Maak 8:31 - WƖA TENIŊ

³¹ Ŋɩɩ nɛ Yesu suomo dɩdagɛ ʋ harɩ-tooro-la, “Mɩ-na, Nuhuobiine Bie jaŋ na hɛɛŋ woruŋ. Nɩhɩasɩŋ arɩ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba, ba kala jaŋ vɩamɛ aŋ ŋaa dɩ ba kpʋmɛ. Dɩ ba nɛ kpʋmɛ, mɩ jaŋ ŋaa tapʋlaa batori aŋ bɩra sii sʋʋŋ lɛ.”

Maak 8:31 ပူးပေါင်းရင်းမြစ်များ

WƖA YƖƖLAA 118:22

Tie-bii-la dɩɩ-saaraa sɩ vɩa ta nɛ kʋ ŋaa tie-bii-duoŋ ba sɩ joŋo bil dɩa gentine.

AZAAYA 53:3

Nuhuobiinee vɩaʋ nɛ, bɛɛ wɩaa ba sɩɩŋ bɩ ʋ suo. Ʋ ŋaa nʋʋ sɩ kɛŋ tʋɔ-cheeŋ nɛ a mal hɛɛŋ. Nɩaa paala bɩ cho dɩ ba naʋ. Ba bɩ ʋ bene dɩ ʋ ŋaa kʋŋkala, la lɩɩsɛ la jɩa ta ʋ lɛ.

HOSIA 6:2

Tapʋlaa balɩa harɩŋ ʋ jaŋ leŋ dɩ la bɩra kɛŋ doluŋ, tapʋl-tori chɛɛŋ ʋ jaŋ bɩra kɛnla kaa kɔ ʋ teeŋ dɩ la hɛ ʋ leriŋ.

JONA 1:17

Ba sɩ joŋ Jona yuo hɛ mʋgʋ-bal-la tʋɔŋ ŋɩɩ, La TƖƖNA leŋ chenfil-bal joŋ Jona liŋ, ʋ hɛ ʋ tʋɔŋ tapʋlaa batori, wɩɩhɛyɛ arɩ tɩtaŋɩŋ kala.

Matiu 12:40

Jona fa sɩ hɛ chenfil-bal-la tʋɔŋ tapʋlaa batori wɩɩhɛyɛ arɩ tɩtaŋɩŋ kala, ŋɩɩ tɩtɩa nɛ mɩ-na Nuhuobiine Bie ma jaŋ hɛ sʋʋŋ bʋa tʋɔŋ tapʋlaa batori, wɩɩhɛyɛ arɩ tɩtaŋɩŋ kala.

Matiu 21:42

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ Wɩa teŋ-la karɩma a mʋ yi lee-la ba sɩ bʋl ŋ-la: ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine. La Tɩɩna Wɩa tɩntɩŋŋaa nɛ ŋɩɩ. Ʋ ŋaala wʋkpuŋkpere nɛ.’ ”

Matiu 27:63

“Kʋhɩaŋ, la liisi wɩɩ nɛ. Bʋa-la lɛ wʋnyɩɛrʋ-la sɩ hɛ ʋ mɩɩsɩŋ lɛ, ʋ fa bʋla arɩ ʋ nɛ sʋba, ʋ jaŋ sii sʋʋŋ lɛ tapʋlaa batori chɛɛŋ.

Maak 12:10

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ wɩɩŋ deeŋ karɩma Wɩa teniŋ tʋɔŋ? ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine.

Luuk 17:25

Ama mɩ jaŋ laa sɩpaaŋ na hɛɛŋ. Ma lɛɛlɛ nɩaa, ma jaŋ vɩamɛ.

Luuk 24:26

Ma bɩ jɩŋ arɩ ʋ maga dɩ Nɩɩ-la Wɩa sɩ lɩɩsa, na hɛɛŋ nɛ aŋ-na jʋʋ ʋ kuorii-la tʋɔŋ a laa yɩrɩŋ?”

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Jɔɔŋ 12:48

Wɩalɩŋ mɩ sɩ bʋla pɩma nɛ jaŋ dii tɩɩna sɩ bɩ mɩ wɩaa laa dii sarɩya chɛɛ-la dʋnɩa sɩ jaŋ dɛrɛ.

Jɔɔŋ 2:19

Ŋɩɩ nɛ Yesu bʋla pɩba, “Má ŋmoo Wɩa dɩɩ-balɩŋ deeŋ lo, mɩ jaŋ joŋ tapʋlaa batori a bɩra saaʋ.”

Tɩntɩŋŋaa 7:35

Ŋɩɩ nɛ Sɩtɩɩvɩŋ bɩra suomo bʋbʋl, “Mosis deeŋ nɛ ba vɩa aŋ pɩɛsʋ, ‘Kʋbɛɛ nɛ ŋaa ŋ bibenla a laa la wɩaa jɩjɩŋ?’ Ʋ nɛ Wɩa tɩŋ ʋ ŋaa ba kʋhɩaŋ arɩ ba laataara. Wɩa nɛ to ʋ tɩndaarʋ-la fa sɩ kʋ lɩɩ Mosis teeŋ a nagɛ tɩɩ-bie-la sɩ dii nyiniŋ tʋɔŋ, a pɛ ʋ lɛ dɩ ʋ laa ʋ nɩaa ta.

1 Kɔrɩntɩ Nɩaa 15:4

Ʋ sɩ sʋʋ ŋɩɩ, ba joŋu hugi, ka ʋ sii sʋʋŋ lɛ tapʋlaa batori chɛɛŋ, arɩ ba sɩ ŋmʋnsɛ ŋɩɩ Wɩa teniŋ tʋɔŋ.

1 SAMƲƐL 10:19

Mɩ nɛ ma Wɩa, mɩ nɛ laama ta ma wʋjʋʋlaa arɩ hɛɛ-la kala ma fa sɩɩ na lɛ. Ama lɛɛlɛ ma vɩamɛ nɛ aŋ bʋl: Bil kuoro pɩla. Ŋɩɩ wɩaa má kala kɔ La TƖƖNA sɩpaaŋ doho doho arɩ nyɩŋ-nɩa nyɩŋ-nɩa.”

1 SAMƲƐL 8:7

Ŋɩɩ nɛ La TƖƖNA bʋla pʋ, “Jegile nɩɩ wɩalɩŋ kala nɩalɩŋ sɩ bʋlaa pɩŋ. Ŋ dee ba vɩa, mɩ-na sɩ ŋaa ba kuoro nɛ ba vɩa ŋɩɩ.