MALAKAƖ 1:3 - WƖA TENIŊ

³ aŋ bɛrɛ Ɛsɔ wɩaa a leŋ ʋ tinteeŋ sɩ kɛŋ peelee pɩŋ jikpeeŋ a bɩrɩmɛ jolluŋ dɩ-gɔllʋŋ.

MALAKAƖ 1:3 ပူးပေါင်းရင်းမြစ်များ

WƖAA DƖ-SUOMUŊ 25:23

La TƖƖNA bʋla pʋ, “Biiriŋ balɩa nɛ hɛ ŋ tʋɔŋ, ba jaŋ sii ŋaa tinteyee balɩa, ba bɩ jaŋ suguli dɔŋɔ lɛ, kʋbie nɛ jaŋ dolie kɩɩ kʋhɩaŋ. Kʋhɩaŋ jaŋ tɩma pɩ kʋbie.”

AZAAYA 35:7

Tintee-la fa sɩɩ dii nyiniŋ jaŋ bɩrɩmɛ fuoŋ, dɩ tintee-hɩlɩŋ kala su arɩ lɩɩ-bul-sɩaa. Lee-la jolluŋ fa sɩɩ pɩŋ, kaŋgɩl-yaŋ jaŋ tɔ ʋ kala.

JƐRƖMAAYA 49:10

Ama mɩ-na jaŋ gbegisi Ɛsɔ, ka dɩ ʋ kɛŋ yarɩ-biree. Mɩ jaŋ suri lee-la ʋ sɩɩ faa, dɩ ʋ bɩra sɩ́ ʋ tɩtɩa wuo kaa faa. Ʋ biiriŋ, ʋ naambiiriŋ arɩ nɩalɩŋ sɩ jʋʋ kpɩkpagʋ kala jaŋ sʋʋ, dɩ ʋ doho kala dɛrɛ.

JƐRƖMAAYA 49:20

Ŋɩɩ wɩaa, má jegile nɩɩ wɩɩ-la La TƖƖNA sɩ bɩɩna tɩgɛ Ɛdɔm lɛ arɩ wɩɩ-la ʋ sɩ bɩɩna dɩ ʋ ŋaa nɩalɩŋ sɩ hɛ Tɛmaŋ lɛ: Ba jaŋ kɛsɛ ba biiriŋ a lɛrɛ viiri. Ʋ jaŋ chei ba pʋsʋŋ dɩ-diiliŋ gbelem gbelem a tɩŋ ba wɩaa.

JƐRƖMAAYA 49:33

Hazɔ jaŋ bɩrɩmɛ jolluŋ dɩjʋʋlʋŋ. Ʋ jaŋ pɩŋ hoi a kaa mʋ wuu. Nʋʋkala bɩ jaŋ hɛ nɩmɛ, nʋʋkala bɩ jaŋ jʋjʋʋ nɩmɛ.”

JƐRƖMAAYA 49:7

Wɩɩ-la La TƖƖNA doluŋ kala Tɩɩna sɩ bʋla a tɩgɛ Ɛdɔm lɛ nɛ ŋ-la: “Wʋjɩnnʋ kala bɩra tuo Tɛmaŋ lɛɛ? Wʋjɩnnʋ bɩra tuo a bʋl wɩaa chɩchagɩlɛ nɩaa? Ba wʋjɩmɩŋ dɛrɛ nɛɛ?

JƐRƖMAAYA 49:8

Má mɩɩrɛ a faasa fá, a mʋ faa bʋ-bʋɔsʋŋ sɩ luŋie lɛ, ma nɩalɩŋ sɩ hɛ Dɛdaŋ lɛ, bɛɛ wɩaa, mɩ jaŋ kɛŋ wʋlɔrʋŋ kʋ hɛ Ɛsɔ lɛ bʋa-la lɛ mɩ sɩ jaŋ dɔgɩsʋ.

JƐRƖMAAYA 51:37

Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

JEMBIEE 4:22

Zaayɔŋ nɩaa, Wɩa dɔgɩsɛma dɛrɛ nɛ. Wɩa bɩra bɩ jaŋ leŋ dɩ ma hɛ yoŋ-baga lɛ a dieni. Ama ma nɩalɩŋ sɩ hɛ Ɛdɔm lɛ, ʋ jaŋ dɔgɩsɛma a tɩŋ ma wʋbɔŋŋɔɔ wɩaa, a leŋ dɩ nʋʋkala na ma bɔnsʋŋ.

ƐZƖKƖƐL 36:7

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ chaasa ŋmɩɛsɛ nɛ arɩ mɩ jaŋ dɔgɩsɛ tinteye-la sɩ gollima a leŋ dɩ ba dii hɩɩsɩŋ.

ƐZƖKƖƐL 36:9

Mɩ chɩl ma wɩaa nɛ, mɩ jaŋ dagɛ mɩ chonuŋ a pɩma, ma jaŋ bɩra pɛrɛ ma tinteeŋ lɛ a duu kɩaa nɩmɛ.

JOWƐL 3:19

Ama Ijipiti jaŋ pɩŋ hoi, dɩ Ɛdɔm ma nagɛ tintee-hɩlɩŋ sɩ bɩ kʋŋkala kɛnɛ, a tɩŋ dol-la ba sɩ die Juda nɩaa lɛ, a kpʋ nɩaa sɩ bɩ wɩɩ cheye tintee-la lɛ.

OBADAAYA 1:10

A tɩŋ ŋ sɩ kɛŋ ŋ naambie Jekɔb yuo yuosuŋ wɩaa, hɩɩsɩŋ jaŋ diiŋ. Ba jaŋ cheyiŋ ta a kaa mʋ wuu.

Luuk 14:26

“Dɩ nʋʋkala nɛ kɔ mɩ teeŋ, ʋ bɩ jaŋ wuo ŋaa mɩ harɩ-tooru, see ʋ bɛrɛ ʋ nyɩmma arɩ ʋ naaŋ arɩ ʋ haala arɩ ʋ biiriŋ arɩ ʋ naambiiriŋ arɩ ʋ tɩtɩa wʋŋaalaa kala.