Maak 6:30 - WƖA TENIŊ

³⁰ Yesu harɩ-tooroo mɩɩra kɔ Yesu teeŋ a bʋl wɩalɩŋ kala ba sɩ ŋaa arɩ wɩalɩŋ kala ba sɩ daga a pʋ.

Maak 6:30 ပူးပေါင်းရင်းမြစ်များ

WƖAA DƖ-SUOMUŊ 24:66

Ba sɩ kʋ cheŋ dɔŋɔ, ŋɩɩ nɛ Abɩraham tɩntɩnnʋ-la bʋl wɩalɩŋ kala ʋ sɩ ŋaa a pɩ Aɩzɩk.

Matiu 10:2

Nɩalɩŋ ʋ sɩ lɩɩsa yɩraa nɛ ŋ-la: Saamɔŋ, ba fa kɛnʋ yɩyɩrɛ Pɩɩta ma nɛ, arɩ ʋ naambie Anduru, arɩ Jeems sɩ ŋaa Zebidi nanʋala, arɩ Jɔɔŋ. Jɔɔŋ fa ŋaa Jeems ŋaana nɛ.

Maak 3:14

Ʋ bɩra lɩɩsɛ ba tʋɔŋ nɩaa fii arɩ balɩa dɩ ba nɛ hɛ ʋ teeŋ. Ʋ lɩɩsɛba ŋɩɩ dɩ ʋ tɩmba dɩ ba mʋ bʋl Wɩa wɩaa nɛ.

Maak 6:29

Jɔɔŋ harɩ-tooro-la sɩ nɩɩ wɩɩ-la, ba sii kɔ a laa ʋ kʋsʋʋŋ a kaa mʋ hugi.

Luuk 10:17

Ŋɩɩ nɛ Yesu nanzɔɔba-la mahɩŋ batori arɩ fii-la mɩɩra kɔ Yesu teeŋ. Ba tʋɔŋ tɔrɛ kɩŋkɛŋ ba bʋla pɩ Yesu, “La Tɩɩna, dɩ la nɛ yɩrɛ ŋ yɩrɩŋ, jɩŋ-bɔŋŋɔɔ ma yie paala to la niiŋ nɛ.”

Luuk 17:5

Ŋɩɩ nɛ Yesu nanzɔɔba-la bʋla pʋ, “La Tɩɩna, ŋaa dɩ la Wɩa laa diiniŋ yʋgɛ kɩŋkɛŋ.”

Luuk 22:14

Bʋa-la sɩ yie dɩ ba dii kʋdiile-la, Yesu arɩ ʋ nanzɔɔba kala hɔŋ dɩ ba dii kɩaa.

Luuk 24:10

Haala-la sɩ mʋ bʋa-la leriŋ nɛ ŋ-la: Mɛɛrɩ Magɩdalɩŋ, Jʋana arɩ Jeems naaŋ Mɛɛrɩ. Ba dɩ haalaa dɔnsʋŋ nɛ bʋl wɩaa deemba sɩ ŋaa a pɩ Yesu nanzɔɔba-la.

Luuk 6:13

Taŋ sɩ pʋla, ʋ yɩrɛ ʋ harɩ-tooroo ba kɔ ʋ teeŋ. Ŋɩɩ nɛ ʋ lɩɩsɛ ba tʋɔŋ nɩaa fii arɩ balɩa a kɛŋ ba ma yɩyɩrɛ ʋ nanzɔɔba.

Luuk 9:10

Ŋɩɩ nɛ Yesu nanzɔɔba-la mɩɩra kɔ ʋ teeŋ a bʋl wɩalɩŋ kala ba sɩ ŋaa pʋ. Ŋɩɩ nɛ ʋ kɛŋ ba dʋndʋŋa mʋ taŋ kʋbala baa yɩrɛ Bɛtɩsaada.

Tɩntɩŋŋaa 1:26

Ŋɩɩ nɛ ba tɔnsɛ, Matɩyas dii. Ba kɛnʋ pɛ Yesu nanzɔɔba fii arɩ kʋbala-la lɛ.