Maak 4:24 - WƖA TENIŊ

²⁴ Ʋ bɩra bʋla pɩba, “Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ, a paala kɩɩ ŋɩɩ.

Maak 4:24 ပူးပေါင်းရင်းမြစ်များ

NAMAGABA 19:27

Mɩ bii, dɩ ŋ nɛ vɩa dɩ ŋ jegilee nɩɩ dagɩŋ, ŋ jaŋ yeŋŋi wʋjɩmɩŋ lɛ.

AZAAYA 55:3

Má jegile nɩɩ woruŋ a kɔ mɩ teeŋ, má nɩɩ woruŋ, ŋɩɩ nɛ ma jaŋ kɛŋ mɩɩsɩŋ. Mɩ jaŋ hɛ nii-la sɩ bɩ jaŋ dɛrɛ mɩ dɩ ma pɛgɛ a choma arɩ wʋtɩtɩɩ a nagɛ ŋɩɩ mɩ fa sɩ cho kuoro Devit.

JƐRƖMAAYA 17:21

Wɩɩ-la mɩ-na ma TƖƖNA sɩ bʋla nɛ ŋ-la: Má pɔ ma sɩ́ kɩaa chʋŋ chɛ-wiesii-la chɛɛŋ, a sɩ́ kʋŋ ma kala chʋŋa to Jerusalɛm boi-baalaa kʋ jʋʋ.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Maak 9:7

Ŋɩɩ nɛ duoŋ-bɩlɩmbaanɩŋ kʋ tɔba. Ka yikoro lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Má jegile nɩɩ ʋ teeŋ.”

Luuk 8:18

Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ lɛ. Nɩɩ-la kala sɩɩ to Wɩa niiŋ wɩaa, Wɩa jaŋ faasa pɛ ʋ lɛ dɩ ʋ to woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la maa, ʋ jaŋ laaʋ kaa viiri.”

Jɔɔŋ 10:16

Mɩ kɛŋ piesee dɔnsʋŋ ma, aŋ ka ba tuo piesee deemba tʋɔŋ. Mɩ jaŋ kɛŋ ba ma kaa kɔ. Ba ma jaŋ jɩŋ mɩ yikoro a kala ŋaa nɩbala piesee, ba pie-daara ma ŋaa kʋbala.

Jɔɔŋ 10:27

Mɩ piesee nɩɩ mɩ yikoro nɛ, mɩ ma jɩmba, ba tuto mɩ harɩŋ.

Jɔɔŋ 5:25

Wʋtɩtɩɩ nɛ mɩ bʋla pɩpɩma, bʋa-la jaŋ yi, ʋ saa yie ma nɛ, nɩalɩŋ sɩ sʋba jaŋ nɩɩ mɩ-na Wɩa Bie yikoro. Nɩalɩŋ saa sɩ nɩɩ mɩ yikoro, ba jaŋ kɛŋ mɩɩsɩŋ.

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

2 Kɔrɩntɩ Nɩaa 9:6

Má sɩ́ wɩɩŋ deeŋ yʋ. Dɩ ŋ nɛ joŋ kʋdoho mʋa duu, kɩaa mʋa nɛ ŋ jaŋ kʋŋ, ama dɩ ŋ kʋdoho nɛ yʋga dɩ ŋ joŋo duu, ŋ jaŋ kʋŋ kɩaa yʋgɛ.

Hiburu TƖŊŊAA 2:1

A tɩŋ wɩɩŋ deeŋ wɩaa, ʋ maga dɩ la kɛŋ wɩalɩŋ la sɩ nɩa woruŋ, dɩ wɩɩkala sɩ́ leŋe dɩ la mɩɩrɛ harɩŋ.

1 Pɩɩta 2:2

Ʋ maga dɩ ma chɩchɛ Wɩa niiŋ wɩalɩŋ nɛ a nagɛ bii-mulluŋ sɩɩ chɛ yɩlɩŋ ŋɩɩ. Dɩ ma nɩɩ chɛ Wɩa wɩaa ŋɩɩ, ma jaŋ waa woruŋ ba lɛ, a mʋ yi tapʋlɩɩ-la Wɩa sɩ jaŋ laama ta.

1 Jɔɔŋ 4:1

Mɩ bii-chooloo, dɩ nɩaa nɛ sɩ dɩ ba kɛŋ doluŋ a wuo bʋl wɩaa, Wɩa Dɩŋ-zɔŋ-la doluŋ lɛ, má sɩ́ guu laa dii arɩ baa bʋl wʋtɩtɩɩ nɛ. Má laa sɩpaaŋ magɩsɛba na arɩ ba sɛnɛ ŋaa Wɩa wʋlaabʋllaa nɛɛ. Bɛɛ wɩaa wʋnyɩɛrɩ Wɩa wʋlaabʋllaa yʋga nɛ a hɛ dʋnɩa lɛ.