Maak 4:15 - WƖA TENIŊ

¹⁵ Kɩalɩŋ sɩ tel wombiiŋ lɛ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ. Dɩ ba nɩɩ wɩalɩŋ dɛrɛ, Sɩtaanɩ yie guu kɔ a kɛŋ wɩalɩŋ liiri ba tʋɔŋ lɛ.

Maak 4:15 ပူးပေါင်းရင်းမြစ်များ

WƖAA DƖ-SUOMUŊ 19:14

Ŋɩɩ nɛ Lɔt lɩɩ bʋla pɩ nɩalɩŋ fa sɩɩ chɛ dɩ ba jaa ʋ toloo, “Má sii a ŋaa dee dee a lɩɩ taŋ deeŋ lɛ, bɛɛ wɩaa La TƖƖNA ka chɛ ʋ chei tabalɩŋ deeŋ nɛ.” Ama ba fa bɩɩna Lɔt faa gbieli nɛ.

AZAAYA 53:1

Kʋbɛɛ nɛ hɛ nɩmɛ a laa wɩalɩŋ la sɩ bʋla a dii? Kʋbɛɛ nɛ La TƖƖNA kɛŋ ʋ doluŋ dagɛ?

ZƐKARƖYA 3:1

Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua.

Matiu 13:19

Nɩalɩŋ sɩ yie nɩɩ Wɩa niiŋ wɩalɩŋ a mʋ tɩgɛ Wɩa kuorii-la lɛ aŋ bɩ ba bʋbʋɔŋ jɩŋ, ba nagɛ kʋdoho-la sɩ tel wombiiŋ lɛ nɛ. Sɩtaanɩ yie guu kɔ a kɛŋ wɩalɩŋ a liiri ba tʋɔŋ lɛ.

Matiu 22:5

Ŋɩɩ nɛ nɩalɩŋ ʋ sɩ yɩra bɩra vɩa dɩ ba mʋ aŋ tɩtɩŋ ba tɩntɩŋŋaa. Dɔŋɔ sii mʋ ʋ baga, dɔŋɔ ma sii mʋ ʋ kɩaa dɩ-yallɩŋ.

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Maak 4:14

Baal-la sɩɩ duu kɩaa, ʋ nagɛ Wɩa niiŋ wɩaa nɛ ʋ kaa lɩɩ dɩ ʋ bʋl ŋɩɩ.

Maak 4:16

Kɩalɩŋ ma sɩ tel kpagɩnyɩlɩŋ nyuŋ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a guu laa wɩalɩŋ dii arɩ tʋɔtɔrʋŋ.

Maak 4:4

Ʋ fa ŋaa mɩmɩsɛ nɛ, kʋdoho-la dɔnsʋŋ tel wombiiŋ tʋɔŋ. Diibiisiŋ kʋ tʋɔsa dii.

Luuk 8:12

Kɩalɩŋ sɩ tel wombiiŋ tʋɔŋ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ka Sɩtaanɩ kʋ liiri wɩalɩŋ ba tʋɔŋ, dɩ ba sɩ́ wɩalɩŋ laa dii dɩ Wɩa laaba ta.

Tɩntɩŋŋaa 17:32

Nɩalɩŋ sɩ nɩa arɩ Pɔɔl bʋl sʋʋŋ siiniŋ lɛ wɩaa, ba dɔnsʋŋ mʋmɔmʋ, ama dɔnsʋŋ ma sɩ, “La jaŋ cho dɩ ŋ maachie bɩra bʋl wɩɩŋ deeŋ pɩla.”

Tɩntɩŋŋaa 5:3

Pɩɩta pɩɛsʋ, “Ananɩas, bɛɛ nɛ tɩɩ ŋ leŋ Sɩtaanɩ nyɩsɩŋ, ŋ joŋ tintee-la ŋ sɩ yalla moribie-la dɔnsʋŋ faa, aŋ nyɩɛ wɩaa pɩ Wɩa Dɩŋ-zɔmʋŋ?

2 Kɔrɩntɩ Nɩaa 2:11

mɩ bɩ chɛ dɩ Sɩtaanɩ wuola. La jɩŋ ʋ wʋkɛnɩŋ nɛ.

2 Tɛsalonaaka Nɩaa 2:9

Wʋbɔŋŋɔɔ kuoro jaŋ kɛŋ Sɩtaanɩ doluŋ a kɔ. Ʋ jaŋ nyɩsɛ nɩaa arɩ wʋmagɩlaa arɩ wʋkpuŋkperisiŋ.

Hiburu TƖŊŊAA 12:16

Má pɔ ma tɩtɩa lɛ dɩ ma tʋɔŋ nʋʋkala sɩ́ lɩɩlʋ koo, dɩ ma tʋɔŋ nʋʋkala sɩ́ nʋʋ sɩ bɩ Wɩa ka fá ŋaa, a nagɛ Ɛsɔ. Ʋ fa ŋaa ʋ nyɩmma bii-hɩaŋ nɛ, aŋ joŋ ʋ hɩasɩŋ lenni kʋdiilee ʋ ŋaana teeŋ.

Hiburu TƖŊŊAA 2:1

A tɩŋ wɩɩŋ deeŋ wɩaa, ʋ maga dɩ la kɛŋ wɩalɩŋ la sɩ nɩa woruŋ, dɩ wɩɩkala sɩ́ leŋe dɩ la mɩɩrɛ harɩŋ.

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 20:10

Sɩtaanɩ nɛ nyɩsɛ Gɔg arɩ Magɔg nɩaa hɛ dɩ ba yuo Wɩa nɩaa. Ŋɩɩ nɛ ba joŋu a yuo hɛ nyiniŋ sɩɩ dii a nagɛ jiribiiŋ lɛ, lee-la ba sɩ joŋ baga kʋ-la arɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ a yuo a hɛ. Ba jaŋ na hɛɛŋ wɩɩhɛyɛ arɩ tɩtaŋɩŋ kala a kaa mʋ wuu.

Jɔɔŋ Wʋnaalaa 20:7

Dɩ jɩsɩŋ bʋɩ-la nɛ kiele, ba jaŋ lɩɩsɛ Sɩtaanɩ sarɩka-la lɛ.