Maak 9:12 - WƖA TENIŊ

¹² Ʋ bʋla pɩba, “Wʋtɩtɩɩ, Ɩlaaja jaŋ sɛnɛ laa sɩpaaŋ kɔ a kɛŋ kʋŋkala wasa bil. Ba saa ŋmʋnsa bil Wɩa teniŋ tʋɔŋ a mʋ tɩgɛ mɩ-na Nuhuobiine Bie lɛ dɩ mɩ jaŋ na hɛɛŋ kɩŋkɛŋ, dɩ ba jaŋ bemmi a nagɛ nɩpɛɩ. Bɛɛ nɛ tɩɩ ba ŋmʋnsɛ ŋɩɩ?

Maak 9:12 ပူးပေါင်းရင်းမြစ်များ

WƖA YƖƖLAA 74:22

Wɩa, sii chɩŋ a bʋla laa ŋ tɩtɩa. Liisi ŋɩɩ nɩyaara-la sɩɩ mɔŋ ŋ lɛ tapʋlɩɩ kala.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

AZAAYA 50:6

Mɩ joŋ harɩŋ yɩa nɩalɩŋ sɩ ŋmoo mɩ nɛ, aŋ fʋʋla yagɛ nɩalɩŋ ma sɩɩ sieri mɩ lɛ a kɛŋ mɩ tɔŋ-pʋnaa lɩlɛrɛ aŋ pɛ tʋ nantʋɔrʋŋ hɩhɛ mɩ sɩaa lɛ mɩ bɩ mɩ sɩaa kaa faaba.

AZAAYA 52:14

Nɩaa yʋga a naʋ ba yaraa vɛŋ. Ʋ nagɩŋ kala bɩrɩmɛ arɩ nuhuobiiŋ dee.

ZƐKARƖYA 11:13

Ŋɩɩ nɛ La TƖƖNA bʋla pɩmɛ, “Joŋ warɩpʋla-la hɛ mɩ dɩɩ-bal-la dʋa tʋɔŋ. Ŋɩɩ nɛ mɩ joŋ warɩpʋla mara arɩ fii-la, yal-zɔŋ-la ba sɩ bene dɩ ʋ magɛmɛ a hɛ La TƖƖNA dɩɩ-bala-la dʋa tʋɔŋ.

ZƐKARƖYA 13:7

La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

MALAKAƖ 4:6

Ʋ jaŋ kɛŋ nyɩmmaba arɩ biiriŋ bɩra hɛ dɔŋɔ dɩ ba sɩŋ, dɩ ba nɛ bɩ sɛyɛ mɩ jaŋ kɔ a chei ma tinteeŋ kala gbelem gbelem.”

Matiu 16:21

A suomi bʋa-la lɛ Yesu chaasa bʋla pɩ ʋ harɩ-tooroo a bʋl, “Ʋ maga dɩ mɩ mʋ Jerusalɛm a na hɛɛŋ woruŋ Juu tɩŋŋaa nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba nɩsɩŋ lɛ. Ba jaŋ kpʋmɛ, ama mɩ jaŋ sii sʋʋŋ lɛ tapʋlaa batori chɛɛŋ.”

Matiu 26:24

Mɩ-na Nuhuobiine Bie jaŋ sʋʋ arɩ ba sɩ ŋmʋnsɛ ŋɩɩ a tɩgɛ mɩ lɛ. Ama nɩɩ-la sɩ jaŋ joŋ mɩ-na Nuhuobiine Bie yallɛ, aa, ʋ jaŋ na hɛɛŋ yʋgɛ. Ba fa sɩ bɩ ʋ lʋla nɛ kpɩa.”

Maak 10:33

“Má jegili mɩ teeŋ. Laa mʋ Jerusalɛm nɛ. Dɩ la nɛ yi nɩmɛ, ba jaŋ kɛŋ mɩ-na Nuhuobiine Bie kaa mʋ pɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba. Ba jaŋ diimi sarɩya a bʋl dɩ ʋ maga dɩ mɩ sʋʋ nɛ, aŋ kɛmmɛ kaa mʋ hɛ nɩalɩŋ sɩ bɩ Juu tɩŋŋaa ŋaa nɩsɩŋ lɛ dɩ ba kpʋmɛ.

Maak 9:13

Lɛɛlɛ mɩ jaŋ bʋla pɩma arɩ Ɩlaaja paala kɔ nɛ. Ba ŋaaʋ ŋɩɩ kala ba sɩɩ chɛ. Ba fa ŋmʋnsɛ ŋɩɩ nɛ a tɩgɛ ʋ lɛ Wɩa teniŋ tʋɔŋ.”

Maak 9:31

bɛɛ wɩaa ʋʋ dagɛ ʋ harɩ-tooroo nɛ arɩ ba jaŋ kɛŋ ʋ-na, Nuhuobiine Bie a hɛ nɩaa nɩsɩŋ lɛ dɩ ba kpʋʋ, ka dɩ ʋ sii sʋʋŋ lɛ tapʋlaa batori chɛɛŋ a kɛŋ mɩɩsɩŋ.

Luuk 1:76

Zɛkarɩya sɩ bʋl wɩaa deemba dɛrɛ, ʋ bʋl wɩaa a tɩgɛ ʋ bie ma lɛ, “Ŋ-na mɩ bii, ŋ jaŋ ŋaa Wɩɩ-balɩŋ wʋlaabʋllʋ. Ŋ jaŋ laa La Tɩɩna-la sɩ jaŋ kɔ sɩpaaŋ a wasɛ wombiiŋ bil ʋ lɛ.

Luuk 23:11

Hɛrɔd arɩ ʋ laalɩyuoroo sieri Yesu lɛ a dɔgɩsʋ, aŋ leŋ ba joŋ gɛrɩ-zɔŋ kʋbala laalʋ, aŋ mɩɩra kɛnʋ mʋ Paalɩt teeŋ.

Luuk 23:39

Ŋɩɩ nɛ nɩbɔmɔ-la dɔŋɔ ma sɩ sagɛ daagɛsɛ nyuŋ tʋʋsɛ Yesu a bʋl, “Ŋ dee Nɩɩ-la Wɩa sɩ lɩɩsaa? Saa laa ŋ tɩtɩa ta aŋ pɛ laa la ma ta.”

Tɩntɩŋŋaa 1:6

Yesu arɩ ʋ nanzɔɔba sɩ hilimi ŋɩɩ, ba pɩɛsʋ, “La Tɩɩna, tapʋlaa deemba lɛ, ŋ jaŋ bɩra leŋ dɩ Iziral tɩŋŋaa dii kuoruŋ?”

Tɩntɩŋŋaa 4:11

Yesu wɩaa nɛ ba ŋmʋnsɛ Wɩa teniŋ tʋɔŋ a bʋl, ‘Tie-bii-la dɩɩ-saaraa sɩ vɩa, ʋ nɛ kʋ ŋaa tie-bii-duoŋ ba sɩ joŋo bil dɩa gentine.’