Maak 6:11 - WƖA TENIŊ

¹¹ Dɩ ma nɛ mʋ taŋ kala, dɩ taŋ-la nɩaa nɛ bɩ ma laa koo a bɩ ma wɩalɩŋ jegile nɩɩ, má kiele mʋ. Dɩ ma nɛ lɩa, má kpesi ma naasɩŋ hagɩla ta. Ba jaŋ jɩŋ arɩ ba ŋaa wɩɩ nɛ a cheima.”

Maak 6:11 ပူးပေါင်းရင်းမြစ်များ

NƐHƖMAAYA 5:13

Ŋɩɩ nɛ mɩ kɛŋ mɩ gɛrɩpɛ jalɩɩ-la sɩ vɔɔ mɩ tɩŋa puri a kaa kpesi aŋ bʋl, “Ŋ-la nɛ Wɩa jaŋ kɛŋ ma kʋŋkala sɩ jaŋ vɩa dɩ ŋ to niiŋ deeŋ a kpese ta. Wɩa jaŋ laa ŋ dɩa arɩ ŋ dʋa kala ka dɩ ŋ kɛŋ na-hɩllɩŋ.” Nɩalɩŋ kala sɩ hilimi lee-la bʋl, “Amɩɩ,” aŋ dɛnnɛ La TƖƖNA. Ŋɩɩ nɛ sɩpaalaara-la kɛŋ wɩɩ-la ba sɩ bʋla tɩŋ.

Matiu 12:36

Mɩ bʋlaa pɩma arɩ sarɩya chɛ-diiliŋ, nʋʋkala jaŋ dagɛ wʋbɔmɔ-la ʋ niiŋ sɩ bʋla.

Maak 6:10

Dɩ ma nɛ mʋ jʋʋ taŋ kala, dɩa-la nɩaa sɩ laama, má hɛ dɩa-la lɛ halɩɩ dɩ bʋa-la lɛ ma sɩ jaŋ lɩɩ taŋ-la lɛ yi.

Luuk 9:5

Dɩ ma nɛ mʋ taŋ kala, dɩ ba vɩama, má kiele mʋ. Dɩ ma nɩɩ mʋ, má kpesi ma naasɩŋ hagɩla ta. Ŋɩɩ jaŋ ŋaa dɩ ba jɩŋ arɩ ba ŋaa wɩɩ nɛ a cheima.”

Tɩntɩŋŋaa 18:6

Ŋɩɩ nɛ Juu tɩmma-la lɩɩ Pɔɔl harɩŋ aŋ tʋʋsʋ. Ba sɩ ŋaa ŋɩɩ, ʋ kpesi ʋ gɛnnɩŋ kʋŋkɔlʋŋ hɛ ba lɛ aŋ bʋla pɩba, “Ma wʋbɔŋŋɔɔ jaŋ nyʋa ma nyuŋ lɛ. Mɩ wɩɩ dee. A lɩɩ jɩnɩŋ mɩ jaŋ mʋ a bʋl Wɩa wɩaa pɩ nɩalɩŋ sɩ bɩ Juu tɩŋŋaa ŋaa.”

Rom Tɩŋŋaa 2:16

Ŋɩɩ wɩaa Wɩa wʋzɔmɔ-la mɩ sɩ bʋla pɩma daga arɩ ŋ-la nɛ ʋ jaŋ nagɛ tapʋlɩɩ-la Wɩa sɩ jaŋ kɛŋ nɩaa wʋfalaa kaa kʋ lɩɩ pʋlʋmʋŋ, a to Yesu Kirisito lɛ a dii ba sarɩya.

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.

2 Pɩɩta 2:6

Bʋa-la lɛ tasɩŋ balɩa ma fa hɛ nɩmɛ. Ba yɩraa nɛ Sodom arɩ Gomora. Ba nɩaa fa sɩɩ ŋaa wʋbɔŋŋɔɔ, Wɩa fa dɔgɩsɛba nɛ. Ʋ fa joŋ nyiniŋ nɛ a nyɩgɛba, ba kala dii buru aŋ ka tʋɔrʋŋ dʋndʋŋa. Wɩa dagɛ ŋɩɩ arɩ ʋ jaŋ dɔgɩsɛ nɩalɩŋ kala sɩ bɩ ʋ wombiiŋ ka to.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

2 Pɩɩta 3:7

Wɩa bɩra bʋla arɩ ʋ jaŋ leŋ dɩ nyiniŋ dii tinteeŋ arɩ wɩa-nyuŋ kala sɩ hɛ nɩmɛ lɛɛlɛ ŋ-la. Ama ba jaŋ hɛ nɩmɛ halɩɩ, dɩ tapʋlɩɩ-la Wɩa sɩ jaŋ dii dʋnɩa nɩaa sarɩya kʋ yi. Nɩalɩŋ sɩ bɩ ʋ niiŋ wɩaa ka to, Wɩa jaŋ joŋ cheeriŋ pɩba a cheiba.

1 Jɔɔŋ 4:17

Dɩ la nɛ cho Wɩa arɩ nɩaa kɩŋkɛŋ, la jaŋ nagɛ ŋɩɩ ʋ fa sɩ naga dʋnɩa lɛ. Dɩ la nɛ ŋaa ŋɩɩ, la jaŋ kɛŋ nyuduoŋ tapʋlɩɩ-la Kirisito sɩ jaŋ dii dʋnɩa nɩaa sarɩya.

Juud 1:7

Ŋɩɩ tɩtɩa nɛ, Wɩa dɔgɩsɛ tasɩ-la ba sɩɩ yɩrɛ Sodom arɩ Gomora arɩ tabala-la kala sɩ golli lee-la. Nɩalɩŋ fa sɩ hɛ tasɩ-la tʋɔŋ faa ŋaa wʋlɩɩlɩŋ arɩ disinni-la nuhuobiinee paala sɩ bɩ maga dɩ ba ŋaa nɛ. Wɩa jomba hɛ nyiŋ-la sɩɩ dii deeŋ deeŋ, a bɩ dɩsɛ lɛ nɛ, aa chagɩlɛ nɩalɩŋ kala sɩɩ ŋaa wʋbɔŋŋɔɔ.