Maak 4:31 - WƖA TENIŊ

³¹ Ʋ nagɛ kʋdoho kʋbala ba sɩɩ yɩrɛ masɩtad nɛ, ba yie joŋo duu. Ʋ nɛ muuro kɩɩ kʋdoho na-kala sɩ hɛ nɩmɛ.

Maak 4:31 ပူးပေါင်းရင်းမြစ်များ

AZAAYA 53:12

Ŋɩɩ wɩaa, mɩ jaŋ pʋʋ dɩhɔnʋŋ nɩbalaa tʋɔŋ, ʋ jaŋ laa yɩrɩŋ aŋ kɛŋ doluŋ ma. Bɛɛ wɩaa ʋ joŋ ʋ mɩɩsɩŋ ta nɛ a sʋʋ, a nagɛ ʋ ma ŋaa nɩbɔŋ nɛ. Ʋ nɛ laa nɩaa wʋbɔŋŋɔɔ kala chʋŋ a na hɛɛŋ, aŋ sʋl Wɩa dɩ ʋ joŋo chɛba.

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

AZAAYA 60:22

Ŋ dɩa-la nɩaa sɩ paala bɩ yʋgɛ jaŋ kʋ ŋaa tintee bal a kɛŋ doluŋ. Mɩ-na nɛ ma TƖƖNA, dɩ bʋa-la nɛ yie, mɩ jaŋ guu ŋaa wɩalɩŋ kala.”

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

ZƐKARƖYA 12:8

Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

Maak 4:30

Ŋɩɩ nɛ Yesu bɩra pɩɛsɛba, “Bɛɛ nɛ la jaŋ joŋ Wɩa kuorii-la a kaa magɩsɛ? Namaga bɛɛ nɛ la jaŋ kaa dagʋ?

Maak 4:32

Ama dɩ ba nɛ duo dɩ ʋ nyʋ, ʋ yie sii waa a ŋaa tɩa a kɩɩ baga kʋduuloo kala kala. Ʋ naakelee yʋgɛ. Diibiisiŋ yie kʋ sagɛ ʋ lɛ a saa ba dɛllɩŋ.”

Luuk 17:6

Ŋɩɩ nɛ La Tɩɩna Yesu bʋla pɩba, “Dɩ ma laa diiniŋ nɛ fa magɛ kʋŋ biiŋ ba sɩɩ yɩrɛ masɩtad, ma fa jaŋ wuo bʋla pɩ tɩa dɩ ʋ churi ʋ tɩtɩa lɛ a mʋ chɔnsɛ mʋgʋ-balɩŋ tʋɔŋ. Ʋ fa jaŋ to ma niiŋ lɛ a ŋaa ŋɩɩ.”

Tɩntɩŋŋaa 19:20

Ŋɩɩ nɛ La Tɩɩna niiŋ wɩaa teeli leriŋ kala a dol woruŋ.

Tɩntɩŋŋaa 2:41

Ba tʋɔŋ nɩaa yʋga a laa wɩalɩŋ ʋ sɩ bʋla dii, ba foba Wɩɩchʋɔlɛ lɩɩŋ. Tapʋlɩɩ-la nɩaa yi bʋɩ batori a kʋ pɛ nɩalɩŋ sɩ laa Yesu wɩaa dii lɛ.

Tɩntɩŋŋaa 21:20

Ba sɩ nɩɩ wɩɩŋ deeŋ, ba dɛnnɛ Wɩa aŋ bʋla pɩ Pɔɔl, “La naambii, bee na Juu tɩŋŋaa yʋga a laa Yesu wɩaa dii. Ba yi nɩaa bʋɩ bʋɩ bʋɩ a kala tuto wɩalɩŋ woruŋ Mosis fa sɩ ŋmʋnsa bil dɩ nɩaa tuto.

Tɩntɩŋŋaa 4:4

Ka nɩalɩŋ sɩ nɩɩ wɩalɩŋ ba sɩ bʋla, nɩaa yʋga ba tʋɔŋ a laa Yesu wɩaa dii. Nɩalɩŋ sɩ laa wɩalɩŋ dii, ba tʋɔŋ baalaa pʋŋa yi bʋɩ banɔŋ.

Tɩntɩŋŋaa 5:14

Nɩalɩŋ sɩ laa Yesu wɩaa dii a kʋ pɛ nɩalɩŋ lɛ, ba kɩɩ nɩalɩŋ kala Wɩa fa sɩ vɛnɛ kaa kʋʋ pɛ, baalaa arɩ haalaa.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”