Maak 8:38 - WƖA TENIŊ

³⁸ Dɩ nʋʋ nɛ leŋe dɩ hɩɩsɩŋ kɛnʋ a tɩŋ mɩ wɩaa arɩ mɩ wʋbʋlaa wɩaa, ma lɛɛlɛ nɩaa deemba sɩ bɩ Wɩa ka fá a ŋɩŋaa wʋbɔŋŋɔɔ tʋɔŋ, mɩ-na Nuhuobiine Bie ma jaŋ leŋ dɩ hɩɩsɩŋ kɛnʋ dɩ mɩ nɛ kɔ arɩ mɩ nyɩmma tʋla a pɛ ʋ tɩndaaraa sɩ bɩ disiniŋ kɛnɛ lɛ.”

Maak 8:38 ပူးပေါင်းရင်းမြစ်များ

DANƖƐL 7:10

Ka nyiniŋ nagɛ fuoŋ a pɩpɛllɛ, a lɩlɩɩ ʋ sɩpaaŋ. Nɩaa bʋɩ-bʋɩba tɩma pʋpʋ, ka nɩaa bʋɩ-bʋɩba fii bʋbʋɔ-bugoo bʋɩ fii chɩŋ ʋ sɩpaaŋ. Ba suomi dɩ ba dii nɩaa sarɩya a suri tenniŋ.

DANƖƐL 7:13

Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.

ZƐKARƖYA 14:5

Ma jaŋ fá to lɩɩ-libe-la, bɛɛ wɩaa ʋ jaŋ kɛŋ ŋɩɩ mʋ yi lee-la ba sɩɩ yɩrɛ Azɛl. Ma jaŋ fá a nagɛ ma sɩ fá lɩɩ tinteeŋ sɩ zigile lɛ ŋɩɩ Juda kuoro Uzia kuoruŋ bʋa lɛ. Mɩ TƖƖNA Wɩa jaŋ kɔ, ʋ dɩ ʋ tɩndaaraa kala.

Matiu 12:39

Ŋɩɩ nɛ Yesu bʋl, “Jɩnɩŋ nɩaa ŋaa nɩbɔmɔ nɛ, ba bɩ Wɩa ka fá. Ma sɩ dɩ mɩ ŋaa wʋmagɩlɩŋ. Aɩ, mɩ bɩ ŋaa. Wʋmagɩlɩŋ ma sɩɩ chɛ, ma bɩ jaŋ wuo naʋ, see wʋmagɩl-la Wɩa fa sɩ ŋaa a tɩgɛ Jona lɛ.

Matiu 13:41

Mɩ-na Nuhuobiine Bie jaŋ tɩŋ mɩ tɩndaaraa dɩ ba jʋʋ Wɩa kuorii-la tʋɔŋ a tʋɔsɛ nɩalɩŋ sɩ ŋaa wʋbɔŋ ŋaaraa, arɩ nɩalɩŋ kala sɩ ŋaa wʋbɔŋŋɔɔ

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Matiu 16:28

Wʋtɩtɩɩ nɛ, mɩ bʋlaa pɩma arɩ nɩaa dɔnsʋŋ hɛ nɩmɛ, ba bɩ jaŋ sʋʋ see dɩ ba na mɩ-na Nuhuobiine Bie dɩ mɩ kɔ arɩ mɩ kuorii-la.”

Matiu 16:4

Jɩnɩŋ nɩaa ŋaa nɩbɔmɔ nɛ, ba bɩ Wɩa ka fá. Ma sɩ dɩ mɩ ŋaa wʋmagɩlɩŋ. Aɩ, mɩ bɩ ŋaa. Wʋmagɩl-la ma sɩɩ chɛ, ma bɩ jaŋ wuo naʋ, see Wɩa fa sɩ ŋaa wɩɩ-la a tɩgɛ Jona lɛ.” Ŋɩɩ nɛ Yesu lemba aŋ viiri.

