Maak 4:39 - WƖA TENIŊ

³⁹ Ŋɩɩ nɛ ʋ sii doŋ lɛ a kpɩa pel-la lɛ a bʋla pɩ lɩɩ-pel-la ma dɩ ʋ fɩɛla pɩŋ. Pel-la sigili, ka leriŋ kala ŋaa fʋɩɩ.

Maak 4:39 ပူးပေါင်းရင်းမြစ်များ

JOB 38:11

Mɩ nɛ bʋla pɩ mʋgʋ-balɩŋ, ‘Ŋ jaŋ wuo kʋ magɛ ŋ-la nɛ, aŋ sɩ́ ŋɩɩ lɛ kielu, daha nɛ ŋ lɩɩ-peliŋ doluŋ maga dɩ ʋ chɩna magɛ.’

WƖA YƖƖLAA 107:29

Ʋ nɛ leŋe pel-duoŋ arɩ lɩɩ-peliŋ kala sigili, ka mʋgʋ-balɩŋ fɩɛla pɩŋ.

WƖA YƖƖLAA 148:8

duoŋ-lɩgɩsɩŋ arɩ duoŋ-tabɩaa, bʋrʋŋ arɩ duoŋ-bɩlɩmbaanɩŋ, duoŋ-peliŋ sɩɩ to La Tɩɩna niiŋ,

WƖA YƖƖLAA 29:10

La Tɩɩna nɩɩ beŋ lɩɩraa kala. Ʋ nɛ kuoro a kaa mʋ wuu.

WƖA YƖƖLAA 65:7

Ŋ nɛ leŋe mʋgʋ-balɩŋ lɩɩŋ dɔmɔ sigili, a leŋ lɩɩ-peliŋ dɔmɔ sigili a leŋ tinteyee nɩaa sɩɩ ŋaa goŋ-la ma sigili.

WƖA YƖƖLAA 89:9

Ŋ nɩɩ beŋ mʋgʋ-balɩŋ, dɩ ʋ lɩɩ pel-duoŋ nɛ sie, ŋ yie ŋaa ʋ sigili nɛ.

MOSIS KƐŊ IZIRAL TƖŊŊAA LƖƖ 14:16

Kɛŋ ŋ dantɩga-la je a zaarɛ mʋga-la nyuŋ, lɩɩ-la jaŋ pɔɩ balɩa, dɩ Iziral tɩmma-la vɛŋ tintee-hɩlɩŋ lɛ mʋga-la tʋɔŋ.

MOSIS KƐŊ IZIRAL TƖŊŊAA LƖƖ 14:22

Ŋɩɩ nɛ Iziral tɩŋŋaa vɛŋ mʋga-la tʋɔŋ tintee-hɩlɩŋ, ka lɩɩ-la nagɛ jebiiŋ ba nadiiŋ arɩ ba nagʋa.

NAMAGABA 8:29

Mɩ hɛ nɩmɛ nɛ ka ʋ keri leriŋ pɩ mʋgʋ-balɩŋ, dɩ lɩɩ-la sɩ́ wuo kieli lee-la ʋ sɩ kere pʋ. Mɩ hɛ nɩmɛ nɛ ka ʋ bil tinteeŋ gentine.

JƐRƖMAAYA 5:22

La TƖƖNA pɩɛsa, “Ma bɩ mɩ ka fáa? Ma bɩ maga dɩ ma chichel mɩ sɩpaaŋ? Mɩ-na nɛ bil hagɩlɩ-bumbugulo ʋ ŋaa mʋgʋ-balɩŋ bʋa, bʋa-la hɛ nɩmɛ nɛ a kaa mʋmʋ wuu, ʋ bɩ jaŋ wuo cholu. Lɩɩ-peliŋ jaŋ wuo sii, ama ʋ bɩ jaŋ wuo cholu. Ba jaŋ wuo huuri woruŋ, ama ba bɩ jaŋ wuo cholu.

JEMBIEE 3:31

bɛɛ wɩaa La TƖƖNA bɩ nɩaa vɩa tɩta deeŋ deeŋ.

NAHUM 1:4

Dɩ ʋ nɛ kpɩa mʋgʋ-balɩŋ lɛ, ʋ yie hʋ nɛ, ʋ yie leŋ fuonuŋ kala hɩl. Basaŋ tinteeŋ arɩ Kamɛl peeliŋ tɩɩsɩŋ arɩ yaŋ kala hɩl, Lɛbanɔŋ tinteeŋ tɩɩfɩɩlaa kala yuori.

Matiu 8:26

Ŋɩɩ nɛ Yesu pɩɛsɛba, “Bɛɛ nɛ tɩɩ fawʋllʋŋ kɛmma? Ma Wɩa laa diiniŋ bɩ yʋgɛ.” Ŋɩɩ nɛ ʋ sii kpɩa pel-la lɛ aŋ bʋla pɩ fuo-la ma dɩ ʋ fɩɛla pɩŋ, leriŋ kala guu ŋaa fʋɩɩ.

Maak 4:38

Ama Yesu fa pɩŋ doŋ nɛ daboro-la harɩŋ a yelli nyuŋ-yelle. Ba kʋ chɩsʋ a bʋla pʋ, “La kʋhɩaŋ, ŋ bɩ jɩŋ dɩ laa chɛ la sʋʋ nɛɛ?”

Maak 9:25

Yesu sɩ na dɩ nɩ-daŋ fa kʋ hihilimiba, ʋ kpɩa jɩŋ-bɔŋ-la lɛ, “Jɩŋ-taŋɩɩ, mɩ nɛ bʋla, kʋ lɩɩ bile lɛ. Pʋpɔ dɩ ŋ maachie bɩra sɩ́ ʋ jʋʋ.”

Luuk 4:35

Yesu sɩ nɩɩ wɩalɩŋ baal-la sɩ bʋla, ʋ kpɩa jɩŋ-bɔŋ-la lɛ, “Kɛŋ goŋ aŋ kʋ lɩɩ baal-la lɛ.” Jɩŋ-bɔŋ-la ŋaa baal-la tel ba kala sɩpaaŋ aŋ lɩɩ baal-la lɛ, a bɩ ʋ pɩra.

Luuk 4:39

Yesu mʋ chɩŋ ʋ sɛmɛ aŋ kpɩa nyanyalɩɩ-la lɛ dɩ ʋ leŋu. Nyanyalɩɩ-la leŋ haal-la, ʋ guu sii a ŋaa kʋdiilee pɩba.

Luuk 8:24

Ŋɩɩ nɛ Yesu harɩ-tooro-la mʋ lee-la ʋ fa sɩ pɩna, a chɩsʋ a bʋla pʋ, “La kʋhɩaŋ, laa chɛ dɩ la sʋʋ nɛ.” Ŋɩɩ nɛ Yesu sii doŋ lɛ a kpɩa pel-la lɛ aŋ bʋl lɩɩ-pel-la ma lɛ dɩ ʋ fɩɛla pɩŋ. Pel-la kɛrɛ, ka leriŋ kala ŋaa fʋɩɩ.