Maak 9:20 - WƖA TENIŊ

²⁰ Ŋɩɩ nɛ ba kɛŋ bile kaa kɔ ʋ teeŋ. Jɩŋ-bɔŋ-la sɩ kʋ na Yesu, ʋ kɛŋ bile terigi, ʋ tuu tel tinteeŋ a bibilimi, nantʋɔ-fʋnfʋga kʋ tɔ ʋ niiŋ.

Maak 9:20 ပူးပေါင်းရင်းမြစ်များ

Maak 1:26

Jɩŋ-bɔŋ-la kɛŋ baal-la terigi aŋ faasa chɩɩrɛ kɩŋkɛŋ aŋ lɩɩ ʋ lɛ.

Maak 9:18

Ʋ nɛ sii ʋ lɛ na-kala ʋ yie joŋu lo tinteeŋ nɛ, nantʋɔ-fʋnfʋga tɔ ʋ niiŋ, ʋ chɩchaŋ ʋ nyɩlaa a terigi. Mɩ sʋl ŋ harɩ-tooroo dɩ ba kiri jɩŋ-bɔŋ-la ʋ lɛ, ama ba bɩ wuo kiri.”

Maak 9:19

Ŋɩɩ nɛ Yesu bʋla pɩba, “Ma lɛɛlɛ nɩaa, ma bɩ Wɩa laa dii. Ɛɛ nɛ mɩ jaŋ hɛ ma teeŋ a diene magɛ? Ɛɛ nɛ mɩ jaŋ nyalɩmɛ a diene magɛ? Má kɛŋ bile kaa kɔ mɩ teeŋ.”

Maak 9:21

Ŋɩɩ nɛ Yesu pɩɛsɛ ʋ nyɩmma, “Wɩɩŋ deeŋ sɩ jʋʋ diene magɛ ɛɛ nɛ?” Ʋ bʋl, “Ʋ hambiiriŋ kala lɛ nɛ ʋ suomi.

Maak 9:26

Jɩŋ-bɔŋ-la chɩɩrɛ aŋ kɛnʋ faasa terigi aŋ lɩɩ ʋ lɛ, ka bile nagɛ dɩ ʋ sʋba. Nɩalɩŋ jesiŋ kala bʋl, “Bile sʋba nɛ.”

Luuk 4:35

Yesu sɩ nɩɩ wɩalɩŋ baal-la sɩ bʋla, ʋ kpɩa jɩŋ-bɔŋ-la lɛ, “Kɛŋ goŋ aŋ kʋ lɩɩ baal-la lɛ.” Jɩŋ-bɔŋ-la ŋaa baal-la tel ba kala sɩpaaŋ aŋ lɩɩ baal-la lɛ, a bɩ ʋ pɩra.

Luuk 8:29

Yesu fa bʋla pɩ jɩŋ-bɔŋ-la dɩ ʋ lɩɩ baal-la lɛ, ŋɩɩ nɛ tɩɩ ʋ bʋl ŋɩɩ. Jɩŋ-bɔŋ-la fa vɛnɛ kɛnʋ a yʋgɛ nɛ. Nɩaa kɛnʋ kaa tɔ dɩa a hɛʋ kuruŋ a kɛŋ chɔrʋmɔɔ vɔbʋ aŋ hɛ nɩaa ba bibenu. Ʋ yie kɛŋ chɔrʋmɔ-la kaa kɛrɛ, ka jɩnsɩ-la kɛnʋ kaa lɩɩ jʋʋ gɩrɩŋ.

Luuk 9:39

Jɩŋ-bɔŋ nɛ kɛnʋ, ʋ chɩchɩɩrɛ a terigi. Nantʋɔ-fʋnfʋga yie tɔ ʋ niiŋ. Ʋʋ walɩmʋ a pɔ ʋ bɩ ʋ ka leŋ.

Luuk 9:42

Bile sɩɩ mʋ ŋɩɩ, jɩŋ-bɔŋ-la ŋmobu lo tinteeŋ ʋ terigi. Ŋɩɩ nɛ Yesu kpɩa jɩŋ-bɔŋ-la lɛ dɩ ʋ lɩɩ bile lɛ. Ʋ lɩɩ, ka bile duori, Yesu joŋu pɩ ʋ nyɩmma.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.