Maak 8:34 - WƖA TENIŊ

³⁴ Ŋɩɩ nɛ ʋ yɩrɛ ʋ harɩ-tooroo arɩ nɩalɩŋ kala ba kɔ, ʋ bʋla pɩba, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a tomi.

Maak 8:34 ပူးပေါင်းရင်းမြစ်များ

1 KUOROO 14:8

Mɩ nɛ kɛŋ kuorii-la laa Devit doho nɩaa teeŋ a joŋo pɩŋ. Ama ŋ vɩa nɛ dɩ ŋ nagɛ mɩ tɩntɩnna Devit. Devit fa to wɩalɩŋ mɩ sɩ daga nɛ, a kɛŋ ʋ tʋɔŋ kala a to mɩ niiŋ a ŋaa wɩalɩŋ sɩ zɔmɔ dʋndʋŋ mɩ sɩpaaŋ.

NAMBABA 14:24

Ama mɩ tɩntɩnna Kalɩb mɛlɛ bɩ ba naga, ʋ kɛŋ ʋ tʋɔŋ kala nɛ aa tomi. Mɩ jaŋ kɛnʋ mʋ tintee-la ʋ sɩ laa sɩpaaŋ mʋ beŋ. Ʋ doho nɩaa jaŋ tɩɩ tintee-la.

Matiu 10:38

Nɩɩ-la kala sɩ bɩ ʋ tɩtɩa daagɛsɛ baasa a to mɩ harɩŋ, ʋ bɩ maga dɩ ʋ ŋaa mɩ harɩ-tooru.

Matiu 16:24

Ŋɩɩ nɛ ʋ bʋla pɩ ʋ harɩ-tooroo, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a to mɩ harɩŋ.

Matiu 27:32

Ba sɩ kɛnʋ kaa mʋmʋ dɩ ba kpaasʋ daagɛsɛ nyuŋ ŋɩɩ, ba cheŋ baal kʋbala baa yɩrɛ Saamɔŋ, ʋ taŋ yɩrɩŋ nɛ Siriini. Laalɩyuoro-la fʋgʋ ʋ laa Yesu daagɛsɛ-la a baasɛ.

Maak 10:21

Ŋɩɩ nɛ Yesu beŋ ʋ sɩaa lɛ a chou aŋ bʋla pʋ, “Wʋbala nɛ ka, ŋ ha bɩ ŋaa. Joŋ ŋ kɩaa kala yallɛ a joŋ moribie-la a pɩ summoo aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Maak 7:14

Ŋɩɩ nɛ Yesu bɩra yɩrɛ nɩ-daŋ ba kɔ ʋ teeŋ, ʋ bʋla pɩba, “Má kala jegile nɩɩ mɩ teeŋ woruŋ a jɩŋ wɩɩŋ deeŋ sɩaa.

Luuk 13:24

Ŋɩɩ nɛ Yesu bʋla pɩba, “Dɩ ma nɩɩ chɛ dɩ ma jʋʋ Wɩa kuorii-la tʋɔŋ, ʋ maga arɩ ma to boi-la sɩ bɩ jal nɛ. Má hɛ doluŋ a to boi-la a jʋʋ. Mɩ jaŋ bʋla pɩma, nɩaa jaŋ yʋgɛ a wʋwalɩmɛ dɩ ba to lee-la jʋʋ aŋ walɩma lɔl.

Luuk 14:33

Ŋɩɩ nɛ Yesu bɩra bʋla pɩba, “Ŋɩɩ tɩtɩa nɛ ma kʋŋkala bɩ jaŋ wuo ŋaa mɩ harɩ-tooro, see ŋ vɩa kʋŋkala ŋ sɩ kɛnɛ ta.

Luuk 18:22

Yesu sɩ nɩɩ wɩalɩŋ ʋ sɩ bʋla, ʋ bʋla pʋ, “Wʋbala nɛ ka ŋ ha jaŋ ŋaa. Joŋ ŋ kɩaa kala a yallɛ, a joŋ moribie-la a pɩ summoo, aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 20:45

Ŋɩɩ nɛ Yesu bʋla pɩ ʋ harɩ-tooroo nɩalɩŋ kala sɩpaaŋ,

Luuk 9:23

Ŋɩɩ nɛ ʋ bʋla pɩ nɩalɩŋ kala, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ tapʋlɩɩ-na kala a to mɩ harɩŋ.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 19:17

Ŋɩɩ nɛ ba kɛŋ Yesu lɩɩ. Ʋ lɩɩ a baasɛ ʋ tɩtɩa daagɛsɛ a mʋ lee-la ba sɩɩ chɛ dɩ ba kpaasʋ. Lee-la yɩrɩŋ nɛ nyu-kuŋkogulo. Hiburu yikoro lɛ baa yɩrɛ lee-la Gɔlɩgɔta nɛ.

