Maak 5:22 - WƖA TENIŊ

²² Ŋɩɩ nɛ dɩ baal kʋbala ma hɛ nɩmɛ, ʋ yɩrɩŋ nɛ Jaarɩs. Ʋ fa ŋaa Wɩɩchʋɔlɛ dɩa kʋhɩaŋ nɛ. Ŋɩɩ nɛ ʋ na Yesu a tuu tel ʋ naasɩŋ lɛ

Maak 5:22 ပူးပေါင်းရင်းမြစ်များ

Matiu 2:11

Ba sɩ mʋ yi lee-la bii-mulo-la sɩ hɛ, chɛnwʋl-la chɩŋ dɩa-la nyuŋ. Ba mʋ jʋʋ dɩa-la a na bii-mulo-la arɩ Mɛɛrɩ, ʋ naaŋ. Ba tuu kpirimi ʋ sɩpaaŋ a chʋɔlʋ. Ŋɩɩ nɛ ba puri ba chʋgʋsʋŋ a lɩɩsɛ kɩaa pʋ: Sɛlɩmɛ, tɩɩ-kel-zɔŋ baa yɩrɛ fɩraŋkɩsɛŋ arɩ tɩɩ-kel-zɔŋ dɔŋɔ baa yɩrɛ mɛɛ.

Maak 5:33

Ama haal-la jɩŋ wɩɩ-la sɩ ŋaa ʋ lɛ nɛ. Ŋɩɩ nɛ fawʋllʋŋ kɛnʋ ʋ kɔ a chichel a tuu tel Yesu naasɩŋ lɛ a bʋl wɩɩ-la kala pʋ.

Maak 5:38

Ŋɩɩ nɛ ba kʋ yi Wɩɩchʋɔlɛ dɩa kʋhɩaŋ-la dɩa. Baa kɔ dɩ leriŋ kala ŋaa vugumo vugumo ka nɩaa yiyel a faasa ŋmuŋmoo niiŋ.

Luuk 13:14

Ŋɩɩ nɛ Wɩɩchʋɔlɛ dɩa-la kʋhɩaŋ na baanɩŋ arɩ Yesu sɩ vaarɛ nɩaa chɛ-wiesii-la chɛɛŋ. Ʋ bʋla pɩ nɩalɩŋ a bʋl, “Tapʋlaa balɩdʋ nɛ maga la tɩŋ tɩntɩŋŋaa. Ŋɩɩ wɩaa ma kɔ tapʋlɩa-la dɩ ba vaarɛma, ama chɛ-wiesii-la chɛɛŋ dee.”

Luuk 5:8

Saamɔŋ yɩrɩŋ dɔŋɔ ma nɛ fa ŋaa Pɩɩta. Saamɔŋ Pɩɩta sɩ na wɩɩ-la sɩ ŋaa, ʋ tuu kpirimi Yesu sɩpaaŋ aŋ bʋl, “Mɩ Tɩɩna, sii lɩɩ mɩ teeŋ. Mɩ ŋaa wʋbɔŋ-ŋaarʋ nɛ.”

Luuk 8:28

Ʋ sɩ na Yesu, ʋ ŋmoo niiŋ aŋ tuu tel ʋ sɩpaaŋ, aŋ bʋla pʋ, “Yesu, Wɩɩ-balɩŋ Bie, bɛɛ nɛ ŋ chɛ ŋ ŋaa mɩ lɛ? Mɩɩ sʋlʋŋ, sɩ́ mɩ dɔgɩsʋ.”

Tɩntɩŋŋaa 13:15

Ba sɩ hɔŋ ŋɩɩ, nʋʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ Wɩa tenni-la Wɩa wʋlaabʋllaa fa sɩ ŋmʋnsa. Ba sɩ karɩma dɛrɛ, Wɩɩchʋɔlɛ dɩa-la kʋhɩasɩŋ tɩŋ dɩ ba bʋla pɩba, “La naambiiriŋ, dɩ ma nɛ kɛŋ wɩɩ ma sɩ jaŋ bʋla pɩ nɩaa deemba dɩ ba nyuŋ nyaasɛ, má bʋl.”

Tɩntɩŋŋaa 18:17

Ba kala lɩɩ gollo kɛŋ Sɔsɩtɛnɛs, nɩɩ-la fa sɩ ŋaa Wɩɩchʋɔlɛ dɩa kʋhɩaŋ, a ŋmobu sarɩya dɩ-diiliŋ boiŋ niiŋ. Ama Galio sɩpaa kala fa tuo nɩmɛ.

Tɩntɩŋŋaa 18:8

Baal kʋbala baa yɩrɛ Kɩrɩsɩpas nɛ fa ŋaa Wɩɩchʋɔlɛ dɩa-la kʋhɩaŋ. Ʋ dɩ ʋ dɩa nɩaa kala laa La Tɩɩna Yesu wɩaa dii. Nɩaa ma yʋga Kɔrɩntɩ lɛ a nɩɩ Wɩa wɩalɩŋ a laaba dii, ba foba Wɩɩchʋɔlɛ lɩɩŋ.

Jɔɔŋ Wʋnaalaa 22:8

Mɩ-na Jɔɔŋ, mɩ nɛ nɩɩ wɩaa deemba aŋ pɛ na ma. Mɩ sɩ nɩɩba aŋ pɛ na ŋɩɩ, mɩ tuu kpirimi Wɩa tɩndaarʋ-la sɩɩ dagɛmɛ wɩaa deemba sɩpaaŋ dɩ mɩ chʋɔlʋ.