩŋkɛŋ wɩaa nɛ tɩɩ ma bɩ mɩ ka fá koo?

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

ƐZƖKƖƐL 3:7

Ama Iziral tɩŋŋaa bɩ jaŋ jegile nɩɩ ŋ teeŋ, bɛɛ wɩaa ba bɩ chɛ dɩ ba jegile nɩɩ mɩ teeŋ. Iziral tɩŋŋaa kala ŋaa nyu-duo tɩmma arɩ tʋɔ-dol tɩmma nɛ.

HAGAƖ 1:6

Ma duu kɩaa a yʋgɛ nɛ, ama kɩalɩŋ ma sɩ kʋma bɩ wɩɩ maga. Ma yie dii kɩaa, ama ma bɩ vɔgɛ. Ma yie nyʋa kɩaa, ama ma bɩ vɔgɛ. Ma yie laalɛ gɛnnɩŋ, ama ba bɩ ma waarɩŋ ka tɔ. Ma yie laa time, ʋ dɛrɛ a nagɛ ma joŋo hɛ gɛrɩ-fehe sɩ luro lɛ nɛ.”

HAGAƖ 1:9

Ma faa yɩɛlɛ dɩ ma na ma baga kɩaa a yʋgɛ nɛ, aŋ mɩɩra na mʋa. Mʋa-la ma ma sɩ kaa kɔ dɩa, mɩ ŋmooba ta nɛ. Bɛɛ nɛ tɩɩ? Mɩ-na ma TƖƖNA doluŋ kala Tɩɩna nɛ pɩɛsa. Mɩ dɩɩ-bal-la sɩ pɩŋ jikpeeŋ, ka nʋʋkala fɩɛsɛ sɩɩŋ ʋ tɩtɩa dɩa wɩaa nɛ tɩɩ.

MALAKAƖ 2:1

“Mɩ-na, ma TƖƖNA doluŋ kala Tɩɩna kɛŋ wɩɩ nɛ dɩ mɩ bʋla pɩ ma Wɩɩsʋllɩ sɩpaalaaraa.

MALAKAƖ 3:9

Ŋmɩaŋ ka dii ma Iziral tɩŋŋaa kala nɛ, bɛɛ wɩaa maa gaa mɩ nɛ.

Luuk 17:18

Bɛɛ nɛ tɩɩ nʋhʋɔra deeŋ dʋndʋŋa nɛ mɩɩra kɔ dɩ ʋ lɔllɛ Wɩa?”

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”

1 Pɩɩta 4:11

Dɩ Wɩa nɛ pɩ nʋʋkala doluŋ dɩ ʋ wuo bʋbʋl Wɩa wɩaa, ʋ maga dɩ ʋ bʋl wɩalɩŋ Wɩa doluŋ lɛ nɛ. Dɩ nʋʋ nɛ tɩma pɩpɩ nɩaa, ʋ kɛŋ dol-la Wɩa sɩ joŋo pʋ a tɩma pɩpɩba. Má ŋaa ŋɩɩ dɩ nɩaa wuo to Yesu Kirisito lɛ a dɛnnɛ Wɩa, dɩ ʋ yɩrɩŋ yɩrɛ wɩɩ-na kala lɛ. Ʋ nɛ Nɩɩ-la sɩ kɛŋ doluŋ arɩ yɩrɩŋ a kaa mʋ wuu. Amɩɩ.

Jɔɔŋ Wʋnaalaa 14:7

Ŋɩɩ nɛ Wɩa tɩndaarʋ-la bʋl arɩ yikori-balɩŋ, “Má fá Wɩa a dɛnnɛ ʋ yɩrɩ-balɩŋ, bɛɛ wɩaa bʋa-la ʋ sɩ jaŋ dii dʋnɩa nɩaa sarɩya yie nɛ. Má dɛnnʋ, ʋ nɛ ta wɩa-nyuŋ arɩ tinteeŋ arɩ mʋgʋ-balɩŋ arɩ lɩɩ-bulluŋ kala.”

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.