Maak 6:24 - WƖA TENIŊ

²⁴ Hantolibie-la lɩɩ a pɩɛsɛ ʋ naaŋ, “Mɩ bʋl bɛɛ kʋŋ nɛ mɩɩ chɛ?” Ŋɩɩ nɛ Hɛrɔdɩas sɩ, “Bʋla pʋ arɩ ŋŋ chɛ Jɔɔŋ Wɩa lɩɩ-fooru-la nyuŋ nɛ.”

Maak 6:24 ပူးပေါင်းရင်းမြစ်များ

2 SAMƲƐL 13:5

Jonadab bʋla pʋ, “Jʋʋ pɩŋ a fugoo wɩɩlɛ. Dɩ ŋ nyɩmma nɛ kɔ dɩ ʋ naŋ, bʋla pʋ, ‘Mɩɩ chɛ mɩ dɩ-haala Tama nɛ kʋ ŋaa kʋdiilee pɩmɛ dɩ mɩ dii. Mɩɩ chɛ dɩ ʋ ŋɩŋaa kʋdiile-la ka dɩ mɩ bibeŋ nɛ, dɩ ʋ nɛ dɛrɛ, ʋ tɩtɩa ŋaa pɩmɛ dɩ mɩ dii.’ ”

JOB 31:31

Nɩalɩŋ kala sɩɩ tɩŋ mɩ dɩa lɛ jɩma arɩ mɩ yie cheme laa nʋhʋɔrʋ kala sɩ kɔ mɩ dɩa nɛ.

WƖA YƖƖLAA 27:2

Dɩ nɩbɔŋŋɔɔ nɛ gollimi a wʋwalɩmɛ dɩ ba kpʋmɛ, dɩ mɩ dʋndɔŋŋɔɔ nɩɩ yuomi, ba jaŋ gɛrɛ tel.

WƖA YƖƖLAA 37:12

Nɩbɔŋŋɔɔ sii chɩŋ tʋɔpʋl tɩŋŋaa lɛ nɛ a gɩgɩɛnɛba.

WƖA YƖƖLAA 37:14

Nɩbɔŋŋɔɔ chaarɛ tokobiee nɛ a lɛrɛ ba tosuŋ hɛ, dɩ ba kpʋ summoo arɩ nɩalɩŋ sɩ bɩ ba tɩtɩa lɛ wuo pɛ, arɩ nɩalɩŋ kala sɩɩ ŋaa wɩaa ba bʋa lɛ.

Matiu 14:8

Ŋɩɩ nɛ tolo-la mʋ bʋl wɩɩŋ deeŋ a pɩ ʋ naaŋ aŋ pɩɛsʋ, “Mɩ bʋl mɩɩ chɛ bɛɛ kʋŋ nɛ?” Ŋɩɩ nɛ ʋ naaŋ bʋla pʋ arɩ ʋ bʋl ʋʋ chɛ dɩ ʋ keri Jɔɔŋ Wɩa lɩɩ-fooru-la nyuŋ a hɛ pɩrata lɛ nɛ a pʋ. Tolo-la bʋl ŋɩɩ.

Matiu 3:1

Bʋa-la lɛ Jɔɔŋ Wɩa lɩɩ-fooru-la sii kɔ Judiya tinteeŋ a jʋʋ tintee-hɩlɩŋ tʋɔŋ a suomo bʋl Wɩa wɩaa pɩpɩ nɩaa.

Maak 6:23

Ʋ paala ŋmɩɛsɛ nɛ a bʋl, “Kʋ-la na-kala ŋ sɩɩ chɛ, pɩɛsɛmɛ, mɩ jaŋ pɩŋ. Dɩ ŋ nɩɩ chɛ mɩ tinteeŋ kpaa magɛ dɔŋɔ ma, mɩ jaŋ pɩŋ.”

Maak 6:25

Tolo-la mɩɩrɛ lɩma lɩma a mʋ kuoro teeŋ a bʋla pʋ, “Mɩɩ chɛ dɩ ŋ keri Jɔɔŋ Wɩa lɩɩ-fooru-la nyuŋ nɛ a hɛ pɩrata lɛ kʋ pɩmɛ lɛɛlɛ.”