Matiu 24:30

Ŋɩɩ nɛ ma jaŋ na mɩ-na Nuhuobiine Bie magɩlɩŋ wɩa-nyuŋ. Dɩ dʋnɩa nɩaa nɛ naʋ, ba kala jaŋ yel. Ŋɩɩ lɛ nɛ ma jaŋ na mɩ-na Nuhuobiine Bie, dɩ mɩ to duoŋ-bɩlɩmbaanaa tʋɔŋ kʋʋ tuu. Mɩ jaŋ kɛŋ doluŋ yʋgɛ a chaanɛ.

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

Matiu 26:64

Ŋɩɩ nɛ Yesu bʋla pʋ, “Mɩ-na nɛ, ama mɩ bʋlaa pɩma kala, a lɩɩ bʋa deeŋ lɛ a kaa mʋ, ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ a to duoŋ-bɩlɩmbaanaa tʋɔŋ kʋʋ tuu.”

Matiu 8:20

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Maak 13:26

Ŋɩɩ lɛ nɛ ma jaŋ na mɩ-na Nuhuobiine Bie, dɩ mɩ to duoŋ-bɩlɩmbaanaa tʋɔŋ kʋʋ tuu. Mɩ jaŋ kɛŋ doluŋ yʋgɛ a chaanɛ.

Maak 14:62

Ŋɩɩ nɛ Yesu bʋl, “Mɩ-na nɛ. Ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ sɛmɛ, nɩduoŋ dɩhɔnʋŋ, a to duoŋ-bɩlɩmbaanaa tʋɔŋ a kʋʋ tuu.”

Maak 8:37

Dʋnɩa deeŋ lɛ, bɛɛ kʋŋ nɛ saa ŋ jaŋ wuo joŋo lenni ŋ mɩɩsɩŋ?

Luuk 19:26

Ŋɩɩ nɛ ʋ bʋla pɩba, ‘Nɩɩ-la sɩ paala kɛŋ kɩaa yʋgɛ, Wɩa jaŋ wasa chɛ pɛ a pʋ, ama nɩɩ-la sɩ bɩ faasa kɛŋ kɩaa yʋgɛ, mʋapɩlɩɩ-la ma ʋ sɩ kɛnɛ, Wɩa jaŋ kaa laa ʋ teeŋ.

Luuk 9:26

Dɩ nʋʋ nɛ fá hɩɩsɩŋ a tɩŋ mɩ wɩaa arɩ mɩ wʋbʋlaa lɛ, mɩ-na Nuhuobiine Bie ma jaŋ leŋ dɩ hɩɩsɩŋ kɛnʋ dɩ mɩ nɛ kɔ a chaanɛ arɩ mɩ nyɩmma tʋla, a pɛ Wɩa tɩndaaraa sɩ bɩ disiniŋ kɛnɛ lɛ.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:51

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, ma jaŋ na wɩa-nyuŋ dɩ ʋ suro, dɩ Wɩa tɩndaaraa lɩɩ nɩmɛ a kʋʋ tuu mɩ-na Nuhuobiine Bie teeŋ, aŋ mɩɩra jɩjɩl.”

Jɔɔŋ 12:34

Ŋɩɩ nɛ nɩalɩŋ bʋl, “Ba dagɛla arɩ ba ŋmʋnsɛ Wɩa teniŋ tʋɔŋ a bʋl dɩ Kirisito, Nɩɩ-la Wɩa sɩ lɩɩsa bɩ jaŋ sʋʋ, dɩ ʋ jaŋ hɛ nɩmɛ deeŋ deeŋ. Ɛɛ nɛ saa ŋ bʋl dɩ ba jaŋ kɛŋ Nuhuobiine Bie a kpaasɛ daagɛsɛ nyuŋ? Kʋbɛɛ nɛ saa Nuhuobiine Bie deeŋ wɩaa ŋ sɩɩ bʋl?”

Jɔɔŋ 5:27

Ʋ saa pɩ mɩ-na ʋ Bie doluŋ nɛ dɩ mɩ dii nɩaa sarɩya, bɛɛ wɩaa mɩ nɛ ŋaa Nuhuobiine Bie.

