Maak 7:24 - WƖA TENIŊ

²⁴ Ŋɩɩ nɛ Yesu sii a lɩɩ nɩmɛ a mʋ Taaya arɩ Saadɔŋ tinteeŋ a jʋʋ hɛ dɩa kʋbala lɛ a bɩ chɛ dɩ nʋʋkala jɩŋ ʋ wɩaa, ka ba vɩa aŋ jɩŋ.

Maak 7:24 ပူးပေါင်းရင်းမြစ်များ

WƖAA DƖ-SUOMUŊ 10:15

Kɛnaŋ nɛ lʋl Sɩdɔŋ, ʋ bii-hɩaŋ, Hiti tɩŋŋaa,

WƖAA DƖ-SUOMUŊ 10:19

Kɛnaŋ doho nɩaa tinteeŋ niiŋ nɛ: a chɩŋ Sɩdɔŋ lɛ a kaa mʋ Gɛra, a mʋ yi Gaza a to Sodom arɩ Gomora, Adɩma arɩ Zeboyim a kaa mʋ yi Lasa.

WƖAA DƖ-SUOMUŊ 49:13

Zebuluŋ ma jaŋ jʋʋ kpagɛ mʋgʋ-balɩŋ niiŋ, lee-la nɛ jaŋ ŋaa lɩɩŋ-daborusuŋ dɩchɩnɩŋ. Ʋ dɩ tabal-la ba sɩɩ yɩrɛ Sɩdɔŋ tɩŋŋaa nɛ jaŋ pɛ bʋa.

AZAAYA 23:12

Ʋ sɩ, “Má Sɩdɔŋ tɩmma, ma tʋɔtɔrʋ-la kala ma fa sɩ kɛnɛ dɛrɛ nɛ lɛɛlɛ, ka ŋ nɩaa nɩna hɛɛŋ. Dɩ ma nɛ paala sii fá mʋ Saapʋrɔs ma, ma ha bɩ jaŋ na wiese.”

AZAAYA 42:2

Ʋ bɩ jaŋ ŋɩŋaa goŋ koo aa ŋmoo niiŋ, koo a chɩŋ wombiee lɛ aa kpɩa wɩaa.

ƐZƖKƖƐL 28:2

Nuhuobiiŋ, bʋla pɩ Taaya kuoro, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ŋ bigisi ŋ tɩtɩa lɛ a bʋl, ‘Mɩ ŋaa wɩa nɛ, a hɔŋ wɩa kuoru kpasa nyuŋ mʋgʋ-balɩŋ tʋɔŋ.’ Ama ŋ ŋaa nuhuobiiŋ nɛ, ŋ bɩ wɩa ŋaa, ŋ sɩ bɩɩna ŋ jɩŋ wɩaa a nagɛ wɩa ŋɩɩ.

Matiu 11:21

“Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa, ma ma jaŋ na hɛɛŋ. Wʋmagɩla-la mɩ sɩ ŋaa ma teeŋ, dɩ mɩ nɛ fa ŋaaba Taaya arɩ Sɩdɔŋ nɩaa teeŋ, wɩa magɛ ŋ-la ba fa hɔnɔ tɛllɛ naasɩŋ a ŋaa tʋɔrʋŋ bʋgɛ ba tɩtɩa, a dɩdagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Matiu 9:28

Yesu sɩ mʋ dɩa, nyʋlɩma-la balɩa ma to ʋ harɩŋ jʋʋ dɩa-la. Ŋɩɩ nɛ ʋ pɩɛsɛba, “Ma laa dii arɩ mɩ jaŋ wuo ŋaa dɩ ma duorii?” Ba bʋl, “Oo, La Tɩɩna, la laa dii nɛ.”

Maak 2:1

Tapʋlaa baŋmɛnɛ harɩŋ, Yesu mɩɩra mʋ Kapɛnam. Nɩaa nɩɩ dɩ ʋ mɩɩra kɔ a hɛ dɩa lɛ.

Maak 7:23

Wʋbɔŋŋɔɔ deemba kala yie lɩɩ ŋ tʋɔŋ nɛ a leŋ ŋ kɛŋ disiniŋ.”

Maak 7:25

Haal kʋbala ma nɛ fa hɛ nɩmɛ, jɩŋ-bɔŋ kɛŋ ʋ tolo. Ʋ sɩ nɩɩ Yesu wɩaa ʋ sii kɔ a tel ʋ naasɩŋ lɛ.

Maak 7:31

Ŋɩɩ nɛ Yesu mɩɩra lɩɩ Taaya tinteeŋ lɛ a mʋ to Sɩdɔŋ arɩ tasɩŋ fii tinteeŋ a mʋ yi Galilii mʋga.

1 Timoti 5:25

Ŋɩɩ tɩtɩa nɛ dɩ nɩaa dɔnsʋŋ nɛ ŋaa wʋzɔŋŋɔɔ, nɩaa yie naba lɩma lɩma. Nɩaa dɔnsʋŋ wʋzɔŋŋɔɔ ma yie faa nɛ. Ama chɛɛ dɔŋ nɛ ba jaŋ chaasa lɩɩ pʋlʋmʋŋ tʋɔŋ.