Maak 4:8 - WƖA TENIŊ

⁸ Kʋdoho-la dɔnsʋŋ ma tel tintee-zɔmʋŋ lɛ a nyʋ a waa a wasɛ woruŋ. Dɔnsʋŋ hɛ biee mara arɩ fii fii, dɔnsʋŋ ma mahɩŋ batori batori, dɔnsʋŋ ma zɔlɔ zɔlɔ.”

Maak 4:8 ပူးပေါင်းရင်းမြစ်များ

WƖAA DƖ-SUOMUŊ 26:12

Ŋɩɩ nɛ Aɩzɩk bil baga tintee-la lɛ a duu kɩaa. Jɩna-la tɩtɩa ʋ na kɩaa woruŋ, bɛɛ wɩaa La TƖƖNA pɛ ʋ lɛ nɛ.

AZAAYA 58:1

La TƖƖNA sɩ, “Chaasa suri ŋ yikoro dɩ ʋ sii wɩa-nyuŋ a nagɛ banyile a bʋla pɩ mɩ nɩaa Iziral tɩŋŋaa arɩ ba ŋaa wʋbɔŋ nɛ, a leŋ ba jɩŋ arɩ ba vɩa mɩ niiŋ nɛ.

JƐRƖMAAYA 23:29

Mɩ niiŋ wɩaa nagɛ nyiniŋ nɛ, a bɩra nagɛ hama a ŋmoo bʋŋ yɩyɛrɛ muno muno.

Matiu 13:23

Kɩalɩŋ sɩ tel tintee-zɔmʋŋ lɛ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a jɩŋ ba bʋbʋɔŋ. Wɩalɩŋ kɛŋ doho kɩŋkɛŋ kɩŋkɛŋ ba teeŋ, dɔnsʋŋ nɛŋ zɔlɔ zɔlɔ, dɔnsʋŋ mahɩŋ batori batori, dɔnsʋŋ ma mara arɩ fii fii.”

Matiu 13:8

Kʋdoho-la dɔnsʋŋ ma tel tintee-zɔmʋŋ lɛ a nyʋ a waa a wasɛ woruŋ. Dɔnsʋŋ hɛ biee zɔlɔ zɔlɔ, dɔnsʋŋ ma mahɩŋ batori batori, dɔnsʋŋ ma mara arɩ fii fii.”

Maak 4:20

Kɩalɩŋ ma sɩ tel tintee-zɔmʋŋ lɛ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a laaba hɛ ba tʋɔŋ lɛ ba kɛŋ doho a pʋŋ, dɔnsʋŋ mara arɩ fii fii, dɔnsʋŋ mahɩŋ batori batori, dɔnsʋŋ zɔlɔ zɔlɔ.”

Maak 4:7

Kʋdoho-la dɔnsʋŋ ma tel sɔsʋŋ tʋɔŋ a nyʋ, sɔsʋ-la waa a nyagɛba kpʋ. Ba bɩ wasa.

Maak 4:9

Yesu magɛ namaga-la dɛrɛ aŋ bʋl, “Dɩgɩlaa tɩŋŋaa, má wuoli ma dɩgɩlaa a nɩɩ.”

Luuk 8:15

Kɩalɩŋ sɩ tel tintee-zɔmʋŋ tʋɔŋ ma nɛ ŋaa nɩalɩŋ sɩ nɩɩ Wɩa niiŋ wɩalɩŋ a laaba hɛ ba tʋɔŋ lɛ a tutoba, a pɛsɛ wɩalɩŋ lɛ halɩɩ, ba kɛŋ doho.”

Luuk 8:8

Kʋdoho-la dɔnsʋŋ ma tel tintee-zɔmʋŋ lɛ, a nyʋ a waa a wasɛ woruŋ a hɛ biee zɔlɔ zɔlɔ.” Yesu magɛ namaga-la dɛrɛ aŋ bʋl, “Dɩgɩlaa tɩŋŋaa, má wuoli ma dɩgɩlaa nɩɩ.”

Jɔɔŋ 15:5

Ŋɩɩ nɛ Yesu bɩra bʋl, “Mɩ nagɛ tɩa nɛ, ma ma nagɛ tɩa-la naakelee. Nɩɩ-la kala sɩ mɛrɛ mɩ lɛ, mɩ ma mɛrɛ tɩɩna lɛ, ʋ nɛ jaŋ wuo ŋaa wʋzɔŋŋɔɔ yʋgɛ, bɛɛ wɩaa dɩ ma nɛ bɩ mɩ lɛ mɛrɛ, ma bɩ jaŋ wuo ŋaa wɩɩkala.

Jɔɔŋ 7:17

Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

Ɛfɛsɩs Nɩaa 2:21

Ʋ nɛ chagɛ dɩa-la kala bil ʋ kʋ ŋaa Wɩa dɩɩ-balɩŋ sɩ bɩ disiniŋ kɛnɛ, La Tɩɩna Yesu dɩa-la.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Koloosi Nɩaa 1:6

Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.