Maak 4:19 - WƖA TENIŊ

¹⁹ ama dʋnɩa kɩaa wɩaa wʋwalɩmɛba, a nyɩsɛba ba cho dɩ ba jige aa chɛ ba kɛŋ kʋŋkala. A tɩŋ kɩaa deemba wɩaa ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Maak 4:19 ပူးပေါင်းရင်းမြစ်များ

NAMAGABA 23:4

Sɩ́ faasa dɔgɩsɛ ŋ tɩtɩa a chɩchɛ dʋa. Kɛŋ wʋjɩmɩŋ a jɩma kɛŋ ŋ tɩtɩa.

NAMAGABA 23:5

Ŋ jaŋ wuo na dʋa fine, ka dɩ ba lɛl. Ba jaŋ guu nyʋ kɩŋkɛnsɩŋ a file jɩl wɩa-nyuŋ a nagɛ kachuuŋ.

TƖƖCHA 4:8

Baal kʋbala nɛ fa hɛ nɩmɛ ʋ dʋndʋŋ, ʋ bɩ bii kɛnɛ, ʋ bɩ naambii ma kɛnɛ, aŋ ka ʋ lɔlʋŋ fa bɩ dɛrɛ, ʋ sɩɩŋ fa bɩ ʋ dʋa ka su. Ŋɩɩ nɛ ʋ pɩɛsɛ ʋ tɩtɩa, “Kʋbɛɛ nɛ mɩ lɔlɔ pɩpa, bɛɛ nɛ tɩɩ mɩ bɩ chɛ dɩ nɩɩ kɩalɩŋ mɩ sɩ kɛnɛ sɩma?” Wɩɩŋ deeŋ ma bɩ bʋbʋɔ kɛnɛ, tʋɔ-chei tɩntɩmɩɩ nɛ.

AZAAYA 5:2

Ŋɩɩ nɛ ʋ bugili baga-la tinteeŋ kala a tʋɔsɛ tabɩaa ta, aŋ chɔnsɛ tɩɩsɩ-la ʋ sɩ cho baga-la lɛ, a saa dɩɩ-leŋiŋ ʋ sɩ jaŋ chɩŋ ʋ nyuŋ aŋ bibeŋ baga-la, aŋ lu buotuoŋ ba sɩ jaŋ tɔrɛ tɩɩnɛnɛ-la hɛ a chɩchagɛ ba lɩɩŋ. Ŋɩɩ nɛ ʋ gbɛrɛ dɩ tɩɩsɩ-la nɛŋ nɛŋ-zɔŋŋɔɔ, ba mɩɩra nɛŋ nɛŋ-lɔrʋnʋŋ dʋndʋŋa.

AZAAYA 5:4

Wʋbɛɛ nɛ fa maga dɩ mɩ ŋaa mɩ girep tɩɩsɩŋ baga-la lɛ ka mɩ bɩ ŋaa? Mɩ faa chɛ dɩ ʋ nɛŋ nɛŋ-zɔŋŋɔɔ nɛ, ka ʋ mɩɩra nɛŋ nɛŋ-lɔrʋnʋŋ dʋndʋŋa.

Matiu 13:22

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Matiu 19:23

Ŋɩɩ nɛ Yesu bʋla pɩ ʋ harɩ-tooroo, “Wʋtɩtɩɩ, mɩ bʋlaa pɩma, ʋ ŋaa wʋduo nɛ arɩ nɩɩ-la sɩ kɛŋ kɩaa sɩ jaŋ wuo jʋʋ Wɩa kuorii-la tʋɔŋ.

Matiu 3:10

Na, ba kɛŋ saaŋ jee nɛ a ŋaa siri dɩ ba keri tɩɩsɩŋ lo. Tɩa-la kala sɩ bɩ nɛŋ-zɔŋŋɔɔ ka nɛŋ, ba jaŋ keru lo a joŋo hɛ nyiniŋ lɛ.