Tɩntɩŋŋaa 14:22

Leree deemba kala lɛ ba yie bʋl wɩaa pɩ nɩalɩŋ sɩ laa Yesu wɩaa dii, dɩ ba wasa kɛŋ wʋtɩtɩɩ a bʋl wɩaa nyaasɛ ba nyuŋ dɩ ba chɩŋ ŋɩɩ ba sɩ laa Wɩa dii lɛ. Ba bʋla pɩba, “La nɩalɩŋ sɩ laa Yesu wɩalɩŋ dii, jaŋ na hɛɛŋ kɩŋkɛŋ, aŋ-na jʋʋ Wɩa kuorii-la tʋɔŋ.”

Rom Tɩŋŋaa 6:6

La jɩma arɩ ba sɩ kɛŋ Kirisito kpaasɛ daagɛsɛ nyuŋ ŋɩɩ ʋ sʋʋ, ba kpaasʋ arɩ la wʋbɔŋŋɔɔ kala nɛ. Ʋ ŋaa ŋɩɩ a wuo yuo dii dol-la la fa sɩ kɛnɛ a ŋɩŋaa wʋbɔŋŋɔɔ nɛ, dɩ la bɩra sɩ́ wʋbɔŋŋɔɔ yosu ŋaa.

Rom Tɩŋŋaa 8:17

La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

1 Kɔrɩntɩ Nɩaa 15:31

Mɩ naambiiri, bʋa na-kala lɛ mɩ dɩ sʋʋŋ ka loo nɛ. La kala sɩ kɛŋ mɩɩsɩŋ La Tɩɩna Yesu Kirisito lɛ ŋɩɩ, mɩ jaŋ wuo bigisi mɩ tɩtɩa lɛ a tɩŋ ma wɩaa.

1 Kɔrɩntɩ Nɩaa 8:13

Ŋɩɩ wɩaa, dɩ mɩ nɛ jɩma arɩ mɩ nɛ dii kʋdiil dɔŋ, mɩ naambie jaŋ ŋaa wʋbɔŋ, ŋɩɩ-na mɩ bɩ jaŋ dii a leŋ dɩ mɩ naambie ŋaa wʋbɔŋ.

1 Kɔrɩntɩ Nɩaa 9:19

Mɩ nɛ tɩɩ mɩ tɩtɩa, mɩ tuo nʋʋkala yoŋ. Ama mɩ kɛŋ mɩ tɩtɩa bɩrɩmɛ nʋʋkala yoŋ nɛ dɩ mɩ na nɩaa yʋgɛ dɩ ba kʋ to Wɩa.

Galiisia Nɩaa 2:20

Mɩ dɩ Kirisito kala nɛ ba kpaasa mɛrɛ daagɛsɛ nyuŋ. Mɩɩsɩ-la mɩ sɩ kɛnɛ, ʋ bɩ mɩ teeŋ lɩa, ʋ lɩɩ Kirisito teeŋ nɛ. Mɩ sɩ laa Wɩa Bie wɩaa dii nɛ tɩɩ mɩ wuo kɛŋ mɩɩsɩŋ deeŋ mɩ sɩ kɛnɛ dʋnɩa deeŋ lɛ. Wɩa Bie Yesu nɛ chomi, a joŋ ʋ mɩɩsɩŋ a yɔɔ sʋʋŋ mɩ wɩaa.

Galiisia Nɩaa 5:24

Ŋɩɩ wɩaa, nɩalɩŋ sɩ laa Kirisito wɩaa dii, ba kpʋ ba tɩtɩa tʋɔtɔrɛ wʋŋaalaa ta nɛ. Ba bɩra bɩ wɩalɩŋ ba sɩɩ hɩɛnʋ arɩ ba tʋɔtɔrɛ wʋŋaalaa lɛ ka to.

