Maak 9:25 - WƖA TENIŊ

²⁵ Yesu sɩ na dɩ nɩ-daŋ fa kʋ hihilimiba, ʋ kpɩa jɩŋ-bɔŋ-la lɛ, “Jɩŋ-taŋɩɩ, mɩ nɛ bʋla, kʋ lɩɩ bile lɛ. Pʋpɔ dɩ ŋ maachie bɩra sɩ́ ʋ jʋʋ.”

Maak 9:25 ပူးပေါင်းရင်းမြစ်များ

ZƐKARƖYA 3:2

La TƖƖNA tɩndaarʋ-la bʋla pɩ Sɩtaanɩ, “La TƖƖNA jaŋ kpɩa ŋ lɛ Sɩtaanɩ. La TƖƖNA sɩ lɩɩsɛ Jerusalɛm jaŋ kpɩa ŋ lɛ. Baala deeŋ nagɛ daaŋ fa sɩ hɛ nyiniŋ lɛ ba kaa lɩɩsɛ nɛ.”

Matiu 12:22

Ŋɩɩ nɛ nɩaa dɔnsʋŋ kɛŋ baal kʋbala kaa kɔ Yesu teeŋ. Jɩŋ-bɔŋŋɔɔ nɛ fa kɛŋ baal-la. Ʋ fa nyʋlɩma nɛ aŋ pɛ taŋ. Yesu vaarɛ baal-la. Ŋɩɩ nɛ ʋ wuo wɩaa bʋbʋl a nɩna ma.

Matiu 17:18

Ŋɩɩ nɛ Yesu bʋl jɩŋ-bɔŋ-la lɛ dɩ ʋ lɩɩ bile lɛ, ʋ lɩɩ. Bile guu duori.

Maak 9:15

Nɩalɩŋ sɩ na Yesu dɩ ʋʋ kɔ, ba guu hirigi a sii fá a mʋ chemu a chʋɔlʋ.

Maak 9:24

Ŋɩɩ nɛ bile nyɩmma sii chɩŋ a faasa bubunsi, “Mɩ laa Wɩa dii nɛ, ama ʋ bɩ yʋgɛ. Pɛ mɩ lɛ dɩ mɩ laaʋ dii a yʋgɛ.”

Maak 9:26

Jɩŋ-bɔŋ-la chɩɩrɛ aŋ kɛnʋ faasa terigi aŋ lɩɩ ʋ lɛ, ka bile nagɛ dɩ ʋ sʋba. Nɩalɩŋ jesiŋ kala bʋl, “Bile sʋba nɛ.”

Luuk 11:14

Baal kʋbala ma nɛ fa kɔ Yesu teeŋ. Jɩŋ-bɔmʋŋ kɛnʋ a ŋaa ʋ taŋ. Ŋɩɩ nɛ Yesu ŋaa jɩŋ-bɔŋ-la lɩɩ baal-la lɛ, ka baal-la wuo bʋbʋl wɩaa. Nɩ-daŋ-la sɩ hɛ nɩmɛ a na wɩɩ-la, ʋ ŋaaba wʋkpuŋkpere.

Luuk 4:35

Yesu sɩ nɩɩ wɩalɩŋ baal-la sɩ bʋla, ʋ kpɩa jɩŋ-bɔŋ-la lɛ, “Kɛŋ goŋ aŋ kʋ lɩɩ baal-la lɛ.” Jɩŋ-bɔŋ-la ŋaa baal-la tel ba kala sɩpaaŋ aŋ lɩɩ baal-la lɛ, a bɩ ʋ pɩra.

Luuk 4:41

Jɩŋ-bɔŋŋɔɔ ma lɩɩ nɩaa lɛ a yʋgɛ aa chɩɩrɛ, a bʋla pɩ Yesu, “Ŋ nɛ ŋaa Wɩa Bie.” Ŋɩɩ nɛ Yesu kpɩa ba lɛ dɩ ba sɩ́ ʋ wɩaa bʋl, bɛɛ wɩaa ba jɩma arɩ ʋ nɛ ŋaa Kirisito.

Luuk 8:29

Yesu fa bʋla pɩ jɩŋ-bɔŋ-la dɩ ʋ lɩɩ baal-la lɛ, ŋɩɩ nɛ tɩɩ ʋ bʋl ŋɩɩ. Jɩŋ-bɔŋ-la fa vɛnɛ kɛnʋ a yʋgɛ nɛ. Nɩaa kɛnʋ kaa tɔ dɩa a hɛʋ kuruŋ a kɛŋ chɔrʋmɔɔ vɔbʋ aŋ hɛ nɩaa ba bibenu. Ʋ yie kɛŋ chɔrʋmɔ-la kaa kɛrɛ, ka jɩnsɩ-la kɛnʋ kaa lɩɩ jʋʋ gɩrɩŋ.

Luuk 9:42

Bile sɩɩ mʋ ŋɩɩ, jɩŋ-bɔŋ-la ŋmobu lo tinteeŋ ʋ terigi. Ŋɩɩ nɛ Yesu kpɩa jɩŋ-bɔŋ-la lɛ dɩ ʋ lɩɩ bile lɛ. Ʋ lɩɩ, ka bile duori, Yesu joŋu pɩ ʋ nyɩmma.

Tɩntɩŋŋaa 16:18

Ʋ fa vɛnɛɛ ŋaa wɩɩŋ deeŋ a dieni nɛ. Tapʋlɩɩ kʋbala Pɔɔl baanɩŋ sii, ʋ mɩɩra bɩrɩma chaasɛ tolo-la, aŋ bʋla pɩ jɩma-la, “Yesu Kirisito yɩrɩŋ lɛ mɩ sɩ, ŋŋ lɩɩ aŋ leŋ tolo-la.” Jɩma-la guu lɩɩ tolo-la lɛ.

Juud 1:9

Ama bʋa-la lɛ Wɩa tɩndaaraa kʋhɩaŋ ba sɩɩ yɩrɛ Maakɩl, arɩ Sɩtaanɩ fa sɩ kɛŋ Mosis kʋsʋʋŋ wɩaa yuyuo dɔŋɔ, Maakɩl bɩ wɩɩkala bʋla chei Sɩtaanɩ tʋɔŋ, ama ʋ ta bʋl nɛ arɩ La Tɩɩna Wɩa jaŋ dɔgɩsʋ.