Maak 5:23 - WƖA TENIŊ

²³ a sʋlʋ woruŋ a bʋl, “Mɩ tolo nɩɩ wɩɩlʋ a pɩna kɩkɩɩgɛ dɩ ʋ sʋʋ. Mɩɩ chɛ dɩ ŋ kɔ a joŋ ŋ nɩsɩŋ daŋ ʋ lɛ, dɩ ʋ duori nɛ a kɛŋ mɩɩsɩŋ.”

Maak 5:23 ပူးပေါင်းရင်းမြစ်များ

2 KUOROO 5:11

Ŋɩɩ nɛ baanɩŋ kɛŋ Naamaŋ ʋ viviiri aŋ bʋl, “Mɩ fa bɩɩna ʋ jaŋ kʋ lɩɩ mɩ teeŋ a yɩrɛ ʋ Tɩɩna Wɩa, aŋ kɛŋ ʋ nɩsɩŋ zaarɛ mɩ yaraa lere-la sɩ pʋlla a vaarɛmɛ.

WƖA YƖƖLAA 107:19

Wɩaa chaasa jʋʋba nɛ ba ŋmoo niiŋ pɩ La Tɩɩna, ʋ laaba ta ba hɛɛŋ lɛ.

WƖA YƖƖLAA 50:15

Má yɩrɛmɛ tapʋlɩɩ-la wɩaa sɩ jʋʋma, mɩ jaŋ laama ta dɩ ma zilmi.”

Matiu 8:3

Ŋɩɩ nɛ Yesu lɩɩsɛ ʋ nɩsɩŋ a digu aŋ bʋl, “Mɩ cho nɛ, duori.” Yawɩɩl-la guu leŋ baal-la.

Maak 16:18

Ba jaŋ wuo kukori dɩŋŋaa, a nyʋa daalusuŋ sɩɩ kpʋ nɩaa, ka ʋ bɩ jaŋ ŋaaba wɩɩkala. Ba jaŋ wuo joŋ ba nɩsaa a daŋ nyanyal tɩŋŋaa lɛ dɩ ba duori.”

Maak 5:24

Yesu sii to ʋ harɩŋ, ba mʋmʋ. Nɩ-daŋ ma sii tuto ʋ harɩŋ a gollu chu.

Maak 6:13

Ba kiri jɩŋ-bɔŋŋɔɔ ma a yʋgɛ nɩaa lɛ, aŋ joŋ nʋʋŋ ma a tɩsɛ nyanyal tɩŋŋaa yʋgɛ ba duori.

Maak 7:32

Ŋɩɩ nɛ dɩ taŋɩŋ hɛ nɩmɛ. Ba kɛnʋ kaa kɔ a sʋl Yesu dɩ ʋ joŋ ʋ nɩsɩŋ daŋ ʋ lɛ.

Maak 8:23

Ʋ kɛŋ nyʋlʋŋ-la nɩsɩŋ lɛ a kaa lɩɩ taŋ-la tʋɔŋ a tʋ nantʋɔrʋŋ hɛ ʋ sɩaa lɛ a joŋ ʋ nɩsaa daŋ ʋ lɛ aŋ pɩɛsʋ, “Ŋ na leriŋ nɛɛ?”

Luuk 13:13

Ŋɩɩ nɛ ʋ joŋ ʋ nɩsaa a daŋ haal-la lɛ. Haal-la guu tɩɛnɛ a dɛnnɛ Wɩa.

Luuk 4:38

Ŋɩɩ nɛ Yesu lɩɩ Wɩɩchʋɔlɛ dɩa-la lɛ a mʋ baal kʋbala baa yɩrɛ Saamɔŋ dɩa. Ʋ mʋa dɩ Saamɔŋ hɩɩlɩ-haala pɩna aa wɩɩlɛ. Ʋ yaraa kala lɩŋ. Ba sɩ bʋl ʋ wɩaa pʋ,

Luuk 4:40

Dɩ nɩaa dɔnsʋŋ ma nɛ ŋɩɩ, ba nandɔnsʋŋ wʋwɩɩlɛ. Nyanyal doho kala nɛ kɛmba. Wɩa sɩ jʋa, ba kɛmba kaa kɔ Yesu teeŋ. Ʋ joŋ ʋ nɩsaa a daŋ ba kʋŋkala lɛ, ba duori.

Luuk 7:12

Ʋ sɩ mʋ kpagɛ taŋ-la boi-baalɩŋ niiŋ dɩ baa yel yoho. Baal kʋbala nɛ sʋba. Ʋ nɛ fa ŋaa ʋ naaŋ bie kala. Ʋ naaŋ ma fa ŋaa yo-haal nɛ. Nɩaa yʋga a lɩɩ taŋ-la a kʋ chigi haal-la.

Jɔɔŋ 11:3

Ʋ dɩhaalaa tɩŋ ba mʋ bʋla pɩ Yesu, “La Tɩɩna, nɩɩ-la ŋ sɩ cho ka wɩɩlʋ nɛ.”

Tɩntɩŋŋaa 28:8

Kuoru-la nyɩmma faa wɩɩlɛ nɛ a pɩŋ dɩa lɛ. Ʋ yaraa fa lɩma nɛ, aŋ ka ʋ nɩnɩgɩlɛ. Ŋɩɩ nɛ Pɔɔl jʋʋ naʋ ʋ dɩa lɛ a joŋ ʋ nɩsɩŋ daŋ ʋ lɛ a chʋɔlɛ Wɩa pʋ, ʋ duori.

Tɩntɩŋŋaa 6:6

Ŋɩɩ nɛ ba kɛŋ nɩalɩŋ balɩpɛ-la ba sɩ lɩɩsa a kaa mʋ Yesu nanzɔɔba-la sɩpaaŋ. Ba chʋɔlɛ Wɩa pɩba aŋ joŋ ba nɩsaa daŋ ba lɛ.

Tɩntɩŋŋaa 8:17

Pɩɩta arɩ Jɔɔŋ joŋ ba nɩsaa daŋ ba lɛ, ŋɩɩ nɛ Wɩa Dɩŋ-zɔmʋŋ kʋ tuu hɛba lɛ.

Tɩntɩŋŋaa 9:12

Ŋɩɩ nɛ Yesu bɩra bʋla pɩ Ananɩas, “Sɔɔl sɩɩ chʋɔlɛ Wɩa ŋɩɩ, ʋ na arɩ duosoo tʋɔŋ, ŋ-na Ananɩas, dɩ ŋ kʋ jʋʋ a joŋ ŋ nɩsɩŋ daŋ ʋ lɛ dɩ ʋ sɩaa bɩra suri.”

Tɩntɩŋŋaa 9:17

Ŋɩɩ nɛ Ananɩas sii mʋ dɩa-la Sɔɔl sɩ jʋa. Ʋ jʋʋ a joŋ ʋ nɩsaa daŋ Sɔɔl lɛ aŋ bʋl, “Mɩ naambie Sɔɔl, La Tɩɩna Yesu-la ŋ sɩ na wombiiŋ lɛ ŋ sɩɩ kɔ daha, ʋ nɛ tɩmmɛ. Ʋ tɩmmɛ dɩ mɩ kɔ dɩ ŋ sɩaa wuo suri, ka dɩ Wɩa Dɩŋ-zɔmʋŋ ma hɛŋ lɛ.”