Galiisia Nɩaa 6:14

Ama mɩ-na, mɩ jaŋ bigisi mɩ tɩtɩa lɛ arɩ La Tɩɩna Yesu Kirisito sɩ sʋʋ daagɛsɛ-la nyuŋ dʋndʋŋa wɩaa. A tɩŋ ʋ sɩ sʋʋ ŋɩɩ, dʋnɩa wɩaa nagɛ wʋsʋʋnɩ nɛ mɩ teeŋ, mɩ ma nagɛ nɩsʋʋ dʋnɩa wɩaa teeŋ.

Fɩlɩpa Nɩaa 3:10

Wɩɩ-la kala mɩ sɩɩ chɛ nɛ ŋ-la: dɩ mɩ jɩŋ Yesu Kirisito, a wuo jɩŋ dol-la sɩ chɩsʋ sʋʋŋ lɛ, a wuo na hɛɛ-la doho ʋ sɩ na, a sʋʋ ŋɩɩ ʋ sɩ sʋba.

Fɩlɩpa Nɩaa 3:7

Mɩ fa bɩɩna wɩalɩŋ kala mɩ sɩɩ ŋaa jaŋ kɛŋ nyʋʋrʋŋ pɩmɛ, ama lɛɛlɛ a tɩŋ Kirisito wɩaa mɩ na arɩ ba ŋaa wʋpɛɩba nɛ.

Koloosi Nɩaa 1:24

Lɛɛlɛ mɩ tʋɔŋ tɔrɔ hɛɛ-la mɩ sɩ na a pɩma lɛ. Hɛɛ-la mɩ sɩ na ma wɩaa nɛ leŋe Kirisito sɩ na hɛɛ-la nɩalɩŋ sɩ laa ʋ wɩaa dii aa hilimi dɛrɛ. Nɩalɩŋ nɛ ŋaa ʋ yaraa.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

2 Tɛsalonaaka Nɩaa 3:11

La nɩa arɩ yarɩwɩɩ tɩŋŋaa hɛ ma tʋɔŋ. Ba bɩ tɩntɩmɩɩ ka tɩŋ, see dɩ ba joŋ ba niiŋ hɛ nɩaa wɩaa lɛ.

Taatɩs 2:12

Wɩa wʋzɔmɔ-la dagɛla dɩ la sɩ́ wʋbɔŋŋɔɔ ŋaa, a sɩ́ la tɩtɩa joŋo hɛ dʋnɩa wɩaa lɛ, a jɩma kɛŋ la tɩtɩa, a kɛŋ wʋtɩtɩɩ, a tuto Wɩa wombiiŋ dʋnɩa deeŋ lɛ.

Hiburu TƖŊŊAA 13:13

Yesu dii hɩɩsɩŋ nɛ woruŋ taŋ-la jeeŋ harɩŋ, ŋɩɩ wɩaa má leŋ dɩ la mʋ lee-la a ma dii hɩɩsɩ-la tɩtɩa.

1 Pɩɩta 4:1

A tɩŋ Kirisito tɩtɩa sɩ na hɛɛŋ ŋɩɩ, má kɛŋ ma tɩtɩa woruŋ dɩ ma na hɛɛ-la doho ʋ sɩ na, bɛɛ wɩaa nɩɩ-la kala sɩ na hɛɛŋ, ʋ leŋ wʋbɔŋŋɔɔ nɛ.

1 Pɩɩta 4:13

Hɛɛ-la Kirisito sɩ na, má ma na hɛɛ-la tɩtɩa nɛ. Ŋɩɩ wɩaa má jʋjʋɔsɛ. Tapʋlɩɩ-la Kirisito nɛ kɔ arɩ ʋ tʋla, ma jaŋ faasa jʋɔsɛ.

2 Pɩɩta 1:14

bɛɛ wɩaa mɩ jɩma arɩ mɩ bɩ jaŋ dieni dʋnɩa deeŋ lɛ. La Tɩɩna Yesu Kirisito tɩtɩa bʋl wɩɩŋ deeŋ pɩmɛ nɛ.

1 Jɔɔŋ 3:16

Kirisito joŋ ʋ mɩɩsɩŋ yɔɔ sʋʋŋ la wɩaa nɛ, a dagɛ ŋɩɩ ʋ sɩ faasa chola. La ma saa maga dɩ la cho la dɔnsʋŋ tɩŋŋaa ŋɩɩ nɛ a joŋ la mɩɩsɩŋ a yɔɔ sʋʋŋ ba wɩaa.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.