Tɩntɩŋŋaa 10:22

Ŋɩɩ nɛ ba bʋl, “Laalɩyuoroo kʋhɩaŋ kʋbala, baa yɩrɛ Kɔnɩɩlɩas nɛ tɩnla. Ʋ ŋaa tʋɔpʋl tɩɩna nɛ a fɩfá Wɩa. Juu tɩŋŋaa ma kala zizilu. Wɩa tɩndaarʋ kʋbala nɛ kʋ bʋla pʋ dɩ ʋ yɩrɩŋ dɩ ŋ kɔ ʋ dɩa, dɩ ʋ nɩɩ wɩɩ-la ŋ sɩ jaŋ bʋla pʋ.”

Tɩntɩŋŋaa 5:41

Ŋɩɩ nɛ ba lɩɩ nɩalɩŋ fa sɩ hilime teeŋ. Ba tʋɔŋ tɔrɛ arɩ ba sɩ dɔgɩsɛba a tɩŋ Yesu wɩaa.

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

Galiisia Nɩaa 6:14

Ama mɩ-na, mɩ jaŋ bigisi mɩ tɩtɩa lɛ arɩ La Tɩɩna Yesu Kirisito sɩ sʋʋ daagɛsɛ-la nyuŋ dʋndʋŋa wɩaa. A tɩŋ ʋ sɩ sʋʋ ŋɩɩ, dʋnɩa wɩaa nagɛ wʋsʋʋnɩ nɛ mɩ teeŋ, mɩ ma nagɛ nɩsʋʋ dʋnɩa wɩaa teeŋ.

MOSIS BƖRA WULLI WƖA WOMBIIŊ 33:2

Ʋ sɩ, “La TƖƖNA lɩɩ Sɩnaɩ peel-la lɛ nɛ a mʋ chugili ʋ nɩaa nyuŋ, a chaana hɛ ba lɛ a chɩŋ Ɛdɔm lɛ a kaa mʋ yi Paraŋ peel-la. Ʋ kɔ arɩ Wɩa tɩndaarɩ-daŋ nɛ a lɩɩ ʋ peel-la wɩɩpɔsʋŋ nadiiŋ dɩɩrɩŋ lere-la sɩ chullo a tutuu.

1 Tɛsalonaaka Nɩaa 2:19

La yɩɛlaa hɛ ma lɛ nɛ. La tʋɔŋ tɔrɛ ma nyuŋ. Dɩ La Tɩɩna Yesu nɛ mɩɩra kɔ, a tɩŋ ma wɩaa la jaŋ bigisi la tɩtɩa lɛ.

1 Tɛsalonaaka Nɩaa 3:13

aŋ bɩra sʋlʋ dɩ ʋ leŋ dɩ ma kɛŋ doluŋ ma tʋɔŋ lɛ, a kɛŋ tʋɔpʋla la Nyɩmma Wɩa sɩpaaŋ, a sɩ́ wʋcheeli kala kɛŋ tapʋlɩɩ-la La Tɩɩna Yesu arɩ ʋ nɩaa sɩ jaŋ mɩɩra kɔ.

2 Timoti 1:12

Mɩ sɩɩ bʋl wɩalɩŋ nɛ tɩɩ mɩ nɩna hɛɛŋ. Ama hɩɩsɩŋ bɩ mɩ kɛnɛ a tɩŋ hɛɛ-la mɩ sɩ na wɩaa. Mɩ jɩŋ nɩɩ-la mɩ sɩɩ to nɛ. Mɩ sɩ joŋ mɩ tɩtɩa hɛ ʋ nɩsɩŋ lɛ ŋɩɩ, mɩ laa dii arɩ ʋ jaŋ wuo bemmi woruŋ halɩɩ a kaa mʋ yi tapʋlɩɩ-la Kirisito Yesu sɩ jaŋ mɩɩra kɔ.

