Maak 7:21 - WƖA TENIŊ

²¹ Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a ŋɩŋaa bachɔrʋŋ arɩ hachɔrʋŋ wɩaa, a gɩgaa, a kpʋkpʋ nɩaa, a chɩchɛ nɩaa haalaa,

Maak 7:21 ပူးပေါင်းရင်းမြစ်များ

WƖAA DƖ-SUOMUŊ 6:5

La TƖƖNA na ŋɩɩ nuhuobiine tʋɔŋ sɩ hɛyɛ dʋnɩa tʋɔŋ, ʋ tʋɔbɩɩnaa ma kala lɔrɛ bʋa na-kala.

WƖAA DƖ-SUOMUŊ 8:21

Ŋɩɩ nɛ Wɩa nɩɩ kɩalɩŋ Nowa sɩ nyɩga sʋɔra dɩ ba sɩma. Ʋ tʋɔŋ tɔrɛ, ʋ bʋl ʋ tʋɔŋ lɛ, “Mɩ bɩra bɩ jaŋ tɩŋ nuhuobiine wɩaa a ŋmɩɛsa hɛ tinteeŋ lɛ. Nuhuobiine tʋɔbɩɩnaa kala ŋaa kʋbɔmɔ nɛ a lɩɩ ʋ hambiiriŋ kala lɛ. Mɩ bɩra bɩ jaŋ kɔ dɩ mɩ kpʋ kʋŋkala sɩ weye arɩ mɩ sɩ ŋaa ŋɩɩ bʋa-la lɛ.

JOB 14:4

Kʋbɛɛ nɛ jaŋ wuo lɩɩsɛ kʋŋ sɩ bɩ disiniŋ kɛnɛ kɩaa sɩ kɛŋ disiniŋ lɛ? Nʋʋ tuo.

JOB 25:4

Ɛɛ nɛ saa nuhuobiine jaŋ wuo ŋaa tʋɔpʋl tɩɩna Wɩa sɩpaaŋ? Nʋʋ sɩ pɩŋ haala tʋɔŋ lɩɩ jaŋ wuo ŋaa nɩpʋlaa?

WƖA YƖƖLAA 119:36

Leŋ dɩ mɩ cho ŋ wombiee, aŋ sɩ́ leŋe dɩ mɩ tʋɔŋ hɛ dʋa lɛ.

WƖA YƖƖLAA 14:1

Nɩyaaraa nɛ yie bʋl ba tʋɔŋ lɛ, “Wɩa tuo.” Ba ŋaa nɩa sɩ cheye nɛ, ba wʋŋaalaa lɔrɔ, ba kʋŋkala bɩ wʋzɔŋ ka ŋaa.

WƖA YƖƖLAA 14:3

Ama nʋʋkala joŋ harɩŋ yɩa Wɩa nɛ a ŋaa nɩa sɩ cheye. Nɩbala ma paala tuo a ŋɩŋaa wʋzɔŋŋɔɔ.

WƖA YƖƖLAA 53:1

Nɩyaaraa nɛ yie bʋl ba tʋɔŋ lɛ, “Wɩa tuo.” Ba bɩ wʋtɩtɩɩ kɛnɛ, ba wʋŋaalaa lɔrɔ. Nɩbala ma paala tuo a ŋɩŋaa wɩaa ba bʋa lɛ.

WƖA YƖƖLAA 53:3

Ama nʋʋkala yeŋŋe nɛ ba bɩ wʋtɩtɩɩ kɛnɛ. Nɩbala ma paala tuo a ŋɩŋaa wɩaa ba bʋa lɛ. Nʋʋ tuo.

NAMAGABA 15:25

La Tɩɩna yie yigi nɩɩ-la sɩɩ dagɛ ʋ tɩtɩa dɩa a lo nɛ, ama ʋ yie pɔ yo-haala-na dɩa arɩ ʋ kɩaa kala nɛ.

NAMAGABA 4:23

Kɛŋ ŋ tʋɔbɩɩnaa woruŋ, bɛɛ wɩaa, ba nɛ jaŋ leŋ dɩ ŋ wʋŋaalaa tʋʋlɛ.

AZAAYA 59:13

La TƖƖNA, la vɩa ŋ niiŋ wɩaa nɛ a joŋ harɩŋ yɩa la Wɩa. La dɔgɩsɛ nɩaa nɛ woruŋ aŋ joŋ harɩŋ yɩaŋ. La tʋɔbɩɩnaa kala ŋaa kʋbɔmɔ nɛ, la nyɩnyɩɛ wɩaa.

AZAAYA 59:7

Maa ŋaa wʋbɔŋŋɔɔ nɛ bʋa na-kala lɛ, a kpʋkpʋ nɩaa sɩ bɩ wɩɩkala cheye. Ma tʋɔbɩɩnaa kala ŋaa kʋbɔmɔ nɛ. Dɩ ma nɛ mʋ lee-kala, ma yie chei nɩmɛ kala nɛ ʋ pɩŋ jikpeeŋ.

