Maak 9:23 - WƖA TENIŊ

²³ Ŋɩɩ nɛ Yesu pɩɛsʋ, “Bɛɛ nɛ tɩɩ ŋ sɩ dɩ mɩ nɛ jaŋ wuo? Nɩɩ-la kala sɩ laa Wɩa dii, ʋ jaŋ wuo ŋaa wɩɩ na-kala.”

Maak 9:23 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:20

Taŋ sɩ pʋla chʋchʋɔ-fɩɛla nɩalɩŋ sii mʋ Tɛkʋa tintee-hɩlɩŋ. Ba sɩ lɩa dɩ ba mʋ, Jehosafat sii chɩŋ aŋ bʋl, “Juda arɩ Jerusalɛm tɩmma, má jegili mɩ teeŋ, má laa ma TƖƖNA Wɩa dii, ʋ jaŋ chagɛma kɩɩ. Má laa wɩalɩŋ ʋ wʋlaabʋllaa sɩ bʋla dii dɩ ma wɩaa wasɛ.”

Matiu 14:29

Ŋɩɩ nɛ Yesu bʋl dɩ ʋ kɔ. Ʋ sɩ bʋl ŋɩɩ, Pɩɩta lɩɩ lɩɩŋ daboro-la tʋɔŋ a vɛŋ lɩɩŋ nyuŋ a mʋmʋ Yesu teeŋ.

Matiu 17:20

Ŋɩɩ nɛ Yesu bʋla pɩba, “Ma Wɩa laa diiniŋ bɩ yʋgɛ, ŋɩɩ nɛ tɩɩ. Wʋtɩtɩɩ, mɩ bʋlaa pɩma, dɩ ma Wɩa laa diiniŋ nɛ paala muuri a magɛ kʋ-la ba sɩɩ yɩrɛ masɩtad biiŋ ma, ma fa jaŋ wuo bʋl peeliŋ lɛ dɩ ʋ sii daha a mʋ sɛmɛ dɔŋɔ, ʋ jaŋ sɛnɛ mʋ. Wɩɩkala tuo ma fa bɩ jaŋ wuo ŋaa. [

Maak 11:23

Wʋtɩtɩɩ nɛ mɩ bʋlaa pɩma, dɩ ma nɛ laa Wɩa dii a bɩ tʋɔsaa balɩa kɛnɛ, a bʋla pɩ peeliŋ dɩ ʋ sii mʋ tel mʋga tʋɔŋ, aŋ laa dii arɩ wɩɩ-la ma sɩ bʋla jaŋ ŋaa, ŋɩɩ sɛnɛ jaŋ ŋaa.

Maak 9:22

Bʋa dɔŋɔ ʋ yie joŋu lo nyiniŋ lɛ arɩ lɩɩŋ lɛ a chɩchɛ dɩ ʋ kpʋʋ. Ŋ-na sɩ wuo wɩɩ-na kala ŋɩŋaa, fá la nenige aŋ pɛ la lɛ.”

Maak 9:24

Ŋɩɩ nɛ bile nyɩmma sii chɩŋ a faasa bubunsi, “Mɩ laa Wɩa dii nɛ, ama ʋ bɩ yʋgɛ. Pɛ mɩ lɛ dɩ mɩ laaʋ dii a yʋgɛ.”

Luuk 17:6

Ŋɩɩ nɛ La Tɩɩna Yesu bʋla pɩba, “Dɩ ma laa diiniŋ nɛ fa magɛ kʋŋ biiŋ ba sɩɩ yɩrɛ masɩtad, ma fa jaŋ wuo bʋla pɩ tɩa dɩ ʋ churi ʋ tɩtɩa lɛ a mʋ chɔnsɛ mʋgʋ-balɩŋ tʋɔŋ. Ʋ fa jaŋ to ma niiŋ lɛ a ŋaa ŋɩɩ.”

Jɔɔŋ 11:40

Ŋɩɩ nɛ Yesu bʋla pʋ, “Mɩ bɩ bʋla pɩŋ arɩ ŋ nɛ laa mɩ wɩaa dii, ŋ jaŋ na ŋɩɩ Wɩa sɩ kɛŋ doluŋ?”

Tɩntɩŋŋaa 14:9

Ʋ hɔnɔ jegile nɩɩ Pɔɔl fa sɩɩ bʋl wɩalɩŋ. Pɔɔl benu jim, a na dɩ ʋ laa dii arɩ Yesu jaŋ wuo vaarʋ.

Hiburu TƖŊŊAA 11:6

Dɩ nʋʋ nɛ bɩ Wɩa laa dii, ʋ bɩ jaŋ wuo ŋaa wɩɩkala dɩ Wɩa tʋɔŋ tɔrɛ. Nɩɩ-la kala sɩɩ chɛ dɩ ʋ kɔ Wɩa teeŋ, ʋ maga dɩ ʋ laa sɩpaaŋ laa dii arɩ Wɩa hɛ nɩmɛ nɛ, a bɩra laa dii arɩ nɩɩ-la kala sɩ bee chɩchɛ Wɩa, ʋ tɩɩna jaŋ laa ʋ time Wɩa teeŋ.