Maak 9:44 - WƖA TENIŊ

⁴⁴ Lee-la nanchʋɔlaa jaŋ dii ŋ yaraa deeŋ deeŋ ba bɩ jaŋ sʋʋ, ka nyiŋ-la ma bɩ jaŋ dɩsɛ.]

Maak 9:44 ပူးပေါင်းရင်းမြစ်များ

AZAAYA 33:14

Wʋbɔŋ ŋaara-la sɩ hɛ Zaayɔŋ lɛ, fawʋllʋŋ jʋʋba nɛ. Nɩalɩŋ sɩ bɩ Wɩa ka to ka chel nɛ aŋ pɩpɩɛsɛ, “La kʋbɛɛ nɛ jaŋ wuo hɛ nyiniŋ sɩɩ dii tʋɔŋ? La kʋbɛɛ nɛ jaŋ wuo hɛ nyiŋ-la sɩɩ dii a bɩ dɩsɛ tʋɔŋ aŋ kɛŋ mɩɩsɩŋ?”

AZAAYA 66:24

Dɩ ba nɛ lɩɩ dɩ-jalɩŋ, ba jaŋ na nɩalɩŋ kala sɩ vɩa mɩ niiŋ dɩ ba sʋʋ pɩŋ pɩŋ. Nanchʋɔla-la sɩɩ diiba bɩ jaŋ sʋʋ. Nyiŋ-la ma sɩ diiba bɩ jaŋ kɔ dɩ ʋ dɩsa. Ba kʋsʋʋnʋŋ jaŋ lɔrɛ a pɩ nuhuobiinee kala.”

Matiu 25:41

Ŋɩɩ nɛ mɩ jaŋ bʋla pɩ nɩalɩŋ sɩ hɛ mɩ nagʋa a bʋl, ‘Má sʋrɩsɛ mɩ sɛmɛ, Wɩa ŋmɩaŋ diima nɛ. Má mʋ a jʋʋ nyiŋ-la sɩ bɩ dɩsɛ. Wɩa hɛ nyiŋ-la bil Sɩtaanɩ arɩ ʋ tɩndaaraa lɛ nɛ dɩ ba kʋ jʋʋ,

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Matiu 3:12

Ʋ jaŋ kori ʋ mɩɩ-chaarɩ gbaŋa, dɩ ʋ ŋmoo ʋ mɩaa kala dɛrɛ, ʋ jaŋ kɛŋ gbaŋa-la a kaa chaarɛ a lɩɩsɛ mɩɩ-biiŋ a hɛ ʋ vire lɛ aŋ joŋ jɔrʋŋ a hɛ nyiniŋ lɛ. Nyiŋ-la bɩ jaŋ dɩsɛ.”

Maak 9:43

Dɩ ŋ nɩsɩŋ nɩɩ chɛ dɩ ʋ kɛnɩŋ hɛ wʋbɔmʋŋ lɛ, kere ta. Ŋ sɩ jaŋ jʋʋ Wɩa kuorii-la tʋɔŋ arɩ nakuuŋ, ʋ nɛ kpɩa ŋ sɩ kɛŋ napilimee aŋ jʋʋ Wɩa nyiniŋ. Lee-la nyiŋ-la bɩ jaŋ dɩsɛ. [

Maak 9:45

Dɩ ŋ naaŋ nɩɩ chɛ ʋ kɛnɩŋ hɛ wʋbɔmʋŋ lɛ, kere ta. Ŋ sɩ jaŋ jʋʋ Wɩa kuorii-la tʋɔŋ arɩ naakuuŋ, ʋ nɛ kpɩa ba sɩ jaŋ joŋuŋ yuo hɛ Wɩa nyiniŋ lɛ arɩ naapilimee. [

Maak 9:48

Lee-la nanchʋɔlaa jaŋ dii ŋ yaraa deeŋ deeŋ ba bɩ jaŋ sʋʋ, ka nyiŋ-la ma bɩ jaŋ dɩsɛ.

2 Tɛsalonaaka Nɩaa 1:9

Wɩa jaŋ cheiba a kaa mʋ wuu. Ba bɩ jaŋ wuo mʋ La Tɩɩna Yesu teeŋ. Ba bɩra bɩ jaŋ wuo na ʋ tʋla arɩ ʋ doluŋ.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”