2 Timoti 1:16

Ama baal-la ba sɩɩ yɩrɛ Ɔnɩɩsɩfɔrɔs, ʋ nɛ pɛ mɩ lɛ woruŋ a ŋaa mɩ nyuŋ faasa nyaasɛ. Ba sɩ kɛmmɛ kaa tɔ dɩa ŋɩɩ, hɩɩsɩŋ fa bɩ ʋ kɛnɛ a tɩŋ mɩ wɩaa. La Tɩɩna Wɩa jaŋ fá ʋ dɩ ʋ dɩa nɩaa nenige.

2 Timoti 1:8

Ŋɩɩ wɩaa dɩ ŋ nɛ bʋl La Tɩɩna Yesu wɩaa pɩpɩ nɩaa, sɩ́ leŋe dɩ hɩɩsɩŋ kɛnɩŋ a tɩŋ Yesu wɩaa. Bɩra sɩ́ leŋe dɩ hɩɩsɩŋ kɛnɩŋ mɩ ma wɩaa, a tɩŋ ba sɩ kɛmmɛ tɔ dɩa Kirisito wɩaa. Ama Wɩa doluŋ lɛ, sɛɩ dɩ la kala na hɛɛŋ a tɩŋ Yesu wʋzɔmɔ-la wɩaa.

Hiburu TƖŊŊAA 11:16

Ama ba faa chɛ dɩ ba hɔŋ tintee-la sɩ zɔmɔ kɩɩ tintee kala. Wɩa-jaŋ nɛ ŋɩɩ. Wɩa tɩtɩa nɛ saa jaŋ-la a pɩba. Ŋɩɩ nɛ tɩɩ ba yɩrɛ Wɩa yɩrɩŋ, ka hɩɩsɩŋ bɩ Wɩa kɛnɛ.

Hiburu TƖŊŊAA 11:26

Mosis kɛŋ ʋ tɩtɩa hɛ dɔŋɔ dɩ ʋ dii hɩɩsɩŋ nɛ a tɩŋ Kirisito wɩaa, Nɩɩ-la Wɩa sɩ lɩɩsa. Ʋ jɩma arɩ hɩɩsɩ-la ʋ sɩ jaŋ dii a tɩŋ ʋ wɩaa time nɛ yʋga a kɩɩ kʋzɔmɔ-la kala ʋ sɩ jaŋ na Ijipiti tinteeŋ lɛ. Ʋ ŋaa siri dɩ ʋ laa time-la Wɩa sɩ jaŋ joŋo pʋ maachie nɛ.

Hiburu TƖŊŊAA 13:13

Yesu dii hɩɩsɩŋ nɛ woruŋ taŋ-la jeeŋ harɩŋ, ŋɩɩ wɩaa má leŋ dɩ la mʋ lee-la a ma dii hɩɩsɩ-la tɩtɩa.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

1 Jɔɔŋ 2:28

Mɩ biiri, dɩ ma nɩɩ to Kirisito ŋɩɩ a kaa mʋ, la jaŋ kɛŋ bɔɩ-duoŋ chɛɛ-la ʋ sɩ jaŋ mɩɩra kɔ. Hɩɩsɩŋ bɩ jaŋ kɛnla dɩ la faa.

Jɔɔŋ Wʋnaalaa 14:10

Wɩa jaŋ na baanɩŋ kɩŋkɛŋ ʋ tɩɩna nyuŋ. Wɩa jaŋ faasa na baanɩŋ ʋ nyuŋ a dɔgɩsʋ woruŋ dɩ ʋ na hɛɛŋ a nagɛ nɩa sɩ nyʋa sɩ-duoŋ a bugi. Ba jaŋ joŋ jiribiiŋ nyiniŋ a dɔgɩsɛ tɩɩna. Ba jaŋ ŋaa ŋɩɩ Wɩa tɩndaara-la sɩ bɩ disiniŋ kɛnɛ arɩ Pie-bie-la sɩpaaŋ.