Maak 4:18

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ,

Luuk 10:41

Ŋɩɩ nɛ Yesu bʋla pʋ, “Maata, wɩaa yʋga nɛ hɛ nɩmɛ a wʋwalɩmɩŋ.

Luuk 21:34

Má kɛŋ ma tɩtɩa, a sɩ́ wʋtɔɔnʋŋ ŋɩŋaa, a sɩ́ sɩnɩŋ nyʋa bubugi. Má sɩ́ leŋe dɩ dʋnɩa kɩaa wɩaa walɩmɛma. Dɩ wɩaa deemba nɩɩ walɩmɛma, tapʋlɩɩ-la mɩ-na Nuhuobiine Bie sɩ jaŋ kɔ, mɩ jaŋ guu kʋ dɩ-ma lɛ a nagɛ ba sɩ hɛ bɛrɛ́, kɩaa vɛnɛ mʋ jʋʋ aŋ bɩ jɩŋ ŋɩɩ.

Jɔɔŋ 15:2

Naakel-la kala sɩ mɛrɛ tɩa-la lɛ aŋ bɩ nɛŋ, ʋ yie kere ta nɛ, naakel-la kala sɩɩ nɛŋ, ʋ yie buoro ta nɛ, ka dɩ ʋ wuo faasa nɛŋ woruŋ.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Fɩlɩpa Nɩaa 4:6

Má sɩ́ leŋe dɩ kʋŋkala wɩaa wʋwalɩmɛma, ama dɩ ma nɩɩ chɛ kʋŋkala, má sʋl Wɩa a mʋ tɩgɛ kʋ-la lɛ. Má lʋlɔllɛ Wɩa, aŋ joŋ wɩalɩŋ ma sɩɩ chɛ aa bil ʋ sɩpaaŋ.

1 Timoti 6:17

Bʋla pɩ nɩalɩŋ sɩ kɛŋ kɩaa dʋnɩa deeŋ lɛ dɩ ba sɩ́ ba tɩtɩa dagʋ koo a joŋ ba yɩɛlaa hɛ ba dʋa lɛ, bɛɛ wɩaa nʋʋkala bɩ jɩŋ ʋ dʋa-la chie sɩ jaŋ chɩŋ ŋɩɩ. Ama ʋ maga dɩ ba joŋ ba yɩɛlaa hɛ Wɩa lɛ. Ʋ nɩɩ pɩla kʋŋkala la sɩɩ chɛ dɩ la kaa nɩnɩɩ sɩma.

2 Timoti 4:10

bɛɛ wɩaa Dɩmas vɩamɛ nɛ. Ʋ cho dʋnɩa kɩaa nɛ. Ŋɩɩ nɛ tɩɩ ʋ vɩamɛ ta aŋ mʋ Tɛsalonaaka. Kɩrɛsɩsɛŋ ma mʋ Galiisia, Taatɩs ma mʋ Dalɩmatɩa.

2 Pɩɩta 1:8

Dɩ wʋzɔŋŋɔɔ deemba nɛ hɛ ma lɛ, ba jaŋ pɛ ma lɛ dɩ ma ŋaa sɩɩfɩaŋ tɩmma a ŋɩŋaa wɩalɩŋ ma sɩ jɩma a mʋ tɩgɛ La Tɩɩna Yesu Kirisito lɛ.

Juud 1:12

Dɩ ma nɩalɩŋ sɩ cho dɔŋɔ nɛ hilime dɩ ma dii kɩaa, nɩaa deemba yie guoli ma tʋɔŋ nɛ. Ba nagɛ nanchʋɔsʋŋ nɛ aa chei ma kʋdiile-la. Ba dʋndʋŋa wɩaa nɛ ba yie chɩl. Ba nagɛ duonuŋ sɩ yie tɩŋ nɛ, ka peliŋ ŋaa kiri ʋ bɩ nɩa. Ba bɩra nagɛ tɩɩsɩŋ sɩ maga dɩ ba nɛŋ nɛ aŋ bɩ nɛŋ. Ba jaŋ huro churiba dɩ ba sʋʋ.