JƐRƖMAAYA 16:12

Ama ma nɛ paala ŋaa wʋbɔŋŋɔɔ a kɩɩ ma naabalɩmaba-la. Ma kʋŋkala kɛŋ nyuduoŋ nɛ a to ʋ tʋɔbɔmʋŋ harɩŋ, aŋ vɩa dɩ ʋ sɛɩ mɩ niiŋ.

JƐRƖMAAYA 17:9

Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

ƐZƖKƖƐL 38:10

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la: “Dɩ bʋa-la nɛ yie, ŋ jaŋ suomo bɩbɩɩnɛ dɩ ŋ ŋaa wʋbɔŋ.

Matiu 15:19

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ.

Matiu 9:4

Ama Yesu jɩŋ wɩɩ-la ba fa sɩɩ bɩɩnʋ a pɩɛsɛba, “Bɛɛ nɛ tɩɩ maa bɩɩnɛ wʋbɔmʋŋ deeŋ?

Maak 7:20

Ŋɩɩ nɛ ʋ bʋl, “Wɩalɩŋ kala sɩ hɛ nɩa tʋɔŋ a kʋʋ lɩɩ, ba nɛ yie leŋ ʋ kɛŋ disiniŋ.

Maak 7:22

a kɛŋ tʋɔ-luŋuŋ, a bɩbɩɩnɛ wʋbɔŋŋɔɔ nɩaa lɛ, a ŋmuŋmoo nɩaa puo, a ŋɩŋaa wʋlɩɩlɩŋ. Ŋ yaraa bibieri nɩaa lɛ, a chichei nɩaa yɩrɩŋ, a bibigisi ŋ tɩtɩa lɛ, a ŋaa nɩyaarɩ.

Luuk 16:15

Yesu bʋla pɩba, “Ma nɛ ŋaa nɩdosunu-la sɩ yie chɛ dɩ nɩaa bɩɩnɛ ma kɛŋ wʋtɩtɩɩ nɛ, ama Wɩa jɩŋ ma tʋɔŋ nɛ. Kɩalɩŋ sɩ ŋaa kʋfɩɛma nuhuobiinee teeŋ, ba ŋaa kʋtɔɔnʋ nɛ Wɩa teeŋ.”

Tɩntɩŋŋaa 5:4

Ka ŋ-na joŋ kʋ-la yallɛ, ŋ dee bɩ ʋ tɩɩ? Moribie-la maa ŋ sɩ yalla, ŋ dee bɩba tɩɩ? Bɛɛ nɛ saa tɩɩ ŋ bɩɩnɛ ŋ tʋɔŋ lɛ aŋ ŋaa wɩɩŋ deeŋ? Nuhuobiinee dʋndʋŋa dee ŋ nyɩɛ wɩaa pa, ŋ nyɩɛ wɩaa pɩ Wɩa ma nɛ.”

Tɩntɩŋŋaa 8:22

Bɩrɩma lɩɩ wʋbɔmʋŋ deeŋ lɛ, aŋ sʋl La Tɩɩna Wɩa dɩ ʋ joŋ ŋ tʋɔbɩɩnaa deemba ŋ sɩ kɛnɛ ŋ tʋɔŋ lɛ a chɛŋ.

Rom Tɩŋŋaa 7:5

Bʋa-la la sɩɩ to la tʋɔtɔrɛ wʋŋaalaa harɩŋ, wɩalɩŋ Mosis fa sɩ ŋmʋnsa bil dɩ nɩaa tuto nɛ fa ŋaa sɩma kɛnla la kɛŋ la yaraa ŋɩŋaa wʋbɔŋŋɔɔ, wɩalɩŋ sɩ jaŋ kɛnla mʋ hɛ sʋʋŋ bʋa lɛ.

Rom Tɩŋŋaa 7:8

Ama wɩalɩŋ Mosis fa sɩ ŋmʋnsa bil dɩ nɩaa tuto sɩ hɛ nɩmɛ ŋɩɩ, wʋbɔŋŋɔɔ na wombiiŋ dɩ ʋ nyɩsɛmɛ hɛ dɩ mɩ gɩrɩma lɩlaa nɩaa kɩaa. Dɩ wɩalɩŋ Mosis fa sɩ bile wɩaa dee, wʋbɔmʋŋ-na fa ŋaa kʋsʋʋ nɛ. Ʋ bɩ dol kɛnɛ.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Jeems 2:4

Dɩ ma nɛ ŋaa ŋɩɩ, ma kɛŋ nɩaa pʋpɔrɛ nɛ. Ma daga arɩ nɩaa dɔnsʋŋ nɛ kpɩa dɔnsʋŋ. Ma tʋɔbɩɩŋ bɔmɔ-la nɛ ma kaa ŋɩŋaa ŋɩɩ.