Maak 9:2 - WƖA TENIŊ

² Tapʋlaa balɩdʋ sɩ bala, Yesu kɛŋ Pɩɩta arɩ Jeems arɩ Jɔɔŋ, a kaa mʋ jɩl peel-bal kʋbala nyuŋ ba hɛ nɩmɛ ba dʋndʋŋa. Nɩmɛ nɛ Yesu bɩrɩmɛ ba sɩpaaŋ.

Maak 9:2 ပူးပေါင်းရင်းမြစ်များ

1 KUOROO 18:33

Ʋ paa daasɩŋ a daŋ koru-la nyuŋ aŋ kɛŋ nɛ-bele-la keri muno muno a daŋ daasɩ-la nyuŋ. Ŋɩɩ nɛ aŋ bʋla pɩba, “Má ŋaa lɩɩŋ su lonnuŋ banɛsɛ a bɩsa hɛ Wɩɩsʋlʋŋ kɩalɩŋ arɩ daasɩ-la lɛ.” Ba ŋaa ŋɩɩ ʋ sɩ bʋla.

1 KUOROO 18:42

Ŋɩɩ nɛ Ahab mʋ dɩ ʋ dii kɩaa, ka Ɩlaaja jɩl peel-la ba sɩɩ yɩrɛ Kamɛl nyuŋ, a tuu chugili a kɛŋ ʋ nyuŋ hɛ ʋ naadʋsʋŋ pɛgɛ.

MOSIS KƐŊ IZIRAL TƖŊŊAA LƖƖ 24:13

Ŋɩɩ nɛ Mosis arɩ Josua ŋaa siri dɩ ba jɩl Wɩa peel-la nyuŋ. Josua fa ŋaa nɩɩ-la sɩ pɛ ʋ lɛ ba tɩtɩŋ nɛ.

AZAAYA 33:17

Ma sɩɩŋ jaŋ na kuoro sɩ hɔnɔ arɩ ʋ zɔmʋŋ, a na ʋ tinteeŋ sɩ jɛrɛ tɔ leriŋ kala.

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

Matiu 14:13

Yesu sɩ nɩɩ Jɔɔŋ wɩaa, ʋ sii lee-la ʋ fa sɩ hɛ a jʋʋ lɩɩŋ daboro a mʋmʋ nɩaa sɩ tuo lee-la, ʋ dʋndʋŋa. Ama nɩaa nɩɩ Yesu wɩaa a lɩɩ ba jaŋ lɛ a vɛŋ naasɩŋ lɛ a kiri ʋ harɩŋ.

Maak 14:33

Ʋ kɛŋ Pɩɩta arɩ Jeems arɩ Jɔɔŋ a kaa mʋ nɩmɛ. Yesu tʋɔŋ kala chei. Ʋ tʋɔŋ bɩ pɩna.

Maak 16:12

Ŋɩɩ harɩŋ baalaa balɩa sii lɩɩ a joŋ wombiiŋ a mʋmʋ taŋ dɔŋ. Ba sɩɩ mʋ ŋɩɩ, Yesu bɩra kɛŋ ʋ tɩtɩa bɩrɩmɛ nagɩna dɔŋ a kɛŋ ʋ tɩtɩa kʋ dagɛba.

Maak 5:37

Ŋɩɩ nɛ Yesu sii a bɩ leŋe nʋʋkala to ʋ harɩŋ see Pɩɩta, Jeems arɩ ʋ ŋaana Jɔɔŋ.

Luuk 6:12

Tapʋlɩɩ kʋbala Yesu jɩl peeliŋ nyuŋ dɩ ʋ chʋɔlɛ Wɩa. Ʋ chʋɔlɛ Wɩa ŋɩɩ deeŋ deeŋ taŋ pʋl.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

2 Kɔrɩntɩ Nɩaa 13:1

Naansɩɩŋ butori nɛ ŋ-la mɩ sɩɩ kɔ ma teeŋ dɩ mɩ nama. Wɩa teniŋ sɩ, “Nɩaa balɩa koo nɩaa batori nɛ jaŋ pɛ na wɩɩ ka dɩ ʋ na chɩŋ.”

Fɩlɩpa Nɩaa 3:21

Dɩ ʋ nɛ kɔ, ʋ jaŋ kɛŋ ʋ dol-la ʋ sɩ kaa bibeŋ kʋŋkala a kaa bɩrɩmɛ la yaraa deemba sɩ jaŋ pʋa, dɩ ba nagɛ ʋ tɩtɩa yara-la sɩ bɩ pʋa.

Jɔɔŋ Wʋnaalaa 20:11

Ŋɩɩ nɛ mɩ na kuori-kpasɩ-bal kʋbala sɩ ŋaa kʋpʋla dɩ ʋ chɩna, nʋʋ hɔŋ ʋ nyuŋ. Ŋɩɩ nɛ mɩ na dɩ tinteeŋ arɩ wɩa-nyuŋ kala lɛlɛ nɩɩ-la sɩɩŋ lɛ. Ba bɩra bɩ lee kɛnɛ.