Maak 4:28 - WƖA TENIŊ

²⁸ Ba nyʋ ba tɩtɩa lɛ nɛ a waa, a tʋʋrɛ guloo, a lɩɩsɛ nyusuŋ, a hɛ biee a bii.

Maak 4:28 ပူးပေါင်းရင်းမြစ်များ

WƖAA DƖ-SUOMUŊ 2:9

Ŋɩɩ nɛ La TƖƖNA Wɩa leŋ tɩɩ-doho kala nyʋ a nɛŋ nɛnɛɛ sɩ zɔmɔ sɩɩŋ lɛ, a zɔŋ arɩ diiniŋ ma. Ŋmaŋkaa-la tʋtʋɔbaanɩŋ nɛ tɩa-la nɛnɛɛ sɩɩ pɩ mɩɩsɩŋ arɩ tɩa-la nɛnɛɛ ma sɩ jaŋ leŋ dɩ ŋ jɩŋ wʋzɔŋŋɔɔ arɩ wʋbɔŋŋɔɔ bʋa kala chɩŋ.

WƖA YƖƖLAA 1:3

Ba nagɛ tɩɩsɩŋ ba sɩ chɔnsɔ fuoŋ niiŋ nɛ, ba nɩnɛŋ ba bʋa lɛ, ba pɩpaarɩŋ bɩ yuori. Wɩɩ na-kala nɛ dɩ nɩaa deemba ŋaa, ʋ yie vɛŋ woruŋ nɛ a pɩba.

NAMAGABA 4:18

Tʋɔpʋl tɩŋŋaa wombiiŋ nagɛ taŋ sɩ pʋlaa kɔ leriŋ pʋpʋllɛ nɛ, a pʋllɛ ŋɩɩ a mʋ yi bʋa-la lɛ leriŋ sɩ chaasa pʋlla dɛrɛ.

TƖƖCHA 3:1

Wɩɩ na-kala kɛŋ ʋ bʋa nɛ, wɩɩ na-kala sɩɩ ŋaa dʋnɩa lɛ kɛŋ bʋa-la sɩ maga dɩ ʋ ŋaa nɛ:

TƖƖCHA 3:11

Ʋ ŋaa kʋŋkala ʋ bʋa-la lɛ nɛ, a leŋ ʋ zɔŋ. Wɩa nɛ joŋ wɩalɩŋ sɩ jaŋ hɛ nɩmɛ wuu tʋɔbɩɩnaa a pɩ nuhuobiine, aŋ bɩ leŋe ba chaasa jɩŋ wɩalɩŋ ʋ sɩ ŋaa a chɩŋ dɩ-suomuŋ a kaa mʋ dɩ-dɛrɩŋ.

AZAAYA 61:11

a nagɛ kʋdoho sɩ yie nyʋ lɩɩ tinteeŋ a waa ŋɩɩ baga lɛ, ŋɩɩ tɩtɩa nɛ La TƖƖNA Wɩɩjarɩbakɔ jaŋ laa ʋ nɩaa ta dɩ tinteyee nɩaa kala na a dɛnnʋ.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

Matiu 13:26

Miiri-la sɩ suomo nyʋ a nɩnɛŋ, yaŋ-la ma nyʋ.

Maak 4:27

Taŋ biri ʋ mɩɩra mʋ pɩŋ. Taŋ pʋl ʋ bɩra sii. Tapʋlaa baŋmɛnɛ ʋ sie dɩ kɩalɩŋ nyʋa a waa, ka ʋ bɩ jɩŋ ŋɩɩ ba sɩ ŋaa nyʋ.

Maak 4:29

Ba sɩ bɩa, ʋ joŋ sɩa a mʋ kʋŋ, bɛɛ wɩaa baga kɩaa ŋaanɩŋ yie nɛ.”

Fɩlɩpa Nɩaa 1:6

Mɩ laa dii arɩ Wɩa sɩ pɛ ma lɛ ma tɩŋ tɩntɩŋ-zɔmɔ-la ŋɩɩ, ʋ jaŋ pɛ ma lɛ dɩ ma tɩma mʋ yi tapʋlɩɩ-la La Tɩɩna Yesu Kirisito sɩ jaŋ